Վաղվա արտահերթ նիստի օրակարգը հստակ է․ Արտահերթ նիստի պահանջով ենք հանդես եկել, որպեսզի ԱԺ-ն հանդես գա հայտարարության տեքստով տեքստը հրապարակել ենք մի քանի անգամ, դա այն բոլոր կարմիր գծերն են և սկզբունքներն են, որով պետք առաջնորդվի ցանկացած հայանպաստ և հայամետ իշխանություն։ Այս մասին Yerevan.Today-ի հետ զրույցում ասաց ՀՅԴ ԳՄ ներկայացուցիչ, ՀՀ ԱԺ փոխխոսնակ Իշխան Սաղաթելյանը։

Իրենք մեկ ամիս շարունակ ասում էին ընդդիմությունը օրակարգ չունի, չի գալիս խորհրդարան վախենում է, ասելիք չունի, և երրորդը՝ ընդդիմության փողոցային պայքարի նպատակը ոչ թե Արցախն ու ՀՀ-ն է, այլ՝ իշխանության գալն է։

Հարցին, եթե վաղը ԱԺ իշխանական պատգամավորները չգան ԱԺ, ի՞նչ է լինելու դրանից հետո, Սաղաթելյանը պատասխանեց․ «Վաղվա օրվա ընթացքը շատ կարևոր է, ակախ նրանից կգան, թե՝ ոչ, մեր երկու խմբակցությունները գնալու են։ Դեռ իրենք շանս ու ժամանակ ունեն ուղղվելու, խելքի գալու և մասնակցելու, որովհետև չի կարող խորհրդարանական կառավարվող երկրում երկրի կենսական շահերի հետ առնչություն ունեցող խնդիրները խորհրդարանում չքննարկվել և քաղաքական մեծամասնությունը փախնի։ Քաղաքական մեծամասնությունը փախչում է, որովհետև ասելիք չունի, գա ի՞նչ ասի։ Սա ջրբաժան է պայքարը ավելի սուր առաջ տանելու իմաստով, որովհետև այդ մարդիկ ակնհայտ հայտարարում են այլևս և պաշտոնապես փաստում, որ իրենք ՀՀ-ի, Արցախի և հայ ժողովրդի շահերի հետ կապ չունեն»։

Նախարարը դա քաղաքական պաշտոն է և կրում է նաև անձնական պատասխանատվություն։ Մեզ համար այս օրերին շատ կարևոր է նաև անձնապես հասկանալ։ Հիմա ՔՊ-ական ոչ բոլոր պատգամավորներն են իմ կարծիքով կիսելու այս պատասխանատվությունը և դավաճանությունը, սա նաև իրենց համար է շանս կողմնորոշվելու տարանջատվելու Նիկոլից։ Մենք հասկանում ենք՝ իրենց վախի աստիճանը, հասկանում ենք, որ այդ պաշտոնն իրենց համար թանկ է, բայց հակառակ կողմում դրված է հայրենիք․ ասաց Իշխան Սաղաթելյանը։

«Այնտեղ պատգամավորներ կան, որոնց և՛ ճակատագիրը, և՛ պահվածքի պատճառները հայտնի են, իրենք այլ տարբերակ չունեն։ Խոսքը 10-12 հոգու մասին, մյուսները պետք է իրենց հարց տան՝ ինչու են մտնում այս բեռի և պատասխանատվության տակ։ Տպավորություն է գերու կարգավիճակում են»,-ասաց Սաղաթելյանը։

«Այն ինչով զբաղվելու է սահմանագծման և սահմանազատման հանձնաժողովը լավ բան չի անելու, որովհետև լավ տեղ չի տանելու․ այս ուղղությամբ մենք ավելի գլոբալ ենք ձևակերպել խնդիրը՝ պետք է դադարեցնել այդ հանձնաժողովի աշխատաքները, քանի դեռ թշնամու զորքերը գտնվում են Հայաստանի ինքնիշխան տարածքում։ Բայց քանի որ իշխանությունը ծնկի եկած է , կապիտուլյացիա ստորագրած է և առհասարակ իր աթոռը պահելու համար պատրաստ է ցանկացած զիջման ամեն ինչ սպասելի է»,-համոզմունք հայտնեց Իշխան Սաղաթելյանը՝ վերահաստատելով․ «Մենք դեմ չենք սահմանագծմանն ու սահմանազատմանը, բայց դա չի կարող լինել ուժի սպառնալիքի ներքո»,-ասաց նա։