ՀՅԴ Հայաստանի Գերագույն մարմնի անդամ, «Հայաստան» խմբակցության քարտուղար Արծվիկ Մինասյանը համաձայն է, որ ընդդիմության փողոցային պայքարը նպատակին չի ծառայել:

«Ճի՛շտ է, փողոցային պայքարը որոշակի դրական արդյունքներ տվել է, բայց նպատակին, որ չի ծառայել, պատճառը ո՞րն է։ Ասել ենք՝ կուզեք մենք մի կողմ քաշվենք, խնդիր չկա, եկեք, առաջնորդեք, բոլորին ենք ասել, ովքեր չեն կիսում այս իշխանության տեսակետը, գտնվում են ընդդիմադիր դիրքերում:

Հեշտ է քննադատելը, բայց որ գալիս է կոնկրետ գործ անելու պահը, սկսում է ամեն մեկն, իր նեղ կարգավիճակից ելնելով, մեղադրել նախկիններին: Ինչո՞վ են մեզ քննադատողները տարբերվում գործող իշխանություններից»,- ԱԺ-ում լրագրողների հետ զրույցում ասաց նա:

«Ժողովո՛ւրդ, իրար փոր, որ թափում եք, դրանից հայրենիքը չի փրկվում, ոչ էլ Նիկոլ Փաշինյանի իշխանությունն է երերում: Նիկոլ Փաշինյանի դավաճանական իշխանությունը կարող է հեռացվել համազգային համախմբման միջոցով», – նշել է Արծվիկ Մինասյանը:

Մենք նախորդ անգամ կառավարության զեկույցի ժամանակ ակտիվ մասնակցություն ունեցանք և նաև ելույթներ, նույնը շարունակվելու է այսօր, ունենալու ենք հարցեր, քաղաքական, արտաքին, ներքին:

«Սա հնարավություն է շարունակել զեկույցի շրջանակներում շատ հարցեր, որոնք դեռևս կիսատ են մնացել։ Մենք նախորդ քննարկամ ժամանակ մտանք բովանդակային քննարկման դաշտ։ Այս պահի դրությամբ այլ բան չունենք որոշված, հատկապես մարզային այցերը, որոնք որ մեր խմբակցությունը կազմակերպում է, բազմաթիվ հարցադրումներ բնակիչների կողմից բարձրացվում են, սկսած անվտանգությունից, վերջացրած՝ սոցիալ-տնտեսական բնագավառարից»,- ասաց պատգամավորը։

Հարցին, թե իրենք այլ օրակարգով էին եկել խորհրդարան Արծվիկ Մինասյանը նշեց, որ իրենց օրակարգը շարունակվում է․ «Դուք հնչեցնում եք գնահատական, որը արդեն քաղաքական գործչի գնահատական է, մեր օրակարգը չի փոխվել, հեռացումը մեկ գործողություն չէ, որ ճտցնես հեռանա, հետևողականորեն մենք պետք է բացահայտնենք այս իշխանությունների մնացած խոստումների սնանկությունը։ Անընդհատ պետք է հիշեցնել՝ դուք, ձեր նախընտարական ծրագրում սա եք ասել, հիմա իրականացնում եք ուղիղ հակառակը, ժողովուրդ, ընտրողներ, դուք, որ ձայն եք տվել այս մարդկանց, սրա համար եք տվել, որ գան ձեզ հրապարակային խաբեն։ Մեր քաղաքացիներից շատերը տեղյակ էլ չեն սրանից, թեև մենք անընդհատ բարձրաձայնում ենք, բայց հասարակության մեջ շարունակվում է այն պատկերացումը, որ իշխանությունը անում է այն, ինչ խոստացել էր»,- ասաց նա։

Արծվիկ Մինասյանն ասաց, որ հասարակական կարծիքը միշտ էլ կարևորել են, բայց մտածել և միայն այդ կարծիքով են առաջ գնացել՝ այդպես չէ․ «Շատ ենք կարևորել հանրության շրջանում ամբողջական տեղեկատվության ներկայացումը։ Ի վերջո մեր օրակարգային հարցերը առանց փոփոխելու, շատ կարևոր է, որ մեր քաղաքացիների ճնշող մեծամասնությունը համոզված կերպով պաշտպանեն ընդդիմության տեսակետը, որ այս իշխանությանը օր առաջ պետք է հեռացնել, բայց դա կարևոր է նրանով, որ մարդիկ ոչ թե էմոցիայի, ոչ թե պոռթկման հիման վրա, այլ՝ խորապես գիտակցելով, որ այս իշխանությունը կործանարար է, փորձում ենք դա բացատրել, առանց լուրջ հետին մտքի, մեր նպատակը պարզ է՝ այսօր հայրենիքը հայտնված է ծանրագույն վիճակում և փրկության միակ բանալին մեր ժողովրդի ձեռքում է, և եթե ժողովուրդը չհամախմբվի, դա կդառնա անհնարին։ Պատճառներից մեկը նա է, որ իշխանության ապատեղեկատվության ներքո կա ճնշող մեծամասնություն, հատկապես մարզաբնակները, որտեղ մարդիկ մտածում են, որ իշխանությունը կատարում է իր խոստումները։ Սա խոսում է այն մասին, որ մեր տեղեկատվությունը, մեր քարոզչական արշավները, մեր կառավարությանը հարցումներով բացահայտել իրենց թերությունները, սխալները, մենք այս մասով թերացել ենք»,- ասաց նա։

Մանրամասները՝ տեսանյութում