«Հիմա այս տարվա կտրվածքով 24.500 լրացուցիչ հարկ վճարողների թիվն անշուշտ ողջունելի է։ Սա խոսում է այն մասին, որ առանձին տնտեսվարողներ, որոնք նախկինում գործել են ստվերային դաշտում, այժմ եկել են օրինական դաշտ։ Հատկապես սա տեսանելի, զգալի է տոնավաճառներում, շուկաներում, որտեղ տարիներ շարունակ գործում էին չգրանցված տնտեսվարող սուբյեկտենր, ովքեր լեզու էին գտնում տոնավաճառների տերերի հետ։ Հիմա այդ խաղի կանոնները վերացել են և բոլորը պարտադիր գրանցվել են»,-նկատեց նա։

Տնտեսագետը շեշտեց, որ այս ուղղությամբ արվող քայլերը զգալի են, տեսանելի են և կարող են բոլորը գնահատել։ Նրա խոսքով՝ շատ կարևոր է, որ մաքսային սահմանում բարելավվել է վարչարարությունը և տնտեսվարող սուբյեկտները հիմա չեն կարող ֆիզիկական անձի տակ թաքնվելով ապրանքներ ներմուծել և հարկեր չմուծել։

«Սա նաև մաքսային վարչարարության արդյունք է, որը ողջունելի է։ Բայց այս ամենը որ կա, դա ստվերի բացահայտում է, որի արդյունքում ապահովվել ենք տնտեսական աճ՝ հատկապես առևտրի և ծառայությունների ոլորտում։Սրանք նախկինում եղել են, այսօր եկել են օրինականացման դաշտ։ Սակայն փաստացի առևտրի ծավալները չեն աճել։Ցանկացած խանութ, կրպակ, տոնավաճառի կետ ուսումնասիրելիս կտեսնենք, որ նրանց մոտ առևտրի ծավալները 30-40 տոկոսով նվազել են։ Մենք օրինական տվյալների աճ ունենք, սակայն փաստացի ծավալներն ավելի են նվազել»,-հավելեց նա։

Դուսյա Ղազարյան