Կանադայից, Ամերիկայից եւ Ավստրալիայից Արցախ ժամանած 25 սփյուռքահայերի համար «Հորիզոն»-ը յուրատեսակ ծրագիր է մշակել՝ Ստեփանակերտից, Շուշիից ու Գանձասարից բացի հյուրերին տանելով Ասկերանի շրջանի Աստղաշեն համայնք:

«Աստղաշենի այցելությունն ամենահիշատակելին է, քանի որ սփյուռքի մեր հայրենակիցները հնարավորություն ունեցան շփվելու գյուղացիների հետ՝ մի այլ տեսանկյունից բացահայտելով Արցախ աշխարհը»,- «Ապառաժ»-ի հետ զրույցում ասել է Կարագաշյանը եւ նշել, որ Աստղաշենում նախաձեռնվել է նաեւ մշակութային ծրագիր՝ տեղի արվեստի դպրոցի սաների մասնակցությամբ:

Աստղաշենի միջոցառմանը մասնակցում էին ԱՀ Ազգային ժողովի «Դաշնակցություն» խմբակցության պատգամավոր Ռիտա Մնացականյանը եւ Համազգային հայ կրթական եւ մշակութային միության Արցախի գրասենյակի տնօրեն, «Հորիզոն»-ի խմբագրական կազմի անդամ Հերմինե Ավագյանը:

Հավելենք, որ «Հորիզոն» շաբաթաթերթը Կանադայում հրատարակվում է 1979 թվականից: Իսկ 1984 թվականից սկսած «Հորիզոնն» ունի նաեւ գրական բաժին:

Լ.Թեւոսյան
aparaj.am