«Ենթադրենք որևէ մեկն անցնում է քրեական գործով և դատարանը ունի վճիռ նրա նկատմամբ որոշակի միջոց կիրառել, որի մեջ է նաև բանկային գաղտնիքի մասին տեղեկությունների հասանելիությունը, սակայն այս օրենքի միջոցով մեխանիկորեն նաև քրեական գործով անցնող անձի հետ փոխկապակցված անձանց մասին տեղեկատվությունը ևս դառնում է հասանելի, ինչը բանկային գաղտնիքի տեսանկյունից արդար չէ, քանի որ անձը չգիտի, որ իր մասին տեղեկատվություն է հավաքագրվում։ Սա կարող է լուրջ տնտեսական խնդիրներ առաջացնել, քանի որ բազմաթիվ ներդրողներ չեն ցանկանա, որ իրենց մասին տեղեկատվությունը հասանելի լինի նաև պետական մարմիններին։ Դիցուք, եթե որևէ քրեական գործով անցնող անձը գնում է որևէ ռեստորան՝ ճաշելու, դրանից հետո այդ ռեստորանի հաշիվները կարող են ստուգվել։ Բնական է, որ սա բիզնեսի համար, բանկային գաղտնիքի տեսանկյունից, լուրջ խնդիր է։ Միաժամանակ, սա կարող է խթանել նաև կանխիկ գործարքների աճին, այսինքն, մարդիկ խուսափեն քարտով գործարքներից՝ հետագայում խնդիրներից խուսափելու համար»,֊ ասաց Պարսյանը։

Նա նաև ընդգծեց, որ երբ վարչապետը հայտարարում է, որ պետք է կրճատենք կանխիկի շրջանառությունը, ինչը ողջունելի քայլ է, բայց դրան զուգահեռ բերվում է այս օրենքի նախագիծը, որը լիովին հակառակ տրամաբանությանն է խթանելու։

Նա ընդգծեց նաև, որ մեր բանկային համակարգը շահագրգռված չէ այս օրենքի ընդունմամբ, քանի որ նման օրենքի ընդունմամբ՝ բանկերը չեն կարողանալու իրենց հաճախորդներին երաշխիքներ տալ, որ իրենց մասին տեղեկատվությունը հասանելի չի լինի ՀՀ իշխանություններին։