«Ստացվում է՝ իշխանությունն ամեն անգամ կարող է ինչ բառապաշար ցանկանա օգտագործել, իշխանության ներկայացուցիչներն էլ կարող են ինչ ելույթներով ուզել հանդես գալ, բայց երբ որևէ մեկը կփորձի հակադարձել իրենց կամ այլ կարծիք հայտնել, դա կորակեն որպես սադրանք ու ձեռքներին ազատություն կտա՞ն»,- ասաց նա:

«Ընդհանրապես, ծիծաղելի է, երբ իշխող մեծամասնությունը փորձում է իրեն զոհի կարգավիճակում ներկայացնել: Իրենք պետք է հասկանան, որ այս ամենն իրենց ստեղծածն է, այս մթնոլորտը, այս իրավիճակի պատասխանատուն իրենք են ու անձամբ երկրի վարչապետ Նիկոլ Փաշինյանը: Այս ամեն ինչը ստեղծվել է քայլ-քայլ, իրենց խոսքերի, ելույթների, գործողությունների արդյունքում մեր երկրում ստեղծել են մի իրավիճակ, որ նման դեպքերը դարձել են առօրեական, սովորական»,- շեշտեց Իշխան Սաղաթելյանը:

Անդրադառնալով վարչապետի այն մեղադրանքին, որ Էդմոն Մարուքյանը չպետք է թողներ ամբիոնը, և գուցե Սասուն Միքայելյանը դուրս էր ուզում գնալ, Սաղաթելյանն ասաց. «Ստացվում է՝ եթե մարդն ամբիոնից իջել է, պետք է ծեծե՞ն: Դա ի՞նչ արդարացում է, ի՞նչ վերաբերմունք է: Վարչապետն ի՞նչ ասաց, հայտարարեց՝ դատապարտում է երևույթը, բայց դրան զուգահեռ մի քանի անգամ բռնության կոչ արեց, հայտարարեց. «Պադեզդներում ձեզ ասֆալտին կպառկացնենք»: Այսինքն՝ նույն իր որճով իր գիծը շարունակում է: Նա, ըստ էության, չդատապարտեց այդ ամեն ինչը, կամ դատապարտելուն զուգահեռ բռնության կոչեր հնչեցրեց երկրի թիվ մեկ քաղաքական ամբիոնից՝ Ազգային ժողովից»:

Բանախոսը նշեց, որ ընդհանրապես այլևս կասկածի տակ է դրվում այս խորհրդարանի գոյության նպատակահարմարությունը:

Անդրադառնալով վարչապետի այն հայտարարությունը, թե այս ամեն ինչը, այս սադրանքները կապված են ապօրինի գույքի հետբերման գործընթացի հետ, քանի որ զրկվելու են «թուլափայից», ինչպես Նիկոլ Փաշինյանն էր ձևակերպել, Իշխան Սաղաթելյանն ասաց. «Ես չեմ հասկանում ի՞նչ կապ ունի այդ ամեն ինչը այդ օրենքի հետ: Փորձում են հիմնավորում գտնել, փորձում են իրենց ձախողումները, իրենց վարքագիծը ներկայացնել իբրև ձեռքբերում: Ի՞նչ են արել, մի հատ օրենք են ընդունել ու փորձում են ամեն ինչը կապել այդ օրենքի հետ: Ի՞նչ կապ ունի այդ ամեն ինչը այդ օրենքի հետ»:

Նա շեշտեց՝ այսօրվա իրդարաձությունները ցույց տվեցին, որ իշխող ուժը բացարձակ կապ չունի այսօրվա խորհրդի հետ: «Բացի այդ, երկու տարի աաջ այս օրն այդ ամբիոնից ուրիշ հայտարարություններ էին հնչեցնում, այլ արժեքնրեից են խոսում, ասում էին՝ եկել ենք, որ ամենաթողությունը վերացնենք, բայց պաարզվում է, որ այդ ամեն ինչը ոչ միայն չեն վերացրել, այլ խորացրել են: Մենք վաղուց խորհրդարանում նման միջադեպ չենք ունեցել, մեկ էլ ՀՀՇ-ի ժամանակ ենք նման բաներ տեսել խորհդարանում»,- հայտարեց նա: