Ունենք երկու կարեւոր գործողություն Արցախը փրկելու համար: Առաջինը պետք է ազատվենք Արցախը հանձնող իշխանություններից: Երկրորդը, պետք է ձեւավորվի ազգային համաձայնության կառավարություն, համախմբենք մեր ժողովրդին եւ փրկենք Հայաստանն ու Արցախը: Սա է մեր ծրագիրը: Այս պահից գործում է հայրենիքի փրկության կոմիտեն»,-ասաց Իշխան Սաղաթելյանը:

Նա կոչ արեց ժողովրդին ոտքի կանգնել. «Սա նաեւ անհնազանդության շարժում է, մենք չենք կարող թուրքի առաջ կզած ղեկավարին հանդուրժենք: Պատերազմը բերել է Նիկոլը իր անհետեւողական քաղաքականության արդյունքում, փչացրել է մեր հարաբերությունները մեր ռազմավարական դաշնակիցների հետ, Ռուսաստանի, Իրանի: Իր ստի, կեղծիքի, իր անվստահության պատճառով բերել հանգեցրել է պատերազմի, իսկ պատերազմի ողջ ընթացքում մատնված է եղել անգործության եւ դավաճանության:

Այս պահից սկսած Հայաստանի իշխանությունը գոյություն չունի, պետք է հեռանան, որպեսզի փրկենք Հայաստանը եւ Արցախը: Նիկոլը չի կարող սա կանգնեցնել: Դրա համար պետք է ձերբակալի 3 մլն բնակչությանը: Ուրիշ տարբերակ չունի:

Այս ամեն ինչի համար պատասխանատվության իր բաժինն ունի նաեւ քաղաքական մեծամասնությունը: Արագ հրավիրել ԱԺ արտահերթ նիստ եւ հեռացնել Նիկոլին: ԲՀԿ-ն արդեն դա նախաձեռնել է, «Լուսավոր Հայաստանը» պարտավոր է րոպեների ընթացքում միանալ այս նախաձեռնությանը: Այլ տարբերակ չկա: Նիկոլը բարոյական, քաղաքական որեւէ իրավունք չունի ղեկավարելու այս ժողովրդին: Նա մեզնից խլեց մեր արժանապատվությունը:

Նիկոլ եթե դու ունես արժանապատվություն, ինքնասիրություն, էս ժողովրդին էս վիճակին հասցնելուց հետո էլի կառչել ես քո աթոռին, ու շարունակում է փնտրել մեղավորներ»,-հայտարարեց ՀՅԴ ներկայացուցիչը:

Նա հվելեց, որ Նիկոլ Փաշինյանն այսօր փորձել է Ստեփանակերտը չհանձնելը ներկայացնել որպես լավություն. «Փորձում է մեղադրել բանակին, կուսակցություններին, ժողովրդին: Այս ամենի համար կա մեկ պատասխանատու՝ Նիկոլը եւ իր անմեղսունակ թիմը: Նիկոլ, ժողովուրդը զզվում է քեզանից, ամաչում է քո համար եւ քո ծառայությունները թուրքերի համար, հեռացիր եւ վերջ»: