Լիլիթ Գալստյանի խոսքով՝ միայն իշխանափոխության պարագայում հնարավոր է պայմանագրի կետերը վերանայել։ Նրա խոսքով՝ այս պայամանագրով խախտված է Հայաստանի սուվերենությունը:

«Մեղրիով մենք ճանապարհ ենք տալու երկու թուրքի միանալու, հասկանո՞ւմ եք, թե ի՞նչ դավադրություն է կատարվել մեր թիկունքում: Ամենացավալին այն է, որ նա մեր թիկունքում բանակցել է: Նիկոլ Փաշինյանը երկուսուկես տարի իշխանություն էր, բայց չկարողացավ, ո՛չ ռազմական, ո՛չ քաղաքական, դիվանագիտական ճակատներում հաջողություններ արձանագրել: Դու, երկրին տարար պարտության, պարտված իշխանությունն այլևս անելիք չունի, նա պիտի հեռանա, պիտի գան պրոֆեսիոնալներ, որ երկիրն այս նվաստացուցիչ փոսից հանեն»,– ասաց նա:

ՀՅԴ անդամը նշեց, որ «Իմ քայլը» խմբակցությունը ներկայացնում է, թե ընդդիմադիր ուժերը, որոնք այսօր Ազատության հրապարկում իրենց բողոքի ձայնն են բարձրացնում, պատերազմ են ցանկանում, սակայն դա իրականությանը չի համապատասխանում։

«Իմքայլականների դավադիր հայտարարությունն է, որ մենք պատերազմ ենք ուզում և Ռուսաստանի հետ վատթարացնում մեր հարաբերությունները: Ռուսաստանը շարունակում է մնալ Հայաստանի ռազմավարական դաշնակիցը, եթե Նիկոլ Փաշինյանը կարողանար ռազմավարական դաշնակցի հետ դիվանագիտական հարաբերություններ պահել, այս վիճակը չէինք ունենա: Ռուսաստանը մնում է մեր ռազմավարական դաշնակիցը, շատ լավ է, որ ունենք խաղաղապահ զորքեր, բայց նաև պետք է մեր գործընկերային հարաբերությունները միջազգային այլ կառույցների հետ շարունակել»,– ասաց նա:

https://youtu.be/ajksxGTYzlE