ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • Հայաստան
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Յօդուածներ

Իշխանությունը կապիտալացնում է իր վերարտադրման հնարավորությունները

15 Փետրվար 2019 Մեր երկրի խորհրդարանն ընդունեց կառավարության ծրագիրը: Բարի՛ երթ:

Նոր խորհրդարանում քննարկումները անցան նույն ոգով և գրեթե կրկնվող բովանդակությամբ, ինչպես նախկինում էր:

Մասնավորապես, հետևելով խորհրդարանում տեղի ունեցած քննարկումներին՝ ընդհանուր առմամբ պարզ եղավ, որ նեղ կուսակցական ու անձնական շահերից բխող քննադատությունների ու վիրավորանքների պակաս չկար: Նույնիսկ, հաճախ, մասնակիցները մոռանում էին, թե որտեղ և ինչի համար են հավաքվել: Բնականաբար, սկզբից մինչև վերջ ակնհայտ էին քծնանքն ու ինքնամոռաց փառաբանումները, ինչպես նաև սեփական մտահոգությունների ու արհեստավարժության, ժողովրդի նկատմամբ ունեցած անսահման սիրո ցուցադրության հաջող և անհաջող փորձերը, քաղաքական ձեռնածությունները: Առիթը բաց չթողներով՝ մատնացույց էին արվում անհանդուրժողականության և հանդուրժողականության դրսևորումները: Արդյունքում, արհեստական էին դառնում նաև նոր խորհրդարանի որակական փոփոխությունների ցուցադրումները:

Կառավարության ծրագրերի քննարկումների համար միակ նոր ասելիքը եղավ նախկինների քննադատությունը: Եվ սա դրսևորվում էր հատկապես այն դեպքերում, երբ արտահայտված առարկայական մտահոգությունները փարատող հիմնավորումներ չկային կամ դրանք ակնհայտորեն համարժեք չէին:

Հանգուցալուծումն էլ պարզ էր և սահուն ընթացք ունեցավ՝ ի սկզբանե ենթադրվող սցենարով: Բնականաբար, «ուժեղը» հաղթեց «թույլին»՝ սիրո և հանդուրժողականության քողի տակ, իր ուժի (ընտրություններում ստացած շուրջ 70 տոկոս քվեի) բացահայտ ցուցադրումներով և «մենք շատ ենք, ուրեմն՝ ոնց ուզենք էդպես էլ կանենք» լի ու լի դրսևորումներով, հալածվողի և ներողի կերպարներ ցուցադրելով, ինչպես նաև ծրագրի ու դրա կատարողի նկատմամբ անբեկանելի հավատը հավաստելով, սակայն միաժամանակ՝ դեմ քվեարկելով:
Դեռևս դժվար է ասել, թե այդ քննարկումներն ի՞նչ արդյունք ունեցան շարքային քաղաքացիների առարկայական սպասումների տեսանկյունից:

Նշեմ նաև, որ կառավարության ծրագրի բովանդակության վերաբերյալ բազմաթիվ հրապարակումներով արդեն իսկ հայտնել ենք քաղաքական և մասնագիտական դիրքորոշումներ, տրվել են դրանց առարկայական հիմնավորումները: Այս շարքը դեռ կշարունակվի և հուսով ենք, որ բերված օբյեկտիվ առաջարկներին էլ ականջալուր կլինեն բուն հասցեատերերը:

Սակայն ուզում եմ առաջ անցնել ու ներկայացնել և՛ ծրագրից, և՛ դրա քննարկումներից ուրվագծվող, ուշագրավ մի թեզ: Թերևս հենց այս թեզը հաջորդ խորհրդարանական ընտրություններին, ընդհանուր առմամբ, դառնալու է իշխող քաղաքական ուժի նախընտրական քարոզչության տրամաբանության հիմքը, որն առարկայացվում է այսօր:

Նախ՝ արդեն ամբողջապես պարզ է, որ կառավարության ծրագրով, հաջորդ հինգ տարիներին, առաջ ենք գնալու ազատ մրցակցային և շուկայական մոդելով: Շատ էլ, որ Սահմանադրությամբ նույնչափ հստակ ամրագրված է՝ Հայաստանի Հանրապետությունը սոցիալական պետություն է, իսկ մեր երկրի տնտեսական կարգի հիմքը պետք է հանդիսանա սոցիալական շուկայական տնտեսությունը: Սահմանադրությամբ հստակ է նաև պետության դերն ու պարտավորությունը՝ յուրաքանչյուր քաղաքցու սոցիալական խնդիրների լուծման և արժանապատիվ գոյության ապահովման գործում:

Քննարկումների ընթացքում, որքան էլ գեղեցիկ խոսքերով փաթեթավորվեց ծրագրի գաղափարական հիմքը, այնուամենայնիվ, վերջապես պարզ դարձավ՝ իրականում ծրագրի կատարման հիմնական դերակատարը և պատասխանատուն հենց շարքային քաղաքացիներն են, առաջնայինը՝ կյանքի դժվարին իրավիճակում հայտնված մեր հայրենակիցները:
Իսկ կառավարությունն ուրիշ ի՞նչ պիտի անի: Ստեղծելու է մրցակցային պայմաններ և բացելու է շուկաներ տանող փակ դռները:

Այս պարագայում յուրաքանչյուր քաղաքացուն առաջարկվում է՝ իր գլխից հանել աղքատությունը, հույսն էլ կտրել պետությունից՝ իր առարկայական ակնկալիքների մասով, իհարկե, բացի մրցակցության հնարավորության ապահովումը: Սա էլ դեռ հարց է՝ ինչպե՞ս և ե՞րբ: Քաղաքացին պետք է հավատա միայն ինքն իրեն և ապավինի շուկայի «անտեսանելի ձեռքի» օգնությանը: Այս մոտեցմամբ քաղաքացին պարտավոր է բարելավել իր կյանքի որակը՝ այն չափով, որքան կկարողանա աշխատել: Բնականաբար, քաղաքացին պարտավոր է նաև իր աշխատածի մի մասը տալ պետությանը՝ հարկերի տեսքով: Եկամտահարկն էլ կլինի բոլորի համար նույն դրույքաչափով՝ անկախ ստացված եկամուտի չափից, այսինքն՝ սկզբունքը «կարված է> բացառապես հարուստների համար: Եթե կավելանան հարկային մուտքերը, ապա պետությունն էլ, դրանց համարժեք» կբարձրացնի կենսաթոշակների, նպաստների, հանրային հատվածի աշխատավարձերի չափերը, կբարելավի ենթակակառուցվածքները (ճանապարհներ, ջրամբարներ և այլն), կավելացնի առողջապահության և կրթության ոլորտի պետական պատվերը և այսպես շարունակ:

Հինգ տարվա ընթացքում, ինքնաբերաբար, կլինի տնտեսական որոշակի առաջընթաց, դրան էլ համաչափ, որոշ չափով կլուծվեն նաև սոցիալական խնդիրներ: Ծրագրի ավարտին էլ կունենանք հանրային կյանքի որակի մի նոր հանգրվան, որն, ի սկզբանե, ուղղակիորեն պայմանավորված է լինելու յուրաքանչյուր քաղաքացու տնտեսական վարքագծից՝ աշխատանքի չափից և արդյունքից: Միաժամանակ, այս մոտեցմամբ իշխող քաղաքական ուժը և այդ ուժի ձևավորած կառավարությունը ունենալու են քաղաքական նվազագույն պարտավորություններ և ռիսկեր:

Եվ բնականաբար ենթադրվում է, որ հանրության մեծ մասի համար հաջորդ նախընտրական փուլում այդ արդյունքները ընկալելի կլինեն և պետք է ապահովեն բավարար քվեներ՝ իշխանությունը պահպանելու համար:

Ընդ որում, այս թեզի ներքո պատասխան կլինի նաև բողոքողների համար.

«Սիրելի՛ քաղաքացիներ մեր ծրագրում պարզ գրել էինք և ձեզ հետ էլ պայմանավորվել էինք, որ պիտի աշխատեք, վճարեք հարկեր, որ լավ ապրեք: Իշխանությունն էլ չի խանգարել ձեր աշխատանքին: Եթե լավ չեք ապրում, ուրեմն՝ ձեր գլխից դեռ չեք հանել աղքատությունը, դեռ չեք հավատում ինքներդ ձեզ: Շարունակեք ավելի շատ աշխատել, ավելի շատ հարկեր վճարել: Բայց ամեն դեպքում մեզ քվե պետք է տաք: Հակառակ պարագայում կընդհատվի տնտեսական հեղափոխությունը և կհաղթի հակահեղափոխությունը: Դուք էլ կկորցնեք ձեր որոշիչ դերը՝ աշխատելու և դրան համապատասխան ապրելու հնարավորությունը»:

Փաստորեն, այս թեզով գործող իշխանությունը, լիարժեք օգտվելով այսօրվա իր բարձր վարկանիշից և հանրային վստահությունից, փորձում է ոչ միայն այս փուլում ապահովագրել իր իշխանության կայունությունը, այլ նաև՝ քաղաքական նվազագույն ռիսկերով կապիտալացնել իր հետագա վերարտադրության հնարավորությունները:

Որքա՞ն կենսունակ կլինի այս թեզը և ամենակարևորը՝ արդյո՞ք այն կապահովի տնտեսական հեղափոխություն: Պարզ է, որ մեր երկրի սոցիալական ու ժողովրդավարական ապագա զարգացման տեսանկյունից խիստ կարևոր են այս հարցադրումները: Եվ բնականաբար, վերջնական պատասխանները կարող է տալ միայն ժամանակը:


Թադևոս Ավետիսյան
ՀՅԴ Բյուրոյի տնտեսական հետազոտությունների գրասենյակի
ծրագրերի համակարգող, տնտեսագետ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company