ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Լրջացէ՛ք

24 Մայիս 2019 Հայաստանի Հանրապետութեան վարչապետին 20 մայիսի նշանաւոր «պատմական» ելոյթները, բայց յատկապէս դատարաններու մուտքերն ու ելքերը փակելու կոչը ունին հիմնական երկու մտահոգիչ կողմերը: Մէկը սահմանադրական կարգի տապալման կոպիտ խախտումն է եւ Հայաստանի Հանրապետութեան միջազգային վարկի հեղինակազրկում, ինչպէս նաեւ, ըստ էութեան, հակաժողովրդավարական դրսեւորում, վարչապետին կողմէ երկրի բոլոր օրէնսդիր, գործադիր եւ դատական իշխանութիւնները զաւթելու եւ իր հակակշռին տակ առնելու կոպիտ փորձը, այդ ալ` իշխանութիւնները ժողովուրդին վերադարձնելու չարաշահուած կարգախօսին ներքոյ: Միւս կողմէ` կայ փողոցի իրադրութիւնը, խելագարուած խուժանի սանձարձակութիւնը, իրաւական, դատական, քրէական, քաղաքական, լրատուական եւ տեղեկատուական ճնշումներու սրընթաց զարգացումներուն ստեղծած լարուածութիւնը եւ անոնց հակազդեցութիւնը:

Այս բոլորը իրապէս Հայաստանի Հանրապետութեան թէ՛ հասարակութեան, թէ՛ ներքաղաքական դաշտին մէջ հատած են ընդունելի բոլոր գիծերը եւ դարձած` կործանարար:

Տուեալ ակնարկութեան տուն տուող պատճառները միայն 18 մայիսին Ազատութեան հրապարակին վրայ դատապարտելի ամբոխին կողմէ յարձակման ենթարկուած ՀՅԴ-ի Բիւրոյի նախկին ներկայացուցիչի եւ իր հարազատներուն հետ կապուած տմարդի միջադէպը չէ, այլ շատ աւելին եւ խոր արմատներ նետած, ողբերգական աստիճանի հասած, ներազգային ատելութեան, այլամերժութեան եւ անհանդուրժողական մթնոլորտի մը առկայութեան եւ զոյգ հանրապետութեանց համար կործանարար հետեւանքներ ունեցող վարքագիծի մը մասին է խօսքը, ինչ որ կ՛ենթադրէ Հայաստանի Հանրապետութեան իշխանութիւններուն եւ յատկապէս վարչապետին կողմէ պատասխանատու եւ յստակ կեցուածք ունենալ տուեալ երեւոյթները դատապարտող եւ զանոնք դարմանող համապատասխան իրաւաքաղաքական լուծումներ, որովհետեւ Հայաստանի Հանրապետութիւնը, համայն հայութեան երազը հանդիսացող հայրենիքը, չի կրնար ղեկավարուիլ փողոցի ամբոխի բանեցուցած ճիշումներով եւ տրամաբանութեամբ, վրէժխնդրութեամբ, ատելութեամբ, անհանդուրժողականութեամբ, այլամերժութեամբ եւ մանաւանդ` ամբոխավարութեամբ:

Արդարեւ, Հայաստանի Հանրապետութեան մէջ գործող արդի սահմանադրութեան գլուխ 6 – 146, 147 եւ 148 յօդուածներու, սակայն յատկապէս 146-րդ յօդուածին համաձայն, «Կառավարութեան կարգավիճակը եւ գործառոյթները. կառավարութիւնը գործադիր իշխանութեան բարձրագոյն մարմինն է:

«Կառավարութիւնն իր ծրագրի հիման վրայ մշակում է եւ իրականացնում է պետութեան ներքին եւ արտաքին քաղաքականութիւնը:

«Կառավարութիւնն իրականացնում է պետական կառավարման համակարգի մարմինների ընդհանուր ղեկավարումը:

«Կառավարութեան լիազօրութիւնները սահմանւում են սահմանադրութեամբ եւ օրէնքով:

«Կառավարութեան իրաւասութեան են ենթակայ գործադիր իշխանութեան վերաբերող բոլոր այն հարցերը, որոնք վերապահուած չեն պետական կառավարման կամ տեղական ինքնակառավարման մարմիններին»:

Փաստօրէն, գործող սահմանադրութեամբ իսկ ճշդուած եւ սահմանուած են այդ հանգամանքները, որ երկրին ներքին եւ արտաքին քաղաքականութիւնը կը ծրագրեն եւ կ՛իրականացնեն Հայաստանի իշխանութիւնները եւ յատկապէս պրն. վարչապետը, որ ունի ամբողջական լիազօրութիւնները: Հետեւաբար ան ունէր բացարձակ իշխանութիւն եւ անհրաժեշտ աջակցութիւնը ժողովուրդին` ամբողջ մէկ տարուան ընթացքին երկրին մէջ առկայ խնդիրները լուծելու, կատարելու անհրաժեշտ բարեփոխումները, իրաւական, դատական, տնտեսական եւ այլն: Իսկ այսօր ականատես ենք, թէ ինչպէ՛ս ներքաղաքական զարգացումները երկիրը կը տանին անկանխատեսելի վտանգաւոր ուղղութեան մը, որուն թիւ մէկ պատասխանատուն բնականաբար երկրի իշխանութիւններն են եւ յատկապէս` պրն. վարչապետը:

Հայաստանի Հանրապետութեան իշխանութիւնները եւ յատկապէս պրն. վարչապետը պարտաւոր են նախ պաշտպանը հանդիսանալու երկրի սահմանադրութեան անշեղ կիրարկման եւ ոչ թէ խախտման, պարտաւոր են երաշխաւորելու ներքին անդորրութիւնը, ներքաղաքական կայունութիւնը, սահմաններու անվտանգութիւնը, ժողովրդավարութեան պահպանումը, ներազգային միասնականութիւնը, քաղաքացիներուն արժանապատուութեան պահպանման, դատական մարմինին անկաշկանդ գործունէութեան, զոյգ հանրապետութեանց սահմաններու անվտանգութեան եւ Հայաստանի Հանրապետութեան միջազգային հեղինակութեան բարձրացման եւ ոչ թէ սահմանադրական եւ ժողովրդավարական կոպիտ խախտումներով հեղինակազրկման: Հայաստանի վարչապետը պարտաւոր է վերանայման ենթարկելու իր ներքին քաղաքականութեան վարքագիծը, պէտք է դադրին ներքաղաքական կեանքը սրելու գործելաոճը, ժողովուրդը շերտաւորելու մօտեցումները, սեւի ու սպիտակի, յեղափոխականի եւ հակայեղափոխականի յղացքները:

Իրապէս այսօր ժամանակն է լրջանալու, որովհետեւ ազգովին կ՛ապրինք ներազգային, ռազմաքաղաքական, ընկերատնտեսական, դատաիրաւական եւ անվտանգութեան արտակարգ ընդհանուր խնդիրներու անապահով փուլ, երբ օր առաջ անվիճելի անհրաժեշտութիւն է ներազգային միասնականութիւնը եւ երկխօսութիւնը` քաղաքական բոլոր կողմերու միջեւ, յանուն Հայաստանի եւ Արցախի կայունութեան եւ անվտանգութեան:

Պէտք է ըսել, որ Հայաստանի իշխանութիւններու վարած արկածախնդիր քաղաքականութեան իբրեւ հետեւանք` ուղղակի չափազանց մտահոգիչ դարձած է, մանաւանդ` շրջանային եւ տարածաշրջանային իրավիճակներու ռազմաքաղաքականացած այս փուլին, Հայաստանի եւ Արցախի հանրապետութեանց միջեւ առկայ լարուածութեան աստիճանը, որ կրնայ ժխտական հետեւանքներ ունենալ Արցախի անվտանգութեան եւ ամբողջ բանակցային գործընթացին վրայ:

Ի դէպ, մինչ մենք մեր ներքին հարցերով տարանջատուած, զբաղած եւ արբեցած ենք, Ազրպէյճանի յարձակողապաշտ եւ ռազմատենչ քաղաքական իշխանութիւնները մայիս 20-24 զինուած ուժերու լայնածաւալ ու աննախընթաց զօրավարժութեամբ կը զբաղին:

Զինավարժութեան կը մասնակցին աւելի քան 10.000 զինծառայող, 150 միաւոր հրասայլ եւ այլ զրահամեքենաներ, մինչեւ 200 միաւոր հրթիռահրետանային համակարգ եւ մինչեւ 35 միաւոր օդանաւ եւ ուղղաթիռ:

Այնպէս որ, պէտք է լրջանալ եւ վերջ տալ ազգը պառակտող, ներքին դիմադրողականութիւնը տկարացնող ներքաղաքական ենթակայական ցնցումներուն:

Պէտք է դադրիլ երկրի կայունութիւնը, անվտանգութիւնը, ներդրումային եւ տնտեսութեան վստահելիութիւնը հալածող յայտարարութիւններէ, ջղագրգիռ ելոյթներէ, մամլոյ ասուլիսներէ եւ ընկերային ցանցերու վրայ տիրող եղբայրասպան պատերազմէ, որովհետեւ հրամայական է որոշ քաղաքական խոհեմութեամբ մօտենալ գոյութիւն ունեցող դատաիրաւական ու քաղաքական բոլոր խնդիրներուն:

Վերջապէս, այսօր պէտք է հասկնանք, որ մենք պատերազմի մէջ գտնուող երկիր ենք, ուր անհրաժեշտ է համերաշխութիւն եւ ընդհանուր ուժերու լարում եւ ոչ թէ ուժերու ջլատում, մենք պէտք է հասկնանք, որ քայլարշաւներու, ինքնաշարժի երթերու, հանրահաւաքներու փուլը մեր ետին է արդէն, այսօր Հայաստանի Հանրապետութիւնը օժտուած է նոր սահմանադրութեամբ, նոր կառավարութեամբ եւ նոր վարչապետով, որոնց առաքելութիւնն է` համախմբել ազգը եւ հայրենիքը, ամրապնդել, զարգացնել եւ անվտանգութիւնը ապահովել:

Արդարեւ, այսօր լրջանալու պահն է արդէն, որովհետեւ ազգովին թեւակոխած ենք իսկական պետականաշինութեան փուլ, պետական համակարգի բարելաւումը, օրէնքի գերակայութեամբ պետութիւն կառուցելու, սահմանադրութեան եւ օրէնքի շրջանակներուն մէջ բոլոր մեղաւորներու, յանցագործներու եւ կաշառակերութեան մենաշնորհներու եւ չարաշահումներու դէմ պայքարելու, տնտեսութիւնը զարգացնելու, սահմանները ապահովելու, ընկերային արդարութիւնը հաստատելու, պետականաշինութեամբ եւ բանակաշինութեամբ զբաղելու, Արցախը վերաբնակեցնելու, արտագաղթը կասեցնելու եւ, ինչպէս որ վարչապետը ընտրական քարոզարշաւի ընթացքին հնչեցուց, հայրենադարձութիւնը կազմակերպելու, ներազգային համերաշխութիւնը ամրագրելու, որպէսզի կարենանք միասնաբար շուրջ 10 միլիոնի հասնող հայութեան երազը, գրաւը եւ ակնկալութիւնները արդարացնել սիրոյ եւ համերաշխութեան Հայաստանի Հանրապետութեան կապակցաբար:

ՄԵԼԻՔ ԳԱՐԱԳԱՒՈՐԵԱՆ

24 մայիս 2019

aztagdaily.com

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company