«Համաժողովը կառուցվածքով եւ արդյունքով յուրահատուկ էր եւ բացառիկ: Մենք բոլորս պետք է շնորհակալ լինենք Արցախի Արտաքին գործերի նախարարությանը եւ ՀՅ Դաշնակցության կառույցներին, որոնք նախաձեռնեցին եւ իրագործեցին այդ հսկայական աշխատանքը: Համաժողովն Արցախ այցելելու առիթ է ստեղծել 150 պատվիրակ-բարեկամների՝ Արցախի ժողովրդի ինքնորոշման իրավունքին զորակցություն հայտնելու նպատակով: Պատվիրակներից յուրաքանչյուրն իր երկրում ազդեցիկ եւ լուրջ ներկայացուցիչ է: Հենց դրանում է կայանում համաժողովի բացառիկ երեւույթը»,- ասել է Մարիո Նալբանդյանը:

Անդրադառնալով Արցախի բարեկամների համաժողովի արդյունքներին՝ Մարիո Նալբանդյանը նշել է, որ ապագայի աշխատանքները նախագծման փուլում են:

«Մեկնելով մեր երկրներ՝ շարունակելու ենք աշխատանքներ ծավալել համաժողովի աշխատանքներին նոր թափ տալու ուղղությամբ: Համաժողովի արդյունքները Արցախի հարցը մեկ անգամ եւս միջազգային հանրության ուշադրությանը ներկայացնելու առիթ են»,- ասել է Նալբանդյանը: