Արտաշես Մխիթարյանն անդրադարձավ նաև «Կամավորական շարժում» հայրենսաիրական ՀԿ-ի հետագա գործունեությանը: Նա նշեց, որ ՀԿ-ն զինված կառույց չէ, ստորաբաժանումները ստեղծվելու են Զինված ուժերի կազմում, և կիրառումը միայն ԶՈՒ ԳՇ պետի հրամանով է լինելու:

Նա վստահեցրեց, որ գումարտակն առաջնագծում կիրառվելու է ակտիվ մարտական գործողությունների վերսկսման դեպքում: «Դեռևս 2016-ի պատերազմից հետո մենք որոշում կայացրեցինք ստեղծել ակտիվ պահեստազոր, որպեասզի նմանատիպ ակտիվ մարտական գործողություններին պատրաստ լինենք: Երբ ապրիլին մեր կամավորները մեկնեցին առաջնագիծ և մարտական հերթապահություն իրականացրեցին Արցախի ամենավտանգված տարածքներից մեկում ՝ Թալիշի մարտական դիրքերում, բավականին թերություններ առաջ եկան, անհամապատասխանություններ. տեղանքին անծանոթ էին, մարտական խնդրին ծանոթ չէին, համպատրաստից մարտական հերթապահություն էին ստանձնել: Պահեստազորային այս գումարտակը կազմավորվել է 2017-ին՝ բայց իշխանափոխությունից հետո 2018-ին կազմալուծվեց, արդեն 2019-ի սկզբին ՊՆ-ի կողմից առաջարկություն եղավ վերականգնել պահեստազորային ստորաբաժանումը»,-մանրամասնեց նա:

Արտաշես Մխիթարյանի խոսքով՝ նախկինում հանդես էին գալիս որպես ՀՅԴ ԳՄ Ազատամարտիկների հանձնախումբ, իսկ այժմ, որպեսզի քաղաքական շահարկումներ չլինեն, կուսակցական պիտակ չտրվի, ստեղծեցին ՀԿ, որտեղ կուսակցական պատկանելիություն պարտադիր չէ, այժմ հարյուրից ավել մարդ անդամագրվել է , որոնց մոտ քսան տոկոսն անկուսակցական են:

Արտաշես Մխիթարյանի խոսքով՝ պատերազմը չի ավարտվել, պետք է պաշտպանությունը հզորացնելով՝ հակառակորդին խաղաղություն պարտադրենք՝ անկախ նրանից, թե ինչ թեզեր կառաջարկեն իշխանությունները:

Նրա դիտարկմամբ՝ այժմ իշխանություններն իրենց ձախումներն արդարացնելու համար նախկին իշխանությունների հասցեին հերյուրանքներ են տարածում՝ մեղադրելով նրանց ապրիլյան պատերազմի հետ կապված դավադրության մեջ:

Մանրամասները՝ տեսանյութում:

https://youtu.be/OwJsHgTMLqg