ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ֆրանս-Ամերիկեան Գործակցութեան Հաւանական Արդիւնքները

02 Փետրվար 2021

Միացեալ Նահանգներու նախագահ Ճօ Պայտըն կիրակի, 24 յունուարին հեռաձայնեց Ֆրանսայի նախագահ Էմանուէլ Մաքրոնի, որպէսզի, ինչպէս Սպիտակ տունը նշեց, «արտայայտէ մեր հնագոյն դաշնակիցին հետ երկկողմանի կապերը ամրապնդելու ցանկութիւնը»: Երկու ղեկավարները համաձայնեցան սերտ համագործակցութեան կարիքին շուրջ, ինչպէս նաեւ` միասնաբար աշխատիլ արտաքին քաղաքականութեան հասարակաց առաջնահերթութիւններու, որոնց շարքին` Ռուսիոյ եւ Միջին Արեւելքի շուրջ: Ֆրանսայի նախագահը Պայտընի յայտնեց, որ իր երկիրը «Միացեալ Նահանգներու հետ պիտի գործակցի իրանեան հիւլէական ծրագիրին եւ Լիբանանի կացութեան շուրջ»:

Մաքրոն դարձաւ Եւրոպական Միութեան անդամ առաջին պետութեան նախագահը, որուն հետ Պայտըն Սպիտակ տուն մուտք գործելէ ետք հաղորդակցութիւն ունեցաւ: Էլիզէի պալատը նշեց, որ այդ իրողութիւնը «երկու նախագահներուն միջեւ սերտ գործակցութեան փափաքի ցուցանիշ է»:

Երեք օր ետք` չորեքշաբթի, 27 յունուարին տեղի ունեցաւ երկու երկիրներու արտաքին գործոց նախարարներուն` Անթընի Պլինքընի, որ ի միջի այլոց Փարիզի մէջ ուսում առած ըլլալով` կատարեալ ֆրանսախօս մըն է, եւ Ժան-Իվ լը Տրիանի միջեւ հեռաձայնային հաղորդակցութիւն մը, որուն ընթացքին ամերիկեան դիւանագիտութեան պետը արտայայտուեց «Ֆրանսայի` մեր հնագոյն դաշնակիցին ու այլ գործընկերներուն հետ» հետ աշխատելու իր երկրին փափաքը, իսկ լը Տրիան պնդեց Լիբանանի մէջ կայունութեան հաստատման ու բարեփոխումներու գործադրութեան շուրջ ֆրանսական ջանքերուն վրայ:

Նշենք, որ Պլինքըն ծանօթ է լիբանանեան թղթածրարին, որովհետեւ ապրիլ 2015-ին, օրին իբրեւ Միացեալ Նահանգներու արտաքին գործոց նախարարի միջինարեւելեան հարցերու օգնական, պաշտօնական այցելութիւն մը տուած էր Մայրիներու երկիր:

Ուրուագծուած է Ուաշինկթըն-Փարիզ գործակցութիւն մը, որ բնականաբար պիտի ազդէ նաեւ Արցախի եւ Լիբանանի հարցերուն վրայ: Ռուսիոյ հետ ԵԱՀԿ-ի Մինսքի խմբակի եռակողմ համանախագահութեան անդամ եղող այս երկու երկիրները 9 նոյեմբերին դուրս մնացին ղարաբաղեան հիմնահարցին առնչուած, ռուսական ինքնագլուխ միջնորդութեամբ ձեռք բերուած յայտարարութեան մը շուրջ համաձայնութենէն: Մոսկուան բաւարարուեցաւ Մինսքի խմբակի եռանախագահութեան իր գործընկերները կատարուած իրողութենէն տեղեակ պահելով. իրողութիւն մը, որ բնականաբար դժգոհ կը ձգէ իրենց արտաքին քաղաքականութեան առաջնահերթ խնդիրներէն եղող Ռուսիոյ հարցով սերտ գործակցութեան շուրջ համաձայնութիւն գոյացուցած Ուաշինկթընն ու Փարիզը եւ զանոնք պիտի մղէ «սրբագրելու» ստեղծուած «անախորժ կացութիւնը»:

Ինչ կը վերաբերի Լիբանանին, ապա Պլինքըն-լը Տրիան հեռաձայնային հաղորդակցութեան օրէն` կիրակի, 24 յունուարէն ի վեր հիւսիսային Լիբանանի մայրաքաղաք Թրիփոլիի մէջ «Քորոնա» ժահրի համաճարակի պատճառով Լիբանանի ամբողջական փակումին դէմ բողոքի ցոյցերը վերածուեցան բախումներու` ցուցարարներուն եւ ապահովական ուժերուն միջեւ:

Մինչեւ օրս շարունակուող եւ զոհ մը ու հարիւրաւոր վիրաւորներու պատճառ դարձած այդ անկարգութիւնները մտածել կու տան, որ հիւսիսային Լիբանանի մէջ ազդեցիկ արտաքին կողմ մը այդ քաղաքի մեծաթիւ աղքատ դասակարգին ապրուստի, հանապազօրեայ հացի տագնապը կը շահագործէ եւ այդ դէպքերու ճամբով կը փորձէ ձախողեցնել կամ առնուազն իր դժգոհութեան պատգամը կը յղէ ամերիկեան, եւրոպական եւ հաւանաբար նաեւ արաբական օրհնութեամբ-աջակցութեամբ Ֆրանսայի նախաձեռնութեան մօտալուտ վերաշխուժացման նկատմամբ: Այդ արտաքին կողմը, մեծ հաւանականութեամբ, Թուրքիան է, որ վերջին տասնամեակին մեծապէս աճեցուցած է հիւսիսային Լիբանանի մէջ իր ազդեցութիւնը:

Յիշեցնենք, որ Ֆրանսայի նախագահ Էմանուէլ Մաքրոն Պէյրութի նաւահանգիստի պայթումէն հազիւ երկու օր ետք, 6 օգոստոս 2020-ին Լիբանան այցելելով` շուքի մէջ ձգած էր երկու օր ետք Թուրքիոյ փոխնախագահ Ֆուաթ Օքթայի` արտաքին գործոց նախարար Մեւլութ Չաւուշօղլուի ընկերակցութեամբ Լիբանան այցելութիւնը: Ի տես այդ իրողութեան, Օքթայ օրեր ետք` 11 օգոստոսին թրքական «Սապահ» օրաթերթին հետ զրոյցի ընթացքին Անգարայի զայրոյթը, յուսախաբութիւնն ու նախանձը արտայայտելով` Մաքրոնը կոչած էր «շփացած պատանի», իսկ անոր Լիբանան այցելութիւնը նկատած` գաղութատիրութեան ցուցանիշ: Թուրքիոյ նախագահ Ռեճեփ Թայիփ Էրտողան իր կարգին 13 օգոստոսին` Մաքրոնի Պէյրութ այցելութենէն մէկ շաբաթ ետք, յայտարարած էր. «Լիբանան կը գտնուինք` մեկնելով եղբայրութեան յաւիտենական կապերէն եւ այդտեղ չենք լուսանկարուելու կամ տեսախցիկներու դիմաց ցուցադրութիւն կատարելու համար, ինչպէս ոմանք կ՛ընեն»:

Թրքական կողմին ջղագարութեան պատճառը Ֆրանսայի նախագահին արժանացած ժողովրդային ջերմ ընդունելութիւնն ու արձանագրած քարոզչական յաջողութիւնը չէր միայն, այլ հիմնականին մէջ 4 օգոստոսին Պէյրութի նաւահանգիստի պայթումով ստեղծուած աղէտալի կացութիւնը շահագործելով` երկիրը թրքական վերահսկողութեան տակ առնելու կամ առնուազն Լիբանանի մէջ թրքական ազդեցութիւնը մեծցնելու փորձի ձախողումը, Փարիզի կողմէ ականահարումը:

Ուաշինկթըն-Փարիզ գործակցութեան ուրուագծումը եւ Լիբանանի մէջ Միացեալ Նահանգներու դեսպան Տորոթի Շիայի գործունէութեան վերաշխուժացման ու վերջին օրերուն լիբանանեան պատասխանատուներուն ու քաղաքական անձնաւորութիւններուն տուած այցելութիւններուն այդ իրողութեան զուգադիպութիւնը մտածել կու տայ, որ Լիբանանի «գուրգուրոտ մօր»` Ֆրանսայի նախաձեռնութիւնը պիտի վերանորոգուի եւ աշխուժանայ, այդ ալ` Թուրքիոյ նկատմամբ առնուազն նուազ բարեացակամ եղող ամերիկեան նոր վարչակազմի զօրակցութեամբ, ինչ որ Թուրքիան կը մղէ Թրիփոլիի ցոյցերուն ճամբով քաղաքական պատգամներ յղելու եւ իր դժգոհութիւնը արտայայտելու:

ՎԱՀՐԱՄ ԷՄՄԻԵԱՆ

aztagdaily.com

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company