ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Պարտքի և պատասխանատվության միջև

16 Մարտ 2021

Շուրջ չորս ամիս է՝ գրվում և հրապարակներում ասվում է, որ օր առաջ պիտի ազատվել այս ապիկար իմքայլական իշխանություններից, որովհետև երկիրը սրընթաց տանում են կործանման:

Բայց հենց այն հանգամանքը, որ արդեն չորս ամիս այդ մասին խոսվում է, սակայն այդպես էլ իշխանափոխություն տեղի չի ունենում, և երկիրն էլ կարծես թե դեռ չի կործանվել, շատերի մոտ թերևս տպավորություն է առաջանում, որ դրանք միայն բառեր են, մեզ ոչ մի կործանում էլ չի սպառնում: Ցավոք, իրականությունը լավատեսության հույսեր չի ներշնչում, իրականում մենք արդեն իսկ կործանման ճանապարհին ենք, այն էլ՝ բավականին արագ տեմպերով: Մեր թշնամուն այլևս ոչինչ չի մնում անել, քան համբերատար սպասել, մի քիչ էլ կողքից նպաստել, որ հանկարծ չհանդգնենք շեղվել մեզ համար իր նախանշած ուղուց: Չորս ամիս է՝ սպասում ենք, թե ժողովուրդը կարթնանա ցավի ու անտարբերության թմբիրից և կհեռացնի իր իսկ գլխին իշխանություն կարգած այս անհայրենիք ընչաքաղցների ոհմակը, բայց այդպես էլ այդ «երանելի» արթնացումը տեղի չի ունենում: Ավելին, ժողովրդի մի ստվար զանգված (նրան Պողոս կանվանենք, թե Կիրակոս, դրանից հարցի էությունը չի փոխվում) այսօր էլ շարունակում է աջակցել այս չարիքի իշխանությանը՝ կառչած մնալով «նախկինների» մասին նրանց հորինած հանկերգից: Բոլոր թնջուկների լուծման փորձերը, որ ձեռնարկում է հանուն ազգային արժեքների և պետականության պահպանման պայքարողների բանակը՝ ի դեմս Հայրենիքի փրկության շարժման, դեմ են առնում իրավաբանական իրարամերժ մեկնաբանությունների և մտնում փակուղի: Այլևս ակնհայտ է, որ առկա վիճակն իրավական լուծումներ չունի, քանզի ՉԱՐԻՔԻ իշխանությունը գործում է առերևույթ իրավական, իսկ իրականում՝ կամայականության դաշտում:

Մեր ազգային-քաղաքական օրակարգը կարող է ունենալ քաղաքական կամ ռազմաքաղաքական լուծում: Նախընտրելին, իհարկե, առաջինն է, սակայն չպիտի բացառել նաև երկրորդը, որի անհրաժեշտությունը, մեր կարծիքով, գնալով ավելի է ուրվագծվում: Ակնհայտ է, որ այլևս գործ ունենք գորդյան հանգույցի հետ, իսկ գորդյան հանգույցն ունի լուծման միայն մեկ՝ ավանդական եղանակ: Որքան էլ այն ցանկալի չէ, բայց կարծես թե գնալով դառնում է անխուսափելի, որովհետև, ինչպես վերը բնորոշեցի, ՉԱՐԻՔԻ իշխանությունը և նրան սպասարկող լակեյների ոհմակը պարզապես այլընտրանք չեն թողնում: Ուստի բոլոր այն գիտունները, որոնք այս օրերին բացառում են հանգուցալուծման այդպիսի ուղին, թող բարի լինեն ասել, թե ուրիշ ինչ ճանապարհ են տեսնում: Փողոցային պայքարի չորսամսյա ընթացքը ցույց է տալիս, որ այդ ճանապարհը երկարատև է ու հոգեմաշ: Այն նաև նյարդերի պայքար է, իսկ մենք ամեն օր զիջում ենք մեր ինքնիշխանությունից: Չէ՞ որ պարզ է, որ գործ ունենք ոչ ստանդարտ իրավիճակի հետ:

Ընդ որում, «ոչ ստանդարտ» ասելով շատերը հասկանում են վարչապետ կոչվածի ոչ ադեկվատ լինելը, իրականում, սակայն, հիմնախնդրի արմատներն ավելի խորն են: Վարչապետ կոչվածը վաղուց այլևս իրական իշխանություն չունի: Նա ինքը խաղալիք է մի կողմից՝ արտաքին ուժերի, իսկ մյուս կողմից՝ իր շրջապատի ձեռքում, պարզապես նրանց շահերն այս փուլում համընկնում են: Իսկ նշվածները, ինչպես ցույց է տալիս ընթացքը, առայժմ ունեն բավականաչափ հնարավորություն, որպեսզի կարողանան դիմադրել ժողովրդային պայքարին: Մանավանդ, որ այդ պայքարն առ այսօր չի ունեցել մասնակիցների կրիտիկական թիվ՝ չնայած այն իրողությանը, որ ժողովրդի անհամեմատ ավելի մեծ հատվածը, քան ՉԱՐԻՔԻ իշխանության կողմնակիցներն են, դժգոհ է այս անհայրենիքների կառավարության գործունեությունից և ընդունում է իշխանափոխության անհրաժեշտությունը: Ժողովրդային պայքարն ունի որակական, բայց ոչ բավարար քանակական աջակցություն, որպեսզի ինքն իրենով դառնա պարտադրող գործոն:

Ժողովրդի մի ստվար մաս իրեն վերագրել է հանդիսատեսի կարգավիճակ, կարծես թե Երևանի փողոցներում տեղի ունեցողը վերաբերում է ոչ թե իրեն, այլ, օրինակ, Գվատեմալայի բնակչությանը: Սա չի կարող հայրենական պատերազմում դավադրաբար պարտված, հայրենիք կորցրած և որպես պետություն ոչնչացման եզրին կանգնած ժողովրդի համարժեք կեցվածք համարվել: Այդպիսի կեցվածքը կարող է հարիր լինել որևէ ցեղապետության բնակչությանը, բայց ոչ հազարամյակների հերոսական պատմություն ու մշակույթ ունեցող ժողովրդին: Ոմանց թվում է, թե իրենց իրավունքների համար պարտավոր են պայքարել բոլորը, իրենցից բացի: Նրանցից շատերի ենթագիտակցության մեջ նստած է այն դավաճանական միտքը, թե ծայրահեղ դեպքում երկրից կարտագաղթեն ապահով մի տեղ, ինչպես որ մինչև հիմա վարվել են ուրիշները: Ցանկալի է, որ այդպիսիները հնարավորինս շուտ մեզ ազատեն իրենց ներկայությունից, որովհետև նրանց նման դասալիքները լրացուցիչ բեռ են առանց այն էլ ծանրությունից կքած մեր ուսերին:

Ներքաղաքական ճգնաժամի առկայությունն ընդունում են ինչպես քաղաքական դաշտի բոլոր հիմնական դերակատարները, այնպես էլ ռազմական իշխանության ներկայացուցիչները, սակայն, տարաբնույթ հանգամանքներով պայմանավորված, նրանցից յուրաքանչյուրը կաշկանդված է յուրովի: Նա, ով պատրաստ է իրավիճակի հանգուցալուծման համար ստանձնելու պատասխանատվություն, օբյեկտիվ պատճառներով ի վիճակի չէ իրացնելու այդ պատասխանատվությունը, իսկ ով ի զորու է և պարտավոր է անել դա, ըստ երևույթին՝ կամ չի գիտակցում իր բաժին պատասխանատվությունը կամ էլ զուրկ է վճռական քայլ կատարելու կամային հատկանիշներից: Եվ երկիրը, ինչպես կախաղանից կախված մարմին, ճոճվում է պարտքի և պատասխանատվության միջև:

Վարդան Պետրոսյան
12. 03. 2021 թ.

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company