ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ռէալ փոլիթիքի, անձնատւութեան եւ ինքնաուրացման գեհենի խոստում

25 Ապրիլ 2021

Յ. Պալեան

Նոյեմբեր 9, 2020–էն առա՞ջ, թէ՞ վերջ, Հայաստանի ղեկին կառչածներ ռէալ փոլիթիքի գիւտը ըրած են: Ի՞նչ գտած են այդ սակառին մէջ, որ իրենցմէ առաջ եկած-գացածներ չէին գտած, չէին գիտեր:

Դեղնակտուց քաղաքական տեսաբան պէտք է ըլլալ յայտարարելու համար, որ դրացիներուն հետ լաւ պէտք է ապրիլ, խաղաղութիւն ջատագովել: Ո՞վ չի գիտեր, որ դրացիներուն հետ հաշտ պէտք է ապրիլ, համագործակցիլ:

Պզտիկցած մոլորակին վրայ հեռու երկիրներն ալ այլեւս դրացի են: Անոնց հետ ալ լաւ պէտք է ապրիլ, համագործակցիլ, ըլլան հեռաւոր Չինաստան, Հարաւային Ափրիկէ, Արժանթին, թէ Նոր Զելանտա:

Բայց ինչպէ՞ս, ի՞նչ պայմաններով, ինչո՞ւ, ի՞նչ ընելու համար լաւ ապրիլ դրացիներուն հետ:

Գի՞ւտ է դրացիներու հետ լաւ ապրելու կարգախօսը:

Այս հայ քաղաքական նոր գործնապաշտական տեսութիւն է՝ հասցէագրուած Թուրքիոյ եւ Ատրպէյճանի: Տեսաբանները պէտք է ըսեն, թէ կա՞ն արգելքներ անոնց հետ լաւ ապրելու: Եթէ կան, ուրկէ՞ կը բխին անոնք, կարելի՞ է վերացնել զանոնք: Ո՞վ ի՞նչ կ’ակնկալէ անոնց վերացման փոխարէն:

Նոր Զելանտայի կամ Արժանթինի հետ լաւ ապրելու համար Հայաստան արգելքներ չունի:

Տեսութիւնը կը վերաբերի երկու մասնայատուկ դրացիներու, Թուրքիոյ եւ Ատրպէյճանի, որոնք մէկ են, իրենք յայտարարած են, թէ մէկ են երկու պետութիւնով: Եթէ հայ քաղաքական միտքը եզրակացուցած է, որ պատմութիւնը կը սկսի այսօր, չկան անցեալ եւ բռնաբարուած իրաւունքներ, յիշուած դրացիներու հետ լաւ ապրելու խոչնդոտ չ’ըլլար:

Եթէ նոյնիսկ ըսենք, որ պատմութիւնը այսօր կը սկսի, կրկին կարելի չէ լաւ ապրիլ այդ դրացիներուն հետ, քանի որ անոնք ունին նախապայմաններ միասին լաւ ապրելու օրակարգին համար: Հայ գիւտարար քաղաքական գործիչները առանձնացուցա՞ծ են այդ նախպայմանները, գիտե՞ն թէ ինչպիսի լուծում պէտք է տալ անոնց: Առանց այս յստակացման, լաւ ապրելու տեսութիւնը քաղաքական քմայք է, ուղեղ քերելով ինքնատիպ ըլլալու փորձ:

Եթէ յիշեալ դրացիներուն հետ լաւ ապրելու նախապայմաններու մասին չեն խօսիր հայկական պետութեան յառաջադէմ եւ խաղաղասէր տեսաբանները, թոյլ թող տան, որ ես թուեմ զանոնք, թերեւս անկատար ձեւով:

Ո՞ւր կը գտնուին պատմական եւ դարերու ընթացքին հայերով բնակուած տարածքները, Անիէն Վան, Մուշ, Սասուն: Անոնք հայոց հայրենի՞ք են, թէ՞ ոչ: Զանոնք պիտի արձանագրե՞նք պատմութեան շահ-վնասի տոմարին մէջ:

Հայոց հայրենիքին տէր դառնալու համար զայն դատարկեցին իր բնիկ տարրէն, հուրով, սուրով, հայրենահանումով: Հզօրացման ազդակ համրանքը բնաջնջեցին, մէկուկէս միլիոն մարդոց սպանութեամբ, նպատակ ունենալով հայութիւնը անհետացնել, ցեղասպանութիւն գործուեցաւ հողին տիրանալու համար: Ճողոպրածները հայրենահանուեցան. ցեղասպանութեան շարունակութիւն: Դրացիին հետ լաւ ապրելու համար այս ոճի՞րն ալ պիտի արձանագրենք պատմութեան շահ-վնասի տոմարին մէջ, քանի որ կ’ըսուի, թէ պէտք է էջը դարձնել:

Դրացիները ի՞նչ կը պահանջեն, որ լաւ ապրինք իրարու հետ: Ցանկութեան յայտարարութիւնը բովանդակութիւն պէտք է ունենայ: Այդ մասին չեն խօսիր լաւ ապրելու տեսաբանները:

Ցեղասպանութեան ճանաչման ուղղութեամբ տարուած աշխատանքները եւ յաջողութիւնները կ’անհանգստացնեն Թուրքիան: Հետեւաբար պէտք է վերջ տալ Ցեղասպանութեան ճանաչման պահանջին, քանի որ ան կը վնասէ Թուրքիոյ վարկին եւ միջազգային յարաբերութիւնններուն: Դրացիին հետ լաւ ապրելու համար ազգի մը եւ մարդկութեան յիշողութիւնը պէտք է ջնջել, ապրիլ որպէս անանցեալ ժողովուրդ:

Ցեղասպանութեան ճանաչումը կ’ենթադրէ անդրադառնալ պատճառներուն: Աշխարհի այդ շրջանին եկուոր-ներխուժող-օտար ժողովուրդ մը զէնքի ուժով տէր դարձած էր տարածքին, բայց հոն մնացած էր այդ հողերու տէր ժողովուրդը: Վերջնականապէս իւրացնելու համար բնիկին հողը, ջնջած էին բնիկ ժողովուրդը: Արարքը կը կոչուի ցեղասպանութիւն: Ժողովուրդ մը կրնա՞յ հրաժարիլ իր իրաւունքէն, հայրենիքէն եւ անցեալէն, դրացիին հետ լաւ ապրելու գինը վճարել ուրացումով:

Դրացիին հետ լաւ ապրելու հրեշտակային երազանքի իրականացման համար ի՞նչ ըրած է, ի՞նչ կը մտածէ եւ ի՞նչ կ’ընէ դրացին: Իր անշեղ քաղաքականութեան կը հետեւի. անդամահատել եւ ոչնչացնել ինչ որ մնացած է հայուն հայրենիքէն: Հայանուն եւ հայոց բազմադարեան պատմութեան օրրան աշխարհները կը համարէ իր հողը: Այս ալ կ’ընէ Ատրպէյճանը, որ որպէս երկիր եւ որպէս ժողովուրդ, աշխարհագրական այդ շրջանին մէջ հարիւր տարուան պատմութիւն ունի միայն:

Յիշեցման համար ըսենք, Ատրպէյճան կը պահանջէ Սիւնիքը, Զանգեզուրը, Սեւանը, մինչեւ իսկ մայրաքաղաք Երեւանը: Եթէ ուղիղ գիծով հետեւինք դրացիին հետ լաւ ապրելու քաղաքական փիլիսոփայութեան (աւելի ճիշդ՝ սոփեստութեան), պէտք է տալ նաեւ ինչ որ մնացած է: Իսկ ժողովո՞ւրդը. մնացողները կ’ըլլան հանդուրժուած հպատակներ, dhimmi, կամ կ’արտագաղթեն-կը հայրենահանուին, եւ հայ ազգն այլ կը դառնայ սփիւռքեան ազգ, եթէ այս բառակապակցութիւնը քաղաքական եւ ազգային ընդունուած իմաստ մը ունի:

Այս ռէալ փոլիթիքը ազգային ինքնութեան, անկախութեան եւ մարդկային պարզագոյն արժանապատուութեան յարաբերաբար կը գտնուի տրամագծօրէն հակառակ դիրքերու վրայ:

Ռէալ փոլիթիք՝ որ սոփեստութիւններով հայ ժողովուրդի եւ Հայաստանի անհետացումը կը կնքէ:

Աւելի ճիշդ պիտի չըլլա՞ր ըսել եւ գործել այնպէս, որ դրացիին եւ հեռաւորին հետ լաւ ապրիլ կ’ենթադրէ ազատութիւն, հաւասարութիւն, իրաւունքի ճանաչում եւ հաստատում, հրաժարիլ նուաճելու իրաւազրկելու մոլուցքէ:

Պէտք է տեսաբանները բացայայտօրէն ըսեն, թուրքը եւ Ատրպէյճանցին ալ ըսեն, թէ ի՞նչ է գինը դրացիին հետ լաւ ապրելու:

Ինչո՞ւ ճշմարտութեան եւ իրաւունքի վերականգնումով, պայծառ ճակատով, առանց անտառի օրէնքին հպատակելու, դրացիները իրարու հետ լաւ պիտի չապրին:

Քաղաքականութեան խաղն ալ իր մարդկայնութիւնը եւ բարոյականը ունի:

Կ’ուզեմ աւարտել պատմելով հետեւեալը: Աւելի քան կէս դար առաջ, նախահայրերուս քաղաքը գացի, ուրկէ մեծ հայրերս, հայրս եւ անբարբառ մայրս տարագրուած էին, հայրենահանուած: Գտայ երկու մեծ-հայրերուս տուները:

Հոն բռնագրաւողներ կը բնակէին: Անոնք քար մը չէին դրած այդ պատերը շինելու համար:

Պիտի չմաղթէի որ ի գին ամէն բանի դրացիներու հետ լաւ ապրելու ջատագովները, յաջորդական զիջումներով գտնուէին իմ վիճակիս մէջ. օտար եւ օտարական՝ դռներուն առջեւ այն տուներուն՝ որոնց ժառանգորդն էի:

Կրկնել. քաղաքականութիւնը առանց բարոյականի, պատմութեան եւ իրաւունքի՝ անտառի օրէնք է, Հայաստան կը սիրեն ըսել՝ ջունգլի:

Վաղը ԱՊՐԻԼ 24 է:

hairenikweekly.com
23 ապրիլ 2021թ․

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company