ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Փրկութեան լաստը

17 Մայիս 2021

«Հաւատարմութիւն հայրենիքին՝ ՄԻՇՏ։ Հաւատարմութիւն կառավարութեան՝ երբ ան արժանի է»:

Մարք Թուէյն (Ամերիկացի գրող, 1835-1910)

Դժուար է խօսիլ, զրուցել, տրամաբանել, թեր ու դէմ կարծիք յայտնել եւ ամենէն աւելի կարեւորը՝ կիրքերը հանդարտ պահել, երբ կ’արծարծուի Հայաստանի մէջ յառաջիկայ Յունիս 20-ին նախատեսուած՝ ազգային ժողովի արտահերթ ընտրութիւններու հարցը:

Քանդումն ու անկումը այնքա՛ն ահաւոր են, որ կարելի չէ երազներով տարուիլ եւ ըստ այնմ գործել։ Մանաւանդ ընդունելի չէ վերադառնալ ՍՈՒՏերով օրօրուելու վիճակին:

Թէ՛ աշխարհաքաղաքական եւ թէ՛ ընկերային-բարոյական ոլորտներուն մէջ փուլ եկած ենք։ Եւ այս փլուզումը այնքա՛ն մահացու է, որ կարելի չէ ապակեդրոն կամ նոյնիսկ անձնասէր ըլլալու աստիճան եսակեդրոն տրամաբանութեամբ գործել։

Այո՛. պերճանք, հեշտանք կամ (Շէյքսփիրի լեզուէն գողնալով) luxury է եսակեդրոն գործելը։ Ժամանակ չկայ։ Երկիրը անդունդն ի վար կը գահավիժի, կը մօտենայ յատակին: Երկիր մը, որուն թէ՛ սահմանները եւ թէ՛ սահմանադրութիւնը դարձած են պղտոր, ոտնակոխուած եւ անճանաչելի։

Հետեւողական անխոհեմութեամբ եւ աննպատակ քաղաքականութեան հետեւանքով, Վարչապետի աթոռին կառչած՝ «թաւշեայ յեղափոխական» Փաշինեան չարաչար պարտութեան տարաւ երկիրը եւ ամբողջ ազգը 44 օր սուտերով օրօրելէ ետք՝ նոյնքան պարտուողական համաձայնութիւն մը ստորագրեց Նոյեմբեր 9-ին, յետոյ, աւելի քան վեց ամիս գործի լծեց ամէն տեսակի ամբոխահաճ գործելաձեւ՝ իշխանամոլութիւնը պատսպարելու համար։

Դաժան պարտութեան ստորագրումէն քիչ ետք, «Հայրենիքի Փրկութեան Շարժում»-ը գործի անցաւ, մի՛շտ ու մի՛շտ հաւատարիմ մնալով հայրենիքին, սակայն ո՛չ՝ անարժան վարչակազմին, որ շարունակ յանցանքը նախկիններուն վրայ բեռցուց, առանց գիտակցելու, թէ իր շուրջ կան բազմաթիւ նախկիններ եւ, աւելին, «նախկին» մըն ալ իրենք՝ ներկաները եղած են։ Ամէն տեսակի միջոց գործի լծելով, Փաշինեան պայքարեցաւ «Հայրենիքի Փրկութեան Շարժում»-ին դէմ եւ ի վերջոյ մտայղացումը… «գողցաւ» արտահերթ ընտրութիւններու դիմելու, պահուըտելով մութ հաշիւներու ետին եւ հաւատալով, թէ ինք դիւրութեամբ պիտի վերընտրուի։ Փաստօրէն, ընդդիմադիր ճակա՛տն էր, որ առաջին օրէն հրապարակ եկաւ կառավարութեան հրաժարականին եւ յարմար պահուն արտահերթ ընտրութիւններ կազմակերպելու պահանջներով: Ո՛չ ոք իրաւունք ունի այս իրականութիւնը մոռնալու կամ մոռացութեան մատնելու:

Այս ճգնաժամային կացութենէն ժամ առաջ դուրս գալու համար, Շուշիի ազատագրման 29-րդ տարեդարձին օրը կազմուեցաւ «Հայաստան» դաշինքը, որ կը համախմբէ Հ․ Յ. Դաշնակցութիւնն ու «Վերածնուող Հայաստան» նորակազմ կուսակցութիւնը՝ Հայաստանի Հանրապետութեան երկրորդ նախագահ Ռոպերթ Քոչարեանի գլխաւորութեամբ։

Հազիւ հիմնադրութիւնը յայտարարուած, քննադատական հարցադրումներ անձրեւեցին յատկապէս Հ․ Յ․ Դաշնակցութեան հասցէին, թէ՝ ինչպէ՞ս կը պատահի, որ 130-ամեայ կուսակցութիւնը առանձինն չի մասնակցիր ընտրարշաւին, կամ մինչեւ իսկ կազմուած դաշինքին ղեկավարութիւնը չի ստանձներ։

Յստակ է պատասխանը, որուն մեծ մասը արդէն իսկ վերը բացատրուած է։ Մտահոգ հայորդիին համար, յստակ պէտք է ըլլայ, թէ կարեւորը՝ ներկայ պարտուած, մաշած ու խորտակուած իշխանութիւնը, յանձին հրաժարեալ Փաշինեանի, պէտք է օր առաջ հեռանայ բեմահարթակէն, այդ ալ՝ գլխիկոր։

Թէ ո՞վ պիտի ըլլայ այդ գործին ետին կանգնող ղեկավարը՝ երկրորդական է։ Դաշնակցութիւնը որեւէ ատեն նման ճգնաժամերու չէ խաղացած բառերու վրայ: Ուրեմն՝ հիմա ալ չխաղանք ու չպահուըտինք «նախկին» բառին վրայ։
Ներկայի «նախկին»-նե՛րն են որ պէտք է հեռանան երկրի ղեկէն: Անոնք հրաժարեալ վարչապետ Նիկոլ Փաշինեանի վարչակազմն ու իր հովանաւորած «Իմ Քայլը» բդեշխութիւնն են։

Հազիւ կազմուած, «Հայաստան» դաշինքը մանրամասնութեամբ եւ բծախնդրութեամբ հրապարակեց բաւական ամբողջական «փլաթֆորմ» մը։ Գործելաձեւ մը կամ թղթածրար մը՝ որուն նմանը, ո՛չ իսկ նշոյլը ցայսօր դժուար է ձեռք ձգել աթոռին կառչած ներկայ ղեկավարութեան շրջանակէն․․․ Մայիս 2018-էն ի վեր։

Դժուար է «Հայաստան» դաշինքին պարտականութիւնը, որ պարտաւոր է չսայթաքիլ։ Այս դաշինքին անդամ հանդիսացող իւրաքանչիւր անհատ ու խմբաւորում՝ պէտք է գիտակցի պատմական այս փուլի պատասխանատուութիւնը եւ պատրաստակամութիւն յայտնէ անաչառօրէն գործելու` յանուն Հայաստանի պետականութեան վերականգնումին եւ ապագային։

Անոր օրակարգը բաւական ծանր է եւ տաժանելի առաքելութեան մը կը կոչէ զայն. առաջին հերթին՝ Արցախի կնճռոտ հարցը, գերիներու վերադարձը, զոհուածներու եւ անհետ կորածներու թղթածրարները, վիրաւորներու եւ հաշմանդամներու, անտուն ընտանիքներու զօրակցութիւն, վերականգնման աշխատանքներ եւ նիւթաբարոյական աջակցութիւն։

Փրկութեան Լաստ մըն է «Հայաստան» դաշինքը, լաստ մը, որ կրնայ նաւարկել Սեւանի ջուրերէն անդին, մինչեւ Տաւուշ, Գեղարքունիք ու Սիւնիքի սէգ բարձունքները, մինչեւ անխորտակելի Արցախ, յետոյ նաեւ աչքերը ուղղել դէպի Արարատ ու մեր բոլոր կորուսեալ իրաւունքները, առանց անտեսելու ներքին բարեկարգումները։

ՀԱՅՐԵՆԻՔ – Պոսթըն
Խմբագրական

hairenikweekly.com

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company