ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Խմբագրական. Տարբեր Բեմագրութիւններ Եւ Կիսաբաց Պատուհաններ

28 Օգոստոս 2021

Նախագահ-նշանակեալ վարչապետ հերթական հանդիպումը չարդիւնաւորուեցաւ: Նախօրէին ստեղծուած էր համեմատական լաւատեսութիւն. եւ ասիկա կարծէք օրինաչափ հերթականութիւն մը ունի: Հանրային կարծիքին մօտ պետական եւ լրատուական շրջանակներ լաւատեսութեան նախադրեալներ կը ստեղծեն, որ համաձայնութիւնը մօտալուտ է, եւ կառավարութեան կազմը գրեթէ պատրաստ` պաշտօնական հրապարակման: Կը մնան միայն կարգ մը մանրամասնութիւններ, ճշդելի քանի մը նախարարութիւններու համապատասխան վերջին եզրայանգումներ եւ այլն: Արդիւնքը` յետաձգում, լաւագոյն պարագային` յառաջիկայ հանդիպումի կայացման մասին պաշտօնական յայտարարութիւն:

Տեղապտոյտը կը շարունակուի: Եւ եթէ կառավարութեան կազմութեան գործընթացը տեղապտոյտի մէջ է, ապա պետութեան կազմաքանդումն ու հասարակութեան թշուառացումի գործընթացը գահավէժ ընթացքի մէջ է:

Միջազգային ընտանիքի տարբեր անդամ-պետութիւններ յայտարարողական մակարդակի վրայ անընդհատ կը յուշեն կառավարութեան կազմութեան անյետաձգելիութեան հրամայականը: Պարզ է քաղաքագիտական տրամաբանութիւնը: Կառավարութեան կազմութիւնը համընդհանուր համոզում է, որ ներլիբանանեան համաձայնութեամբ գոյանալիք չէ: Տարածաշրջանային եւ միջազգային ուժեր ուղղակիօրէն առնչուած են այս հարցին եւ մէկ կողմէ առաջադրելով կառավարութիւնը, միւս կողմէ գետնի վրայ արգելակելով այդ գործընթացը, ներկայ անդունդային իրավիճակը կը ստեղծեն:

Տրամաբանական չէ, որ կարմիր գիծերը հատած, պետութեան կազմաքանդման բոլոր փուլերը ամբողջացնող այս վիճակին վերջակէտ դնելու համար նախարարական պաշտօններու, չափաբաժիններու պահպանման կռիւով բացատրուին այս բոլորը: Տեսանելի բաժինը նախագահական հաստատութիւնն ու անոր լիազօրութիւններու պահպանումն է, չերեւցած բաժինը այդ լիազօրութիւններու ամբողջական խլումով վարչակարգի տապալումն է:

Սակայն վարչակարգի տապալման առաջադրանքը եւս միջոց է երթալու համար դէպի համակարգի ամբողջական, արմատական փոփոխութիւն: Պարզ է, որ իւրաքանչիւր շահագրգիռ պետութեան երկարաժամկէտ ծրագիրներու ծալքերն ու հիմնական նպատակները յստակ չեն տակաւին: Մէկուն համար համայնքայինի պահպանումը կրնայ անտեղիտալի սկզբունք ըլլալ, ուրիշին համար քաղաքացիական պետութիւն ստեղծելը` միջոց, երրորդի մը համար` համադաշնակցային դրութիւնը: Ինչ ալ ըլլան նպատակներն ու ծրագիրները, այժմ կազմաքանդումն է, որ կ՛իրականացուի: Ենթադրաբար կայ միացեալ արտաքին ճակատ մը, որ կազմաքանդելու գործողութիւններու շարքի մը կիրարկման իր համաձայնութիւնը տուած է: Վերջը ըլլալիքը անորոշ ձգելով:

Հանգոյցները բարդ են անշուշտ: Իրանամէտ Հըզպալլայի չէզոքացումէն մինչեւ ընդծովեայ ուժանիւթի համար սահմանազատում եւ ապա սպառողական ընկերութիւններու ներգրաւում, հասնելու համար մինչեւ պաղեստինցի ազգաբնակչութեան վերջնական բնակեցում` գլխաւոր օրակարգերն են, որ միջազգային ընտանիքի այս կամ այն անդամին կողմէ կը յիշեցուին: Մնացեալը` բարեկարգում կամ կաշառակերութեան արմատախլում, հաշուետուութիւն եւ բոլոր դերակատարները արդարադատուութեան առջեւ կանգնեցնելու որոշում` ֆինանսական եւ տնտեսական պաշարումը շարունակելու համար յայտարարուած պատճառներ են, եթէ ոչ պատրուակներ:

Բայց այս բոլորին մէջ կ՛երեւին կիսաբաց պատուհաններ: Տատամսոտ ակնկալութիւններ կան իրանեան բեռնատար նաւուն Լիբանան հասցնելիք վառելանիւթին նկատմամբ: Իրաքեան նախաձեռնութիւնը որոշ ժամանակ չառարկայացաւ` տեղի տալով դարձեալ միջազգային պաշարումի կամ արգելանքի տեսութեան իրականութեան:

Սուրիական կանգառով իրանեան վառելանիւթի Լիբանան հասնելու հաւանականութեան արձանագրումի պարագային կ՛ուժեղանայ Իրան-Միացեալ Նահանգներ երկխօսութեան արդիւնաւորման առաջին արարը: Այդ չի նշանակեր որ կը վերացուի արգելքը եւ կը լուծուին խնդիրները: Այդ կը նշանակէ, որ կը շարունակուի անհրաժեշտ թթուածին ներարկելով կացութիւնը քաշքշելու քաղաքականութիւնը:

Հիմա ուշագրաւ է, որ իրանեան նաւուն ծով դուրս գալու եւ իրաքեան հում վառելանիւթի արաբական ընկերութեան մը կնքած գործարքի լրատուութիւնները համաժամանակեայ հրապարակուեցան:

Զուգահեռ տեղի կ՛ունենայ բեմագրութեան այլ տարբերակ մը: Ի բացակայութիւն պետական հաստատութիւններու գործառոյթներու եւ ծառայութիւններու, իւրաքանչիւր շրջան, քաղաք կը ճգնի լուծել իր խնդիրները: Նոյնը` իւրաքանչիւր համայնք: Ինքնակառավարման ճգնաժամային տարբերակ մըն է, որ կը կիրարկուի այսօր` դեղորայքէն մինչեւ հիւանդանոցային բուժում, սնունդէն մինչեւ ջուրի մատակարարման նոր համակարգեր ստեղծելու իրականութիւններով: Հաւաքական մտապատկերներու մէջ ուրուագծելով համադաշնակցային կառավարչաձեւը:

Քաղաքական արտաքին պատուէրները կը թուի, որ կը թեւակոխեն նաեւ իրաւական փուլ: Իրաւականը եւս անջատ եւ անկախ չէ քաղաքականէն: Տակաւին հարցական է, որ դատաւորներու յանդուգն որոշումները արդարադատական համակարգը վերակայացնելո՞ւ կը միտին, թէ՞ լիբանանեան դասական դէմքերու հեղինակազրկումին: Ինչ որ իր հերթին միջոց է երկարաշունչ ծրագիրին` համակարգային փոփոխութեան:

Այս բոլորը կը յուշեն, որ նման քաշքշուքային վիճակի մէջ, որոշ թթուածինային գործողութիւններ ներկրելով, Լիբանանը գէթ ներկայ փուլին պիտի մնայ վերահսկելի քաոսի մէջ: Երաշխաւորող գործիքը այս բոլորին` տնտեսական պաշարումն է: Որ յամենայն դէպս կը վերանայ, երբ Լիբանանի ճակատագիրին շուրջ համաձայնութիւն գոյանայ երկխօսութեան մէջ գտնուող պետութիւններու միջեւ: Աւելի ճիշդ` երբ տեղի ունենայ շահերու բաժանման միջազգային համաձայնութիւնը:

aztagdaily.com

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company