ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • ՀՅԴ Արցախ
  • Հարցազրույցներ

Եթե առաջնորդվելու են 1920-ականների քարտեզներով, ապա Արցախը պետք է ցամաքային կապ ունենա ՀՀ հետ․ Դավիթ Իշխանյան

25 Հոկտեմբեր 2021

Եթե սահմանագծման և սահմանազատման աշխատանքներում առաջնորդվելու են 1920-ականների քարտեզներով, ապա Արցախը պետք է ցամաքային կապ ունենա Հայաստանի Հանրապետության հետ՝ Yerkir.am-ի հետ հարցազրույցում ասաց Արցախի Հանրապետության ԱԺ պատգամավոր, ՀՅԴ Արցախի ԿԿ անդամ Դավիթ Իշխանյանը։

Նա մի քիչ բացեց փակագծերը․ հիշեցրեց, որ ռուսական կողմը, ի դեմս ՌԴ նախագահի, վերջերս «Վալդայ» ակումբում տեսակետ ներկայացրեց, որ իրենց ձեռքի տակ կա 1920-ական թվականների քարտեզները և, հավանաբար, կառաջնորդվեն այդ քարտեզներով։

«Ես, օրինակ, ունեմ իմ ձեռքի տակ 1920, 1928, այնուհետև 1936 թվականների քարտեզները, որոնք պատկերում են Խորհրդային Միության առաջին Սահմանադրության ընդունումից հետո Ղարաբաղի Ինքնավար Մարզի՝ նաև Հայաստանի Հանրապետության հետ սահմանները, սահմանների հետքաշումը, Կարմիր Քրդստանի ստեղծումը․․․ եթե առաջնորդվելու են այդ քարտեզներով, ապա ակնհայտորեն մենք ունենալու ենք մեր ցամաքային կապը Հայաստանի Հանրապետության հետ»,-ասաց Դավիթ Իշխանյանը։

Ռուսաստանը, նրա դիտարկմամբ, փորձում է տարբերակել երկու բաժին․ մի բաժինը սահմանագծում, սահմանազատումն է, որին, կարծես թե, Հայաստանի Հանրապետությունը տվել է իր հավանությունը՝ պատահական չեն փոխվարչապետների մակարդակով քննարկումները և նաև վերջերս Մոսկվայում տեղի ունեցած հանդիպումները, իսկ այս օրերին նաև Ռուսաստանում է Արցախի Հանրապետության նախագահ Արայիկ Հարությունյանը։ Երկրորդ բաժինը, Դավիթ Իշխանյանի խոսքով, սահմանազատումից առանձին Արցախի կարգավիճակի և հետագա ճակատագրի հարցն է։

«Կան չլուսաբանված բաժիններ, վստահ եմ, որ ՀՀ իշխանությունները այդ ամենին քաջատեղյակ են և հենց իրենք են այդ քննարկումները կատարում։ Ցավալին այն է, որ չկա տեղեկատվություն, և գոնե մեր ունեցած տեղեկություններով Արցախյան կողմը, ի դեմս Արցախի իշխանությունների, ամբողջական ինֆորմացիային չի տիրապետում»,-ասաց նա։

Այսուհանդերձ, Դավիթ Իշխանյանի համոզմամբ, մենք պետք է թղթին հանձնած ներկայացնենք մեր պատկերացումները՝ իրավական փաթեթը, թե ինչ իրավական կարգավիճակ է Արցախն ունեցել Խորհրդային Միության մեջ, և ինչպիսի իրավական հիմքերով է Արցախի Հանրապետությունը ձևավորվել։

«Վերջապես, 1988-ին հաջորդած ժամանակահատվածում նաև Արցախի Հանրապետությունն ի հայտ եկավ որպես առանձին սուբյեկտ։ Խնդիր չէ՝ արդյո՞ք մենք այսօր ունենք այդ սուբյեկտայնությունը, թե՞ չունենք, բայց ի՞նչ իրավական հիմքերով ենք մենք առաջնորդվել։ Սա կարևոր է, որովհետև ռուսական կողմը և նաև ՀՀ իշխանություններն անընդհատ շեշտում են Խորհրդային Միության տարբեր ժամանակները, սահմանները, քարտեզները և այլն, եթե Խորհրդային Միության իրավական գոյության հնարավորություններին ենք անդրադառնում, ապա պիտի նաև Ղարաբաղի հիմնահարցը և Ղարաբաղյան հիմնախնդրի հանգուցալուծման առումով մեր շեշտադրումները կատարենք այդտեղ, և այստեղ էլ մենք կարող է շահողի դերում հանդես գանք և ունենանք մեր հնարավորությունները։ Այլ հարց է, թե ինչ չափով ենք մենք դա օգտագործում»,-ասաց Դավիթ Իշխանյանը։

Նա խիստ կարևոր է համարում հարցի՝ իրավական դիտանկյունից քննարկումը, արդյո՞ք լիարժեք օգտագործել և օգտագործում ենք այն իրավական հնարավորությունները, որ ունենք։

Դավիթ Իշխանյանը հավանական է համարում, որ նոյեմբերի 9-ին, այնուամենայնիվ, ստորագրվի որևէ փաստաթուղթ և նկատում է, որ բոլոր փաստաթղթերն, անկախ իրավական ձևակերպումներից, մինչև այսօր ուժ են ստացել։

«Շատ դժվար է այդ ամենի առաջն առնել․ մենք տեսանք, թե ինչ տեղի ունեցավ անցյալ տարվա նոյեմբերի 9-ից հետո Հայաստանի Հանրապետությունում՝ Հայաստանի իշխանություններն ինչ մեթոդներով են առաջնորդվում՝ խաբելով ժողովրդին, մոլորության մեջ գցելով, մանիպուլյացիոն սկզբունքներն իրենց համար ավելի հիմնարար և կարևոր համարելով։ Այդ առումով չի բացառվում առաջիկայում՝ նոյեմբերի 9-ը կլինի, թե այլ օր, մեզ համար երկրորդական է, որևէ փաստաթղթի ստորագրումը։ Մեզ մնում է ճիշտ կողմնորոշվել և մեր քայլերը կատարել»,-ասաց Դավիթ Իշխանյանը։

Նա նկատեց, որ Հայաստանի Հանրապետությունում և Արցախում համազգային մեր դիմադրողականությունը թուլացած է, մնում է նորից փորձել ելք գտնել և ժողովրդին համախմբել։

Արցախի կարգավիճակի հարցը բաց է մնում՝ նշեց նա, մամուլում շրջանառվում է տեղեկություն, որ մոտ օրերս տարածաշրջան կայցելեն ԵԱՀԿ ՄԽ համանախագահները, և, Դավիթ Իշխանյանին նկատելի են ներքին տարակարծություններ, և այդ տարակարծությունները նա փորձում է կապել առաջիկա փաստաթղթերի հավանական ստորագրման հետ․ ռուսական կողմը, ըստ նրա, հավանաբար ձգձգում է, որ փաստի առաջ կանգնեցնի մյուս երկու համանախագահողներին։

Դավիթ Իշխանյանը, ռեալ պոլիտիկից ելնելով, քիչ հավանական է համարում, որ Ռուսաստանը ճանաչի Արցախի Հանրապետության անկախությունը, բայց նաև նկատում է, որ հնգամյա մանդատը, որ ռուս խաղաղապահները ստացել են, դեռ որոշակի հնարավորություններ է թողնում առաջիկա չորս տարիներին։ Հարցի հանգուցալուծման արագ գործընթաց նա չի ակնկալում։

Այս պահին Դավիթ Իշխանյանը նկատում է արտաքին ուժերի, այդ թվում նաև Ադրբեջանի, անմիջական ազդեցությունը Արցախի Զինված ուժերը լուծարելու և կազմաքանդելու ուղղությամբ։

Աննա Բալյան

Ամբողջական հարցազրույցը՝ տեսանյութով․

https://youtu.be/sMTwucmFHs8

FacebookTwitterOdnoklassnikiTelegramPrint
Լրահոս
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Փաշինյանը ցանկանում է նոր Սահմանադրութ

Նիկոլ Փաշինյանը կրկին կարող է ընդունել Ադրբեջանի նախագահ Իլհամ Ալիևի և Թուրքիա

12 Նոյեմբեր 2026
Հ.Յ.Դ. Աւստրալիոյ 53-րդ Շրջանային Ժողո

Հայ Յեղափոխական Դաշնակցութեան Աւստրալիոյ կառոյցի 53-րդ Շրջանային Ժողովը սկսաւ

11 Նոյեմբեր 2026
Ո՛չ՝ պարտադրուած Սահմանադրութեան

Հայաստանի Սահմանադրութեան շուրջ ծաւալող պայքարը պարզապէս իշխանութեան եւ ընդդիմ

11 Նոյեմբեր 2026
Խաղաղութեան գինը …

Հայաստանի ներկայիս իշխանախումբը 2018 թւականին կառավարական համակարգը բռնազաւթել

11 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company