ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Այս Օրը

10 Դեկտեմբեր 2021

ՀՅ Դաշնակցութեան հիմնադրութեան 131-րդ տարեդարձն է այսօր. տարեդարձը` այն կուսակցութեան, որ հպարտաբեր պատմութիւն ստեղծեց ո՛չ միայն իրեն, այլեւ իր ժողովուրդին համար:

Պարզ սովորութեամբ չէ, որ կը տօնուի այս տարեդարձը, այլ իբրեւ առիթ` անդրադառնալու այն գործին, զոր կատարած է ՀՅ Դաշնակցութիւնը մեր նորագոյն պատմութեան մէջ, հաղորդուելու այն մթնոլորտին, զոր ստեղծած է ան` մեր ժողովուրդի հոգիներուն մէջ քանդակելով հայ հողի հանդէպ պաշտամունքի աստիճանի հասնող սէր եւ նուիրում:

Աւանդ մըն է ՀՅ Դաշնակցութիւնը: Պատմական իր փորձառութեամբ, քաղաքական գիտակցութեամբ եւ հասունութեամբ: 131 տարիներու պատկառելի աւանդ մը, որ սակայն տարիներու թիւ չէ միայն, այլ գաղափար է, գո՛րծ է: Գաղափար մը, որ վերացականութիւն չէ, այլ` կենդանի եւ շօշափելի արտայայտութիւն: Գաղափար մը, որ ժողովուրդի լայն շերտերը կ՛ոգեւորէ եւ շարժումի մէջ կը դնէ: Հայրենիքի գաղափարն է այդ. ամբողջական, գերիշխան ու հզօր հայրենիքի գաղափարը, որուն համար աւելի քան դար մը մարտնչած է ան` Սասունէն Վան, Սարդարապատէն Բաշ Ապարան, Մարտակերտէն Մարտունի, Շուշի եւ Վարանգաթաղ:

Դաշնակցութիւնը իր 131-ամեայ գործունէութեամբ աստիճանաբար բիւրեղացուց ամբողջական հայրենիքի այդ գաղափարը, որուն իրականացման համար ան կերտեց քաղաքական միտք, մշակեց Ծրագիր, գործելաոճ եւ կառոյց` իր շուրջ համախմբելով հայութեան գործօն, հաւատաւոր ու հայրենասէր բոլոր տարրերը:

Դաշնակցութիւնը, սակայն, միայն գաղափարի կուսակցութիւն չեղաւ: Գեղեցիկ է գաղափարը, բայց առանց իրականացման` անբովանդակ խօսք է, անտեղի մտամարզանք: Դաշնակցութիւնը` գերազանցօրէն գործի կուսակցութիւն, ջանաց գաղափարը գործի՛ վերածել` իր անդամական շարքերն ու համակիրներու լայն շրջանակը մղելով տեւական գործունէութեան եւ զոհաբերութեան: Մինչ ուրիշներ անգործութենէ տառապեցան, Դաշնակցութեան գործը դուլ ու դադար չունեցաւ: Դաշնակցութիւնը գործեց մեր կեանքի բոլոր ասպարէզներուն մէջ. հոն, ուր հայ կեանքի կազմակերպման հարկը զգացուեցաւ, Դաշնակցութիւնը եղաւ առաջին ներկան: Հոն, ուր հայութեան եւ Հայաստանի ձայնը բարձրացնելու պահանջը դրուեցաւ, Դաշնակցութիւնը չբացակայեցաւ երբեք: Իսկ հոն, ուր հայութեան բռնաբարուած իրաւունքներու հետապնդման օրակարգը ներկայացաւ, Դաշնակցութիւնը միշտ եւ ամէնուր եղաւ առաջին գիծերու վրայ:

Յոգնութիւն եւ դադար չճանչցաւ Դաշնակցութիւնը: Ընկրկում եւ յուսալքում չունեցաւ ան: Կը բաւէ աչքի առջեւ ունենալ վերջին շրջանի անցուդարձերը միայն: Արդարեւ, հայ իրականութեան մէջ կա՞յ քաղաքական ուժ մը, որ հակառակ վերջին մէկ տարուան աննպաստ պայմաններուն` այնքան բեղուն գործունէութիւն ունեցած ըլլայ, որքան` Դաշնակցութիւնը: Կա՞յ կուսակցութիւն մը, որուն երիտասարդական միաւորներն ու ուղեկից միութիւնները նոյեմբեր 9-էն ետք Արցախի մէջ այնքան ծաւալուն գործունէութիւն ունեցած ըլլան, որքան` Դաշնակցութիւնը: Իսկ կա՞յ, հայկական բանակէն անկախ, կազմակերպ որեւէ միաւոր, որ արցախեան վերջին պատերազմին այնքան նահատակ տուած ըլլայ, որքան` Դաշնակցութիւնը:

Այսպէս էր Դաշնակցութիւնը անցեալին: Այսպէս է միշտ:

Հարազատ ծնունդը` իր պատմական միջավայրին, Դաշնակցութիւնը հայ կեանքի ամէնէն ճգնաժամային պահերուն իսկ կարողացաւ կացութիւններ շրջել, իրավիճակներ պարտադրել: Թօթափեց հայութեան պարտադրուած պարտութեան եւ յուսահատութեան ամօթը: Վերակերտեց հայ հոգին` իր ամէնէն ընտիր զաւակներուն արեան մկրտութեամբ եւ անչափելի զոհողութիւններով: Ստեղծեց նոր հայեր, ընդունակ` գաղափարներու համար պայքարելու եւ նահատակուելու: Այդ հայերը, համեստ բանուորէն մինչեւ մեծանուն մտաւորականն ու քաղաքագէտը, գիտցան ստեղծել նոր պատմութիւն. աննահանջ պայքարի, «Յարատե՜ւ կռիւ»-ի պատմութիւն, որուն էջերը գրուեցան բիւրաւոր նուիրեալներու աննկուն ջանքով ու կամքով, աննման վճռակամութեամբ եւ արիութեամբ: Տասնամեակները այնուհետեւ դադրեցան դէպքերու արձանագրութիւն ըլլալէ, դարձան ազգային հերոսապատում. մարդիկ դադրեցան այլեւս մահկանացուներ ըլլալէ, դարձան անմահներ` մահուան ճամբաներու վրայ, յանուն հայրենիքի փրկութեան, յանուն գաղափարական նուիրումի եւ յեղափոխական խիզախութեան:

Ամէն տարի, ահաւասիկ, ա՛յս պատմութիւնն է, զոր կը նշենք. այս անցեալը, որ անցեալ մը չէ միայն, այլ` ներկայ մը ու ապագայ մը:

Հետեւաբար մեծարանքի նշում մը չէ 131-ամեակի տօնակատարութիւնը, այլ վերահաստատում մը` գաղափարի ու գործի այն մնայուն արժէքներուն, որոնցմով զինուած` պատմակերտ այս կուսակցութիւնը իր երթը պիտի շարունակէ հաստատ ու աներեր, այն խոր գիտակցութեամբ, որ միայն զօրաւորներուն կը տրուի բարոյական իրաւունքը աւելի քան մէկ դար մնալու պատմութեան մա՛յր էջին վրայ:

Վ. ԱՒԱԳԵԱՆ
aztagdaily.com

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company