ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Պուտափէշթի Միջամտութիւնն Ու Երեւանի Միամտութիւնը

07 Հունվար 2022

Կատարուած միջամտութիւնը կամ բեմադրուած «ժեսթ»-ը յստակ է բոլոր հայորդիներուս համար, պատմութեան մէջ մասնագիտացող ակադեմականէն մինչեւ մշակը, բանուորը։

Սակայն, զարմանալիօրէն, պաշտօնական Երեւանը՝ պաշտպանութեան նախարարութէնէն մինչեւ արտաքին գործոց նախարարութիւն, յայտնապէս չեն ըմբռնած, խորապէս չեն վերլուծած եւ դիւանագիտական հապճեպ միջոցառումներու չեն դիմած, բացայայտելու, թէ ի՞նչ պատճառներով, մղոններ հեռու գտնուող Հունգարիոյ կառավարութեան միջնորդութեամբ, Դեկտեմբեր 29, 2021-ին հինգ հայ գերիներ Ատրպէյճանէն վերադարձան Երեւան:

Չենք անտեսեր պատահարին դրական կողմը, թէ՝ հայ գերիներ վերադարձան հայրենիք, մինչդեռ Ալիեւ եւ իր «երգչախումբը» յանկերգի վերածած էին, թէ իրենց քով հայ գերիներ չկան: Սակայն, քիչ մը քաղաքական հոտառութիւն եւ յիշուղութեան նշոյլ մը ունեցողը կը հարցադրէ, թէ նման քայլ մը ի՞նչ ծալքեր ու յետին նպատակներ ունի: Միթէ այդ նոյնինքն Հունգարիոյ մէջ չէ՞ր, ուր Փետրուար 18, 2004-ին, երբ անգլերէն լեզուին ծանօթանալու եւ ընտելանալու համար, ՆԱԹՕ-ի հրաւէրով զանազան երկիրներէ հրաւիրուած սպաներ ժամանած էին, ազերի բանակային մը՝ Ռամիլ Սաֆարով, գիրն ու գրականութիւնը մէկդի դրած, ընթացք տուած էր իր թրքաբարոյ «արեան կանչին»՝ արիւնահեղութեան, եւ կէս գիշերին կացինահարած էր հայ բանակային Գուրգէն Մարգարեանը։

Այդ նո՛յն Հունգարիոյ դատական ատեանն էր, որ Ապրիլ 13, 2006-ին պաշտօնապէս յանցաւոր գտած էր Սաֆարովը եւ ցմահ բանտարկութեան դատապարտած, պայման դնելով, որ վճիռը միայն երեսուն տարի ետք կրնար վերատեսութեան ենթարկուիլ։

Բա՜յց… Միայն վեց տարի ետք, Օգոստոս 31, 2012-ին, չես գիտեր ուրկէ՞ «ներշնչում առած» կիսատ-պռատ ու հապճեպ որոշում- «կարգադրութեամբ» մը, անշուշտ մի՛շտ Հունգարիոյ մայրաքաղաք Պուտափէշթի մէջ, Սաֆարով յանկարծ ազատ արձակուեցաւ եւ իբրեւ յաղթական հերոս վերադարձաւ Պաքու․․․։

Արդեօք ի՞նչ կարեւորութիւն ունի, որ երբ Սաֆարով գործեց ոճիրը, Պաքուի մօտիկ բարեկամ, ծաւալապաշտ ու ազգայնամոլ գաղափարներու տէր վարչապետ Վիքթոր Օրպան պաշտօնի վրայ չէր գտնուեր։​

Թուականներն ու եղելութիւնները ցոյց կու տան, թէ 2010-էն ի վեր վերստին վարչապետի պաշտօն ստանձնած Օրպան «ձեռքի գործը տեսած» է եւ, յաւելեալ մերձեցումի եւ անձնական շահեր ապահովելու համար, ընդյատակեայ դասաւորումներ կատարած էր Ալիեւի հետ եւ ազատ արձակած արիւնարբու Սաֆարովը։

Այդ օրերուն էր, որ Հայաստան կապերը խզած էր Հունգարիոյ հետ եւ բողոքած։ Բողոքը հասած էր Սթրազպուրկի Եւրոպական դատական ատեանի դռները, սակայն ի զուր․․․ Հարցը շարունակ ձգձգուեցաւ ու մոռցուեցաւ, «շնորհիւ» շահադիտական այլ հաշիւներու եւ ի վնաս Հայաստանի։

Իսկ այսօր Հունգարիա կրցած է միջնորդել եւ ազատ արձակել տալ հինգ հայ գերիներ։ Աւելի՛ն, պատկերը աւելի խառնաշփոթ վիճակի մատնելով եւ կացութիւն ստեղծելով, քաղաքականութիւնն ու կրօնքը իրարու խառնելով՝ Հունգարիոյ վարչապետին ներկայացուցիչը նշեց, թէ այս միջամտութիւնը արտայայտութիւն մըն է հալածեալ քրիստոնեաներուն աջակցութեան եւ «Հունգարիան կ՛օգնէ» ծրագիրի իրականացման։ Փաստօրէն, միայն կարելի է զարմանալ, երբ պաշտօնատարը կը շեշտէ, որ այդ ծրագիրի ծիրին մէջ, իր երկիրը կ՛օգնէ հաւատքի` քրիստոնէութեան պատճառով հալածուողներուն, ներառեալ` հայ առաքելական, աւետարանական եւ կաթողիկէ եկեղեցիներուն: Ուրեմն, պէտք է հասկնանք, թէ հայ-ազերիական հակամարտութիւնը եւ անկէ ծնած բազմերես տագնապները… կրօնական հակամարտութեան հետեւանք են եղեր: Մարդիկ որքա՛ն ծիծաղելի կը դարձնեն իրենք զիրենք:

Իրաւունք ունինք նաեւ հարց տալու. ո՞վ է նեցուկ կանգնողն ու հովանաւորողը՝ «Հունգարիան կ՛օգնէ» ծրագիրին։
Արագ եզրակացութիւններու ցատկելն ու մինչեւ իսկ հիմնաւորեալ ենթադրութիւններ կատարելը սխալ ընթացք կրնան ստեղծել. սակայն նաեւ չենք կրնար չարձանագրել, թէ այդ ծրագիրն ալ անուղղակիօրէն Օրպան-Ալիեւ գործակցութեան մէկ շառաւիղն է, առանց անպայման որոնելու այլ «բարերար» հովանաւորներ։

Վերադառնալով «հերոս» Սաֆարովի սխրագործութեան եւ Պուտափէշթի «քրիստոնէավայել» միջնորդութեան, հարց տանք. արդեօք ի՞նչ պիտի ըսէր Մարգարեանի սենեկակիցը՝ հունգար Պալաշ Քութին, որ կիսաքուն վիճակի մէջ սարսափահար ականատես եղած էր քստմնելի ոճիրին։

Հապա Սաֆարովի դէմ ցմահ բանտարկութեան վճիռ արձակած դատաւոր Անտրաշ Վասքութի՞ն, որուն տրամադրած ժամերն ու պատրաստած թղթածրարը կարճ ատեն ետք մէկդի շպրտուած էին։

Կայ նաեւ հայոց բանակի միւս ներկայացուցիչը՝ Հայկ Մակուչեանը, որ իր կեանքը կը պարտի իրենց սենեակին դուռը կղպած լիթուանացի սենեկակիցին։ Սաֆարով փորձած էր Մակուչեանի սենեակը մուտք գործել եւ շարունակել իր ոճրագործութիւնը։ Դեռ չենք խօսիր նահատակ հայ սպայի ընտանիքին մասին:

Կրկնենք. զարմանալի է չնկատել Պուտափէշթի (եւ․․․ Պաքուի) գործակցական միջամտութեան դիմաց՝ Երեւանի միամտութիւնը (մեղմ ասած)։

…Ամենէն ողբերգականն ու զարմանալին այն է, որ երբ Սաֆարով ժամանեց Պաքու իբրեւ հերոս դիմաւորուեցաւ ու ստացաւ թէ՛ նիւթական եւ թէ՛ բարոյական պարգեւներ։ Մինչդեռ տուն դարձող հայրենի հինգ զինուորներէն մէկը արդէն իսկ ձերբակալուած է, «զինուորական կանոններ խախտած ըլլալու» պատճառաբանութեամբ․․․։

ՀԱՅՐԵՆԻՔ – Պոսթըն
Խմբագրական

hairenikweekly.com

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company