ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Չմսխել Հայաստանի ու Հայ Ազգի Իրաւունքներն ու Յիշողութիւնը

02 Փետրվար 2022

Հարկ է, որ երկրի որեւէ իշխանութիւն պաշտպանը ըլլայ պետութեան ու ժողովուրդին շահերուն, ձեռքբերումներուն` քաղաքական իր տարբեր արեւելումներուն մէջ անգամ:

Որեւէ իշխանութեան կամ քաղաքական ընդդիմադիր ուժերու կողմէ յանուն պետութեան եւ ժողովուրդին արձանագրուած ձեռքբերումները առաւելութիւններ են, որոնք պէտք է պահպանուին եւ ոչ թէ մսխուին յանուն քաղաքական տարակարծութիւններու:

Իշխանութեան հասած ուժեր կրնան քննադատել իրենց նախորդողներուն բացթողումները, տեղի տուած սխալները, սրբագրումի միջոցներ որոնել, սակայն երբեք իրաւունք չունին մսխելու իրերայաջորդ իշխանութիւններու, հայրենանուէր ազատամարտիկներու, Հայ դատի պաշտպաններու, քաղաքական կազմակերպութիւններու` յանուն պետութեան ու ազգին նուաճած քաղաքական ձեռքբերումները:

ՀՀ վարչապետը 22 յունուարին այդպիսի մսխումներու հեղինակը հանդիսացաւ` ուրանալով Սարդարապատով, Հայ դատի յանձնախումբերու աշխատանքներով Հայաստանի պետութեան, ժողովուրդին, հայ զինուորին, սփիւռքահայութեան ջանքերով ու զոհողութիւններով նուաճուած ձեռքբերումները:

Զրոյցը ունկնդրին մօտ հարցերու հետեւեալ շարքը կը յառաջացնէ բնականաբար. ի՞նչ տրամաբանութեամբ Հայոց ցեղասպանութեան միջազգային ճանաչման գործընթացը վարչապետը կը համարէ գլխաւորաբար սփիւռքեան գործունէութեան արդիւնք` անտեսելով Հայոց ցեղասպանութեան 50-ամեակին իսկ հայրենի մեր ժողովուրդին Հայոց ցեղասպանութեան դատապարտման ցոյցերը, որոնք եկան իրաւացիօրէն մէկ ազգ, մէկ ժողովուրդ, մէկ դատ հասկացողութիւնը ամրապնդելու խորհրդային տարիներուն անգամ, միանալով սփիւռքի ջանքերուն:

Ի՞նչ իրաւունքով անտեսումի կը մատնուի, կ՛արհամարհուի Հայոց ցեղասպանութեան 100-ամեակին Երեւանի մէջ, Հայոց ցեղասպանութեան յուշահամալիրին` Ծիծեռնակաբերդի մէջ Ցեղասպանութեան հարիւրամեակի Համահայկական հռչակագիրը` կարդացուած Հայաստանի Հանրապետութեան նախագահին կողմէ, ուր յստակօրէն արձանագրուած են հայ ժողովուրդի իրաւունքներուն ձեռքբերման, Հայ դատին, հայկական պահանջատիրութեան ոգին ու էութիւնը:

Ինչո՞ւ կառուցուած է Սարդարապատի յուշահամալիրը եւ ի՞նչ կը խորհրդանշէ ան, եթէ ոչ` հայ ժողովուրդի միասնական պայքարով ձեռք բերուած Սարդարապատի յաղթանակն ու Հայաստանի անկախութիւնը: Այս բոլորը Հայ դատէն անջա՞տ իրողութիւններ են: Ի՞նչ է Հայ դատ հասկացողութիւնը` վերջապէս, եթէ ոչ` մեր ազգին ու պետութեան արդար իրաւունքներու ձեռքբերման համար մղուած դժուար ու երկար պայքար. փուլային պայքար մը, որուն իւրաքանչիւր փուլը յաջորդին հարթ ընթացքին ճամբան կը բանայ, եւ կարելի չէ ուրանալ այդ փուլերուն դերն ու շաղկապուած ըլլալու իրողութիւնը:

Հայաստանի վարչապետը Արցախի հարցին մասին խօսելով` ինչո՞ւ Ազրպէյճանի տարածքային ամբողջականութեան շեշտադրումը լուսարձակի տակ կ՛առնէ` առանց յիշելու անգամ բանակցութիւններով իսկ ամրագրուած Արցախի ժողովուրդին ինքնորոշման իրաւունքը: Հայ դատի Կեդրոնական խորհուրդի 26 յունուարի յայտարարութեամբ իրաւացիօրէն յիշուած է. «Վարչապետը միտումնաւոր կերպով կը խեղաթիւրէ ինքնորոշման իրաւունքի եւ տարածքային ամբողջականութեան յարաբերակցութիւնը միջազգային իրաւունքին մէջ»: Ինչո՞ւ մսխել այս իրաւունքը` փոխանակ զայն պաշտպանելով բանակցելու:

Հայաստանի ներկայացուցիչը հայ ազգին ալ ներկայացուցիչն է վերջապէս: Թուրքիան տարիներ շարունակ փորձ կատարած է անջատելու սփիւռքն ու Հայաստանը` իր քաղաքական հեռանկարները հաշուի առնելով: Այսօր Հայաստանի վարչապետը այդ առիթը ափսէի վրայ կը հրամցնէ Թուրքիոյ` յանուն բանակցութիւններու:

Տնտեսական յարաբերութիւնները երբեք չեն թելադրեր զիջիլ քաղաքական ձեռքբերումներէ եւ ընդառաջել թուրք-ազրպէյճանական նախապայմաններուն:

Բանակցութիւնը արուեստ է վերջապէս: Այդ արուեստը կիրարկողները պարտաւոր են տիրութիւն ընել մեր հայրենիքին ու ազգին ձեռքբերումներուն, քաղաքական իրենց գործունէութեան մէջ ինչպիսի արեւելումներ ալ ունենան անոնք: Եթէ այդ կարողութիւնը չունին, ի սպառ պիտի վատնեն Հայաստանի եւ հայ ազգի իրաւունքներն ու պատասխանատուութիւն կրեն ազգին եւ պետութեան առջեւ:

Ազգերու յիշողութիւնը կարելի չէ ջնջել յանուն բանակցութիւններու, յատկապէս եթէ այդ բանակցութիւնները հիմնուած են փոխադարձ շահերու վրայ, ոչ թէ միակողմանի զիջումներու` յանուն այնպիսի կողմերու խոստումներուն, որոնց հետ բանակցելու իմաստով հայ ազգն ու Հայաստանը դարերու փորձառութիւն ունին:

Խմբագրական «Գանձասար»-ի

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company