ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Հիփի Պաքու այցելութիւնն ու Փառուխի շրջանի իրավիճակի մասին Լաւրովի խօսքը

13 Ապրիլ 2022

Բրիտանիոյ զինեալ ուժերու նախարար Ճէյմս Հիփին 30 մարտին միօրեայ այցելութիւն մը տուաւ Պաքու։ Բրիտանացի նախարարը հանդիպում ունեցաւ Ազրպէյճանի պաշտպանութեան նախարար Զաքիր Հասանովի եւ արտաքին գործոց նախարար Ճէյհուն Պայրամովի հետ։ Ազրպէյճանական լրատուամիջոցներ՝ յղում կատարելով Ազրպէյճանի մէջ Բրիտանիոյ դեսպանատան հաղորդեցին, որ այդ հանդիպումներու գլխաւոր թեմաները «պիտի ըլլան» երկու երկիրներու համագործակցութեան ընդլայնման հնարաւորութիւնները, Ուքրանիոյ կացութիւնը, ինչպէս նաեւ Հայաստանի եւ Ազրպէյճանի միջեւ չլուծուած հարցերը։

Բրիտանիոյ Եւրոպական Միութենէն դուրս գալէն՝ «Պրեքզիթ»-էն ետք, Լոնտոնի արտաքին քաղաքականութիւնը արմատական փոփոխութիւն կրած է։ Այդ մէկը յստակ կերպով կ’երեւի Ուքրանիոյ հակամարտութեան ծիրին մէջ, ուր Բրիտանիան կը տեսնենք եւրոպական մակարդակի վրայ Քիեւի օգնութեան եւ աջակցութեան «առաջին ջութակահարի» եւ մինչեւ իսկ ամերիկեան դերակատարութեան առնուազն համազօր դերի մէջ։

Մինչ Եւրոպական Միութենէն դուրս գալը Լոնտոնին կ’արտօնէ Ուքրանիոյ հակամարտութեան մէջ աւելի ազատ ու հանդուգն կերպով գործել՝ ՕԹԱՆ-ին անդամ ըլլալու իրողութիւնը կը սանձէ անոր «թռիչքը» , կը սահմանափակէ անոր ազատութիւնը եւ արգելք կը հանդիսանայ, որ Ուքրանիա զօրք ուղղարկելով՝ 1853-1856-ի Խրիմեան պատերազմին օրինակով՝ ուղղակի կերպով պատերազմի իր պատմական թշնամիին՝ Ռուսիոյ դէմ։ ՕԹԱՆ-ի անդամակցութիւնը այս պարագային սանձիչ գործօն է, որովհետեւ ՕԹԱՆ-ն ու դաշինքի ղեկավար Միացեալ Նահանգները դէմ են Ուքրանիա զօրք ուղարկելուն՝ այն պատճառով, որ այդ քայլը համաշխարգային Գ. պատերազմի կը հանգեցնէ ։ Այլ խօսքով՝ Բրիտանիան Եւրոպական Միութենէն դուրս գալէն ետք, որոշակի չափով, սակայն ոչ լիարժէք կերպով վերադարձած է Պերլինի վեհաժողովի ժամանակաշրջան՝ Տիզրայէլիի եւ Փալմերսթոնի հակառուս եւ ոչ հայանպաստ քաղաքականութեան։

Բրիտանացի նախարարին անակնկալ այցելութիւնը Պաքու պէտք է դիտել այսօր լրատուամիջոցներու մէջ գոյութիւն ունեցող Կովկասի մէջ Ռուսիոյ դէմ 2-րդ ճակատ մը բանալու ջանքի մը գոյութեան մասին շշուկներու ծիրին մէջ։ Ուքրանիոյ ազգային անվտանգութեան խորհուրդի քարտուղար Ալեքսէյ Տանիլով Մարտի վերջաւորութեան կոչ ուղղած էր՝ Ռուսիոյ դէմ նոր ճակատներ բանալու։ Ան ողջունելով Ազրպէյճանի կողմէ Փառուխի մէջ գործողութիւնները՝ Մոլտովային եւ Վրաստանին կոչ ուղղած էր զբաղիլ «սեփական տարածքներուն վերատիրանալու գործով»։

Ուշագրաւ է ու բառացուցական է այն իրողութիւնը, որ բրիտանացի նախարարին այցելութիւնը կը յաջորդէ 24 Մարտին, Արցախի մէջ ռուսական խաղաղապահ ուժերու պատասխանատուութեան գօտիին մէջ գտնուող Փառուխ գիւղի եւ Քարագլուխ բարձունքի շրջանին մէջ ազրպէյճանական զինեալ ուժերու յառաջխաղացքին։ Բրիտանիոյ զինեալ ուժերու նախարար Ճէյմս Հիփի, ազրպէյճանական այդ ոտնձգութենէն վեց օր ետք, Ազրպէյճան այցելութիւնը կը վկայէ, թէ Ռուսիոյ դէմ 2-րդ ճակատ մը ըլլալու թեկնածուններէն մէկը Արցախն է։

Միւս կողմէ՝ Թիֆլիս չէ միացած Ռուսիոյ դէմ Արեւմուտքի պատժամիջոցներուն եւ ըստ «Ռուսթրաթ» հիմնարկի տնօրէն Էլենա Փաննայի, չի լսեր արեւմուտքցի խորհրդատուներու կարծիքը «օգտուելու Ուքրանիոյ կացութենէն, որպէսզի ուժի կիրարկման ճամբով վերականգնէ Հարաւային Օսեթիոյ եւ Աբխազիոյ վրայ իր վերահսկողութիւնը»։ Վրաստանի արտաքին գործոց նախարար Դաւիթ Զալքալիանին ալ յայտարարած է. «Աբխազիոյ եւ Հարաւային Օսեթիոյ դէմ ուժի կիրարկումը վրացական կառավարութեան ծրագիրներուն մաս չի կազմեր»։ Ապրիլի 4-ին հաղորդուեցաւ, որ ան պաշտօնազրկուած է…։

Ուքրանիոյ հետ պատերազմի պայմաններուն մէջ, իր դէմ երկրորդ ճակատի մը ստեղծման հեռանկարը բնականաբար կը մտահոգէ Ռուսիան։ Այդ մտահոգութիւնը յստակօրէն կ’երեւի 8 ապրիլին, Մոսկուայի մէջ Հայաստանի Հանրապետութեան արտաքին գործոց նախարար Արարատ Միրզոյեանի հետ մամլոյ ասուլիսի ընթացքին Ռուսիոյ արտաքին գործոց նախարար Սերկէյ Լաւրովի Փառուխ գիւղի շուրջ ստեղծուած իրավիճակին մասին ոչ համոզիչ եւ հայկական կողմին համար անախորժ խօսքին մէջ։

Լաւրով յայտնեց, որ Ռուսիոյ խաղաղապահ զօրակազմը կը զբաղի բացայայտումովը կատարուածի բոլոր հանգամանքներուն, որոնց մասին բանակցութիւններուն ընթացքին խօսուած է: «Այդ հանգամանքները մեզի համար մինչեւ վերջ յստակ չեն: Չէի ուզեր հիմա յառաջ անցնիլ ու որեւէ վերջնական դատողութիւն ընել: Մենք վստահ ենք, որ մեր հայ բարեկամները ամբողջապէս կը վստահին ռուսական խաղաղապահ զօրակազմին եւ որ այդ զօրակազմը պատասխանատուութեան ենթարկելու երբեմն հնչող կոչերը, որոշ ծառայողական հետաքննութիւն կատարելու վերաբերեալ, չեն արտացոլեր հայ ժողովուրդի, երկրի ղեկավարութեան վերաբերմունքը այն ահռելի դերակատարութեան նկատմամբ, որ ռուսական խաղաղապահ զօրակազմը ունի այդ շրջանին մէջ կայունութեան ապահովման հարցին մէջ: Եւ տուեալ միջադէպի պարագային մեր զինուորականները ուսումնասիրութիւն կը կատարեն, որովհետեւ կան բաներ, որոնք յստակացման կարիք ունին», ըսաւ ան։

Անոր խօսքին «այդ հանգամանքները մեզի համար մինչեւ վերջ յստակ չեն: Չէի ուզեր հիմա յառաջ անցնիլ ու որեւէ վերջնական դատողութիւն ընել» բաժինը Ռուսիոյ դէմ 2-րդ ճակատի մը բացման հարցին նկատմամբ մտահոգութեան, այդ խաղին մէջ չներքաշուելու, ուստի եւ Պաքուի հետ ճակատումէն խուսափելու մտադրութեան արտայայտութիւն է, իսկ «մենք վստահ ենք, որ մեր հայ բարեկամները ամբողջապէս կը վստահին ռուսական խաղաղապահ զօրակազմին»-ը եւ անոր յաջորդող տողերը հայ հասարակութեան մօտ ազրպէյճանական իշխանութիւններու քայլին եւ զայն կանխարգիլելու ձախողութեան ստեղծած ժխտական ազդեցութիւնը մեղմացնելու փորձ մըն է։

Բրիտանիոյ Ռուսիոյ դէմ 2-րդ ճակատ մը բանալու նպատակն ու Ազրպէյճանի ռուսական խաղաղապահ զօրախումբը հեղինակազերծելու նպատակը իրարամերժ չեն, ընդհակառակը շահերու համընկնում ստեղծած են։ Լոնտոն հաւանաբար կը փորձէ Պաքուն խրախուսել, որպէսզի, եթէ նոյնիսկ լայնամասշտապ գործողութիւններու չձեռնարկէ, առնուազն շարունակէ իր նմանօրինակ ոտձգութիւնները՝ քայլ առ քայլ գրաւէ Արցախի Հանրապետութեան ազատ տարածքները եւ այդպիսով՝ քիչ առ քիչ հիւծէ ռուսական ուժերու վարկն ու հեղինակութիւնը։ Ռուսական դիւանագիտութեան պետի խօսքը ցոյց կու տայ, թէ Մոսկուան կը գիտակցի Լոնտոն-Պաքու շահերու համընկնումին ու ատկէ բխող թաքուն համաձայնութեան գոյութեան ու վտանգին։

Ռուսական կողմին ներկայ զգուշաւորութիւնը, սակայն, յարատեւ չի կրնար ըլլալ։ Բնականաբար պիտի գայ պահ մը, երբ անոր համբերութեան բաժակը պիտի յորդի։ Իրողութիւն մը, որուն վստահաբար կը գիտակցին Բրիտանիան ու Ազրպէյճանը։ Երբ այդ պահը գայ, Պաքուն հաւանաբար պիտի նախընտրէ վերջ տալ Լոնտոնի հետ իր «զուգերգ»-ին։ Հայկական ու ռուսական կողմին շահերէն կը բխի չարտօնել, որ այդ դժոխային երգը շարունակուի։

ՎԱՀՐԱՄ ԷՄՄԻԵԱՆ
horizonweekly.ca

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company