ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Խմբագրական. Նշաձողի Աստիճանաչափի Ճշդումէն Առաջ

19 Ապրիլ 2022

Հայաստանի Հանրապետութեան վարչապետին խօսքը` կառավարութեան ծրագիրին կատարման ընթացքին եւ արդիւնքներուն մասին 2021-ի տարեկան զեկուցումի քննարկումին առիթով էր եւ հիմնական երկու ուղղութիւն ունէր: Ձեռքբերումներ` ընտրութիւններ, տնտեսական, պիւտճէի ցուցանիշներ, աշխատատեղերու թուաքանակ, վարչակառավարման արդիւնաւորութիւն եւ երկրորդ` 44-օրեայ պատերազմին հետ կապուած խնդիրներ, արցախեան հակամարտութիւն, խաղաղութեան բանակցութիւններ:

Առաջինը նախաբանային տեսք ունի. հիմնական առանցքը երկրորդ ուղղութիւնն է: Առաջին բաժինին ուղերձը այն է, որ այս կառավարութիւնը տնտեսական ձեռքբերումներ ապահոված է. կը մնայ ընդառաջ երթալ խաղաղութեան ծրագիրին, որպէսզի այդ յաջողութիւնները աւելի զարգանան: Առաջինը ուրեմն երկրորդ բաժինը համոզիչ դարձնելուն կը ծառայէ. խօսքի կառուցուածքային տրամաբանութիւնը այդ կը յուշէ:

Հիմա փորձենք նկատել առանցքայինին ուշագրաւ բաժինը:

Այսօր միջազգային հանրութիւնը մեզի յստակօրէն կ՛ըսէ. ըլլալ միակ երկիրը, որ երկկողմ մակարդակով չի ճանչնար Թուրքիոյ դաշնակից Ազրպէյճանի տարածքային ամբողջականութիւնը, մեծ վտանգ է ո՛չ միայն Արցախի, այլ նաեւ Հայաստանի համար:

Միջազգային հանրութիւնը մեզի կ՛ըսէ` փոքր չափով իջեցուցէք Լեռնային Ղարաբաղի կարգավիճակի հարցին մէջ ձեր նշաձողը եւ միջազգային մեծ կոնսոլիտացիա կ՛ապահովէք Հայաստանի եւ Արցախի շուրջ: Հակառակ պարագային, կը խնդրէ իր վրայ յոյս չդնել ոչ թէ այն պատճառով, որ միջազգային ընտանիքը չ՛ուզեր մեզի օգնել, այլ այն պատճառով, որ չի կրնար օգնել:

Անկախ բովանդակային առումով միջազգային ընտանիքի փոխանցած ուղերձներուն ճշմարտացիութիւնը խնդրոյ առարկայ դարձնելէն, այստեղ կայ սկզբունքային մեկնարկային կէտի յստակացման խնդիր:

Պաշտօնական յայտարարութիւնները պէտք է պահեն հետեւողականութիւն: Ստեփանակերտի բանակցային սեղան վերադարձի հրամայականը այս իշխանութիւնները վերածած էին բանակցութիններու կայացման նախապայման` անվերջ մեղադրելով Ստեփանակերտին դուրս մղումը նախկին իշխանութիններուն, մասնակիօրէն` երկրորդ նախագահին կողմէ: Աւելի՛ն, կու տային նաեւ իրաւական հիմնաւորում. թէ` Արցախի ժողովուրդը չէ մասնակցած Հայաստանի Հանրապետութեան ընտրութիւններուն, հետեւաբար ընտրուած իշխանութիւնը իրաւասութիւն չունի Արցախի ժողովուրդին անունով Արցախի ճակատագիրը ճշդելու:

Այս սկզբունքը հիմնովին խախտեցաւ, երբ համահայկական խաղերու փակման հանդիսութեան առիթով վարչապետը Ստեփանակերտի մէջ յայտարարեց` «Արցախը Հայաստան է եւ վերջ»: Որքան ալ գաղափարախօսականօրէն ըմբռնելի ըլլայ հաստատումը, այդուհանդերձ կը հակասէ սկզբունքային այն մօտեցումին, որուն վրայ կ՛ուզէր հիմնուիլ Երեւանը: Աւելի՛ն. նման յայտարարութիւն մը համազօր էր բանակցային գործընթացի չեղեալ յայտարարուելուն եւ Պաքուին պատրուակի տրամադրումին` պատերազմ սանձազերծելու: Տարբեր խնդիր, որ յատկապէս տաւուշեան դէպքերէն ետք Անգարան պարզ կը դարձնէր, որ Պաքուին կը հրահանգէր պատրաստուիլ պատերազմի:

Հիմա կարգավիճակի պահանջի նշաձողի իջեցման օրակարգ խորհրդարան բերելով Երեւանը հիմնովին կը շրջէր նախկին մօտեցումը եւ ո՛չ միայն Ստեփանակերտը կը շրջանցէր, այլ ուղղակի կը հակադրուէր ինքնորոշուած Արցախի ժողովուրդի կամքին: Այդ կամքը վերաբանաձեւուած էր ամիսներ առաջ ընդունուած ապաբռնագրաւման (տէօկուբացիայի) օրէնքով եւ ի պատասխան վարչապետի ելոյթին Արցախի Ազգային ժողովի հրապարակած յայտարարութեան հիմնադրոյթներով:

Բայց ուղերձին բաժինը հետեւեալն է. եթէ չընդունիք Արցախը Ազրպէյճանի կազմին մէջ, կը մնանք առանձին եւ ո՛չ միայն կը կորսնցնենք Արցախը, այլ նաեւ կը վտանգենք Հայաստանի Հանրապետութիւնը: Այլապէս, ըստ միջազգային ընտանիքին, կ՛ապահովենք միջազգային մեծ կոնսոլիտացիա:

Այս տեսակէտը աւելի համոզիչ դարձնելու համար վարչապետը կը մէջբերէ այլ տեսութիւն մը: Եթէ նախապէս հայկական կողմը Արցախի կարգավիճակի ճշդումը կ՛առաջադրէր եւ անոր կը հետեւցնէր անվտանգութեան երաշխիքներն ու Արցախի ժողովուրդի իրաւունքները, այժմ հիմնական ելակէտի կը վերածուին անվտանգութեան երաշխիքներն ու իրաւունքները, եւ անոնցմէ կը բխի կարգավիճակի հարցը: Սկզբունքներու այս տեղափոխումը իբրեւ թէ կը նշանակէ այն, որ կարգավիճակը տուեալ իրադրութեան մէջ ոչ թէ նպատակ է, այլ միջոց` ապահովելու Լեռնային Ղարաբաղի հայութեան անվտանգութիւնն ու իրաւունքները: Այս ձեւով ալ կը մեկնաբանուի իշխանութիւններու որդեգրած կարգախօսը, որ Արցախի խնդիրը ոչ թէ տարածքի, այլ իրաւունքի հարց է:

Արուեստական է իրաւունք-տարածք այս տարանջատման փորձը: Յայտնաբար կարգավիճակի պահանջի նշաձողի աստիճանաչափի իջեցման նպաստող տեսութիւն է, որ կը զարգացուի:

Նման թոյլ դիրքերէ խաղաղութեան բանակցութիւններու մեկնիլը հայկական կողմին միակողմանիօրէն վնասաբեր կ՛ըլլայ: Սահմանազատման օրակարգը կը մօտենայ, որուն համար կայ համաձայնութիւն մինչեւ այս ամսուան աւարտը միջպետական համատեղ յանձնախումբ նշանակելու:

Հայկական կողմին համար ժամանակ շահիլը կարեւոր է իբրեւ մարտավարական կարեւորագոյն քայլ: Մինչ այդ`

– Աշխատիլ սահմանազատման օրակարգը Արցախի կարգավիճակի ճշդումէն անջատել:

– Կարգավիճակի հարցի իրաւական հիմք ընդունիլ ազգերու ինքնորոշման միջազգային օրէնքը:

– Երեւանի մասնակցութիւնը բանակցութիւններուն կը մեկնաբանուէր իբրեւ Արցախի անվտանգութեան գլխաւոր երաշխաւորը:

Հիմա Հայաստանի Հանրապետութիւնը իրողականօրէն կորսնցուցած է այդ հանգամանքը: Ինքնորոշուած կողմն է, որ պիտի բանակցի ճշդելու համար իր կարգավիճակը:

– Աշխարհաքաղաքական պատճառներով անգործութեան մատնուած է միջազգային ընտանիքին լիազօրած միջնորդական առաքելութեան ձեւաչափը: Բանակցութիւններ կը կայանան Մոսկուայի միջնորդութեամբ, Թուրքիոյ անուղղակի միջնորդութեամբ եւ Պրիւքսելի միջնորդութեամբ: Միջազգային ընտանիքէն ակնկալել ճշդել լիազօրուած նոր ձեւաչափը:

– ԵԱՀԿ-ը լիազօրուած էր արցախեան հակամարտութեան լուծման, հետեւաբար Հայաստան-Ազրպէյճան սահմանազատումն ու խաղաղութեան համաձայնագիրի գործընթացը տարանջատել` ինքնորոշուած Արցախի եւ Ազրպէյճանի հակամարտութենէն:

– Մինչեւ նոր պայմանաւորուածութիւններ ընդունիլը, պահանջել մինչեւ հիմա կայացած համաձայնութիւններու իրականացումը` յատկապէս ռազմագերիներու, պահուող անձերու եւ աճիւններու վերադարձի, ինչպէս նաեւ գաղթականներու եւ տուժածներու տունդարձի կէտերը:

Նշաձողի աստիճանաչափի ճշդումի քննարկումէն առաջ նման եւ այլ յարակից կէտեր ճշդելը բանակցային գործընթացի վերադարձի նոր ռազմավարութիւն կ՛ենթադրեն: Իսկ Ստեփանակերտի վերադարձը ամբողջ հակամարտութեան հայկական կողմի փիլիսոփայութեան հիմքն է, որովհետեւ անիկա հիմնուած է ազգերու ինքնորոշման միջազգային իրաւադրոյթին վրայ:

aztagdaily.com

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company