ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Այսպէս կոչուած «խաղաղութեան պայմանագիր» եւ մասամբ նորին

21 Ապրիլ 2022

Հայաստանի վերանկախացումէն ի վեր, անցնող երեսուն տարիներուն, ամէն անգամ, որ հայ-թրքական այսպէս կոչուած յարաբերութիւններուն մէջ Հայկական կողմը (իմա՛ օրուան իշխանութիւնը) որեւէ տկարութիւն ցուցաբերէ, միջազգային ընտանիքը անմիջապէս կ՛անցնի իր քաղաքական վարքագիծի դասական մարտավարութեան՝ շեփորահարել, մղել, քաջալերել, ի հարկին պարտադրել ու աջակցիլ, երբեմն նոյնիսկ ուղղակի հովանաւորել սոյն գործընթացը:

Նախորդ բոլոր իշխանութիւնները եւ նախագահները՝ ԼՏՊ, ՌՔ, ՍՍ բախած են այս փորձաքարին, առաւել կամ նուազ չափով, ոմանք՝ կամովին, հաւատալով թեզին, ոմանք հարկադրաբար, տեղի տալով միջազգային ճնշումին:

Այսօր, սակայն, ամէն առումով հայավնաս այդ գործընթացը նախորդներէն շատ աւելի գործնական ու մահացու փուլի մէջ է: Ինչու՞: Պարզ է: Որովհետեւ պատերազմ պարտուած, արտաքին թէ ներքին ճակատի վրայ բարոյալքուած ապազգային ներկայ իշխանութիւնը կամովին կլանուած է այդ գործընթացով: Միջազգային ընտանիքին համար բնականաբար ձեռնտու է հայկական կողմի այս թուլամորթ, անձնատուր, դասալիք խայտառակ վիճակը: Անոնք արդէն առանց բառերը ծամծմելու մեզի կը թելադրեն ճանչնալ Ազրպէյճանի «տարածքային ամբողջականութիւնը», սպառնալով, որ այլապէս վտանգը այսուհետեւ ոչ միայն Արցախին է, այլ նաեւ Հայաստանին:

Այս կացութեան մէջ թուրք-ազերի թշնամին յաղթական է առայժմ եւ միակ պարտեալը մենք ենք, մանաւանդ որ պաշտօնական Երեւանը մէկ կողմէ տարբեր առիթներով բացայայտօրէն թեր կ՛արտայայտուի Ատրպէյճանի «տարածքային ամբողջականութեան», անհաշիւ ու անհարկի կը ճառէ սահմանագծման ու սահմանազատման մասին, միւս կողմէ սահմանի ու միջանցքներու բացման օրակարգով ջերմ սիրաբանութեան մէջ կը գտնուի Թուրքիոյ հետ: Եւ այս բոլորը՝ խաղաղասիրութեան կեղծ պիտակին տակ, խաղաղութիւն ապահովելու պատրուակով: Բայց փաշինեանական քարոզուող հեքիաթային «խաղաղութեան» արդիւնքը չճաշակեցի՞նք արդէն. պատերազմ, հողային կորուստ, հազարաւոր զոհ, գերիներ, կազմաքանդ բանակ, քայքայուած տնտեսութիւն, պառակտուած ազգ …

Իրերու այս դրութեան մէջ է նաեւ, որ գլխաւոր դաւաճանը յամառօրէն տակաւին կը շարունակէ գովերգել թշնամիին հետ խաղաղութեան պայմանագիր ստորագրելու կամ կնքելու «անհրաժեշտութեան» մասին, ստապատիր, աժան, նենգ ու դարանակալ իր քարոզչութեամբ առաւել մոլորեցնելով արդէն իսկ մոլորեալ իր հետեւորդները:

***
Սակայն զգուշ, շա՜տ զգուշ եւ ուշադիր պարտին ըլլալ բոլոր անոնք, որոնք կը փորձեն խաղալ այս վտանգաւոր խաղը, որովհետեւ խորքին մէջ կրակի հետ է, որ կը խաղան, առ այդ կրնան հրկիզուիլ:

Ժողովուրդներու պատմութիւնը բազմիցս ապացուցած է, որ կեղծ, շինծու ու մանաւանդ արտաքին աշխարհէն թելադրուած կամ պարտադրուած խաղաղութեան պայմանագիրները չեն յանգած դրական արդիւնքի: Ընդհակառակն, անոնք ունեցած են ցաւոտ վախճան: Վերջին յիսնամեակին այդ առումով կան բարացուցական օրինակներ: Եգիպտոսի նախագահ Անուար Սատաթ, միջազգային ընտանիքի մղումով եւ հակառակ սեփական ժողովուրդի կամքին, խաղաղութեան պայմանագիր ստորագրեց Իսրայելի հետ, որուն հետեւանքը եղաւ իր սպանութիւնը: Արիւնալի նոյն վախճանը ունեցաւ նաեւ Իսրայելի վարչապետ Իցհաք Ռապին, որ առանց իր ժողովուրդի կանաչ լոյսին՝ կը պատրաստուէր խաղաղութեան պայմանագիր ստորագրել պաղեստինցիներուն հետ:

Փաստ է ուրեմն, որ իրարու հետ հողային հարց, ազգային դատ, իրաւունքի խնդիր ունեցող ժողովուրդներու պետութեանց ներկայացուցիչները վերջին հաշուով խաղաղութեան պայմանագիր կրնան ստորագրել միայն այն ատեն, երբ տուեալ երկու ժողովուրդները հաւասարապէս համաձայն կ՛ըլլան իրարու հետ ունենալ բարի դրացիական յարաբերութիւններ, այլապէս որեւէ ձեւի պայմանագիր, նոյնիսկ՝ կնքուած, կը մնայ ճերմակ թուղթի վրայ սեւով գրուած շարադրութիւն պարզապէս:
Այո, կան նաեւ յաջողած պարագաներ, ինչպէս՝ նախկին Չեխոսլովաքիոյ օրինակը, երբ Պաղ Պատերազմի աւարտէն ետք Չեխիա եւ Սլովաքիա իրարհասկացողութեամբ, փոխըմբռնումով ու իմաստութեամբ բաժնուեցան իրարմէ եւ կնքեցին խաղաղութեան պայմանագիր, պարզապէս որովհետեւ երկու ժողովուրդները հաւասարապէս համաձայն էին սրբագրելու իրենց նկատմամբ նախապէս կատարուած պատմական միջազգային անարդարութիւնը եւ պատրաստ էին համերաշխօրէն միասին ապրելու կողք-կողքի իբրեւ բարեկամ ու հարեւան երկիրներ: Եւ յաջողեցան:

Ինչ կը վերաբերի մեզի, հայութեան, ապա հարցը յստակ է ու մեկին: Միջազգային ընտանիքը թէ ներքին դաւաճաններ, ապազգային տզրուկներ, մոլորեալներ ու միամիտ տխմարներ լաւ պիտի իմանան, որ թուրքին հետ խաղաղութեան պայմանագիր կարելի է ստորագրել միայն այն ատեն, երբ ան առաջին հերթին կ‘ընդունի իր գործադրած Ցեղասպանութիւնը եւ ապա պատրաստակամութիւնկը յայտնէ հատուցելու հայ ժողովուրդի հողային, նիւթական եւ բարոյական բոլոր իրաւունքները, այնպէս ինչպէս իմաստութիւնն ու քաջութիւնը ունեցաւ եւ ըրաւ Գերմանիան՝ հրեաներու նկատմամբ: Սակայն Թուրքիա առայժմ ոչ միայն հեռու է այդ քայլէն, այլեւ ազերի եղբօր հետ միասին ոգի ի բռին կը շարունակէ վարել փանթուրանական հայակուլ իր միեւնոյն քաղաքականութիւնը, հետեւաբար ան կը մնայ Հայաստանի ու հայութեան թշնամին:

Եւ անգամ մը եւս ընդգծենք այստեղ, կրկնելու գնով, որ Անգարայի հետ յարաբերութիւններու բնականոնացման, խաղաղութեան, հաշտութեան, բարի դրացնութեան պայմանագիրի կնքման որեւէ որոշում քաղաքական որեւէ ուժ կամ Հայաստանի որեւէ իշխանութիւն իրաւունքը չունի առանձին տալու, որովհետեւ այս թղթածրարը համազգային էական եւ բարդ խնդիր է, հետեւաբար կը կարօտի համազգային համախոհութեան ու համաձայնութեան, համազգային որոշումի: Այս օրակարգով այլ տարբերակ ու այլակարծութիւն ընդունելի չի կրնար ըլլալ ընդհանրապէս հայ քաղաքական մտածողութեան ու հա՛յ մարդուն համար:

Հրաչ Վարժապետեան
ՀՅԴ Արեւմտեան Եւրոպայի ներկայացուցիչ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company