ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Խմբագրական «Յուսաբեր»ի. Դիմագրաւել՝ Ուղիղ Ճակատէն

23 Ապրիլ 2022

Հարիւրեօթ տարի ետք Հայոց մեծ գողգոթայէն, անկախ պետականութեան պայմաններուն մէջ հայկական խօսոյթին մէջ ցեղասպանութիւն եզրը յամառօրէն չի զիջիր իր դիրքը։ 2020-ի Սեպտեմբեր-Նոյեմբեր պատերազմի օրերուն էր, որ այդ եզրը բարձրաստիճան պատասխանատուներու կողմէ այժմէականացաւ, հայոց գոյութեան սպառնալիքը վերստին գլուխ բարձրացուց։

Սեւ ու անպատմելի դժբախտ օրերու յիշատակի այս օրերուն, Հայ մարդը՝ անկախ իր գտնուած վայրէն, պէտք է ինքնիրեն հարց տայ, որ ինչքա՞ն ապիկար պէտք է ըլլայ ազգ մը, որ անգամ մը ենթարկուելէ ետք ցեղասպանութեան, հարիւր եւ աւելի տարի ետք անոր կրկնութեան տագնապն ապրի իր հայրենիքին մէջ։

Բնական չէ այս վիճակը։ Ոչ միայն բնական չէ, այլեւ անարգական է Մարդուն, այս պարագային՝ Հայուն, որու թիւի մեծագոյն մասը կը գտնուի իր հայրենիքէն դուրս եւ իր հերթին ամէն օր վերապրումի պայքար մը ունի մղելիք։ Ինչպէ՞ս սպասել անմիջական վտանգէն հազարաւոր քիլոմեթրներ հեռու նետուած հայութեան մնացորդացէն, որ ձգտի հայրենաբնակ վտանգուած իր ազգակիցներուն միանալ։

Ի՞նչ ազդանշան կը տրուի ներսի եւ դուրսի նոր եւ նորագոյն սերունդներուն պետական այս փնթի ղեկավարութեամբ։

Ինչպէ՞ս սպասել անհատի եւ հաւաքականութեան վերականգնում, զարթօնք։

Հարիւրեօթ տարին կամայ թէ ակամայ կը բարդուի խաւար ստրկութեան դարերուն, որոնց ընթացքին եղա՛ծ են փայլատակումներ, որոնք լուսաւորած են ժամանակը եւ վայրը, գործողները, Ազգի մէջք շտկած, բայց չեն շարունակուած, մնացած են որբ եւ անվաղորդայն։ Շղթայ չեն կազմած։

Պէտք է անդրադառնալ, որ այս անհետեւողական ընթացքը միայն պարտութիւններու առաջնորդած է եւ կ’առաջնորդէ։

Պէտք է սթափիլ եւ ուղղուիլ, հետեւողական եւ յամառ աշխատանքով սկիզբ մը դնել, որուն շարունակութիւնը միայն կրնայ փարատել մղձաւանջները։

Պայմանականօրէն մէկուկէս միլիոն հաշուող հայոց նահատակները (իրականութեան մէջ շատ աւելին), պետական ծրագրի մը հետեւանք էին, նպատակ ունենալով ՀԱՅԱԹԱՓԵԼ ՀԱՅԱՍՏԱՆԸ, ԱՊԱ ԻՒՐԱՑՆԵԼ ԶԱՅՆ։ Ապրիլ 24-ին մենք կը յիշենք ու կը պահանջենք Արեւմտեան Հայաստանը, եւ գիտակցաբար թէ անգիտակցաբար զայն կ’անջատենք Արեւելեան Հայաստանի դատէն՝ Դաշտային Արցախէն, Նախիջեւանէն եւ այլն։

Առանց մեր անդրադարձին իսկ, թրքութիւնը արեւմուտքէն եւ արեւելքէն քայլ առ քայլ, առանց շեղումի, հետամուտ է միեւնոյն ծրագրին, չխորշելով հարիւրամեայ վաղեմութեամբ գազանութիւնները կրկնել։ Ազգային մեր դժբախտութիւնը ոչ միայն թրքութեան դրացնութիւնն է, այլեւ մէկ ու միակ ոսոխին հետապնդած ծրագիրը կամայականօրէն մասնատելը՝ Արցախի, Վանի կամ Ալաշկերտի։ Մինչդեռ անոնք մէկ ամբողջութիւն պարտէին ներկայացնել մեզի համար՝ հասարակութիւն եւ պետութիւն։

Արդիւնքը կ’ըլլայ այն, որ մեր իսկ անջատած ճակատներուն վրայ կը դատապարտուինք մարտիրոսութեան ճամբան դարձեալ անցնելու։

Երեսունմէկ եւ աւելի տարի է, Հայաստանի Հանրապետութիւնը գոյութիւն ունի․ իրաւատէրը Հայ դատին, որ՝ Միացեալ Հայաստան, Միացեալ Հայութեամբ կը թարգմանուի։ Այս անցած տասնամեակներուն երբ Արցախի ազատագրական պայքարը առաջնագիծ էր, երբեւէ չիմացանք միջազգային ամպիոններէ, որ՝

ա․ Հայաստանի Հանրապետութեան ներկայ սահմանները ապօրէն են, զէնքի ուժով պարտադրուած,
բ․ Դաշտային Արցախը ապօրինաբար կցուելէ ետք թրքական երկրորդ հանրապետութեան, հայաթափուած է եւ իւրացուած,
գ․ Լեռնային Արցախը, որ տոկացած էր բոլոր ճնշումներուն եւ ի վերջոյ ազատ ինքնորոշուած էր, միջազգային թուլակամութեամբ թէ մեղսակցութեամբ, մօտիկ թէ հեռաւոր «բարեկամ»՝ եթէ ոչ «դաշնակից» պետութիւններ ինչո՞ւ չեն ճանչնար, իսկ աւելի ուշ վաւերացուցին ալ վերջին պատերազմին անոր մեծ մասի բռնագրաւումը,
դ. Հայաստանի Հանրապետութեան իրաւական սահմանները արեւմուտքէն հարիւրերկու տարի է իրաւարար վճռով գծուած են, գործադրութեան կը սպասէ,
ե․ Հայաստանի արեւելեան սահմանները իրաւախոհութեամբ կամ իրաւարարութեամբ որոշելու նախագիծ մէջտեղ դրուած էր 1918-20 թուականներուն։ Այդ ալ հաշուի մէջ է։

Ունեցած իրաւունքներդ երբ չես արժեւորեր, չես փորձեր արժեւորել, չես պատրաստուիր տիրութիւն ընել անոնց, մեծապետական թելադրանքներու կամ հարկադրանքներու կ’անսաս, չես ըմբոստանար, չես բողոքեր, աշխարհը իրար չես անցներ, հայրենիքի մնացած բաժինէն ալ դուրս պիտի մղուիս ուշ կամ կանուխ, որովհետեւ դիմացը հակապատկերդ է՝ որ չունեցած իրաւունքը կաշառքով, զէնքով կամ այլ կերպ հետեւողականօրէն կ’աշխատի հաստատել հարիւր եւ աւելի տարիէ ի վեր։ Վկա՛յ պատմութիւնը։

Մեր տխուր ներկան հետեւանք է հայրենիքի ամբողջականութեան ուրացման։ Ամբողջականութիւն՝ որուն դէմ կը գործէ նոյն թշնամին երկու ճակատէ։ Մենք ընդունած ենք մեր հայրենիքի մասնատումը, ժողովուրդի, լեզուի մասնատումը։ Մեր իրականութեան տարօրինակութիւններէն է նաեւ՝ որ Անգարայի ծաւալուն եւ վճռորոշ մասնակցութիւնը 2020 Սեպտեմբեր-Նոյեմբեր պատերազմին շատ բնական ընդունուեցաւ, կարծես ներողամտութեան ալ արժանացաւ։ Այլ պետութիւններ նման պարագայի վայնասուն կը բարձրացնէին ու չէին հանգստանար մինչեւ որ հաշուետուութեան չկանչուէր կարգը խախտողը։

Եւ այս պարագան ալ թող յուշէ, որ ինչքան ալ մատի ետին պահուըտիլ փորձենք, այլընտրանք չունինք․ ամբողջ ճակատով պիտի դիմագրաւենք մարտահրաւէրը։

Ամբողջ ծրարով, փաթեթով պիտի ընդգրկենք խնդիրը, որուն էութիւնն իսկ այդ է․ մենք նորը պիտի չհնարենք, մանաւանդ որ թուրքը գիտէ թէ ինք ինչ կ’ուզէ։

Ահա մարտահրաւէրը, զոր դիմագրաւելու շուրջ պարտաւոր ենք համախմբել հայութիւնը իր տարբեր թեւերով՝ ներսը եւ դուրսը, եւ անյապաղ բազմաճիւղ ու բազմամակարդակ աշխատանք կազմակերպել։ Ազգովի՛ն։ պետականօրէ՛ն։

Թերեւս վիճակի ծանրութիւնը եւ հանրութեան անհաղորդութիւնը թելադրեն այլեւս ուղիղ ճամբէն ընթանալու եւ նպատակին դիմելու, առա՛նց ծեքծեքումներու։ Յստակ ուղղութիւն պէտք է, որ մարդիկ հաւատան եւ հետեւին, նուիրուին։

Ոչ ոք այս դերը պիտի կատարէ մեր փոխարէնը։ Մեր նահատակներու անթաղ ոսկորները այնժամ պիտի հանգստանան։

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company