Մեր պայքարը շարունակվում է․ հայտարարեց ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանը Ֆրանսիայի հրապարակում «Դիմադրության» շարժման այսօրվա հանրահավաքի իր եզրափակիչ խոսքում։

«Վաղն առավոտից կշարունակեք անհնազանդության ակցիաները: Կոչ եմ անում մարզային բնակչությանը, մարզերում սկսել անհնազանդության ակցիաներ և ցույցեր։ Առավոտյան հանդես կգանք հայտարարությամբ, երեկոյան կլինի հանրահավաք։ «Մեր հաղթանակն այնքան մոտ է, ամեն ինչ մեր ուզածով գնում է առաջ, հանկարծ չհիասթափվեք։ Հոգով, Աստծով մինչև վերջ»,-ասաց Իշխան Սաղաթելյանը։

«Հրաժարականի պահանջը հնչեցնելուց հետո Ազգային ժողովի շենքի մոտ գնալու նպատակն էր Նիկոլ Փաշինյանին ուղիղ ասելը, որ նա լեգիտիմ չէ, իսկ խորհրդարանի շենքը գրավելու նպատակ չկար»,-նշեց նա։

«Այդ շենքի մեջ իշխանություն չկա։ Իշխանությունը փողոցում է, մեր ձեռքին է։ Այդ շենքի ներսում Նիկոլն ուներ 2 000 ոստիկան։ Նիկոլը կրկին արյուն է ուզում։ Կրկին հայի արյուն է ուզում։ Այդ արյունը չի՛ լինելու։ Մենք նրան պետք է հեռացնենք առանց արյան»,-շեշտեց Իշխան Սաղաթելյանը։

Մանրամասները՝ տեսանյութում

https://youtu.be/YO_sXsxuF2w