«Դիմադրություն» շարժման անհնազանդության ակցիաները շարունակվում են. երթ դեպի տարբեր նախարարություններ
31 Մայիս 2022
«Դիմադրություն» շարժման մասնակիցներն այսօր՝ մայիսի 31-ին հերթական անհնազանդության ակցիան են իրականացնում Երեւանում: Նրանք հավաքվել են Ֆրանսիայի հրապարակում, ապա երթ սկսել:
«Միություն, պայքար, հաղթանակ», «Առանց Նիկոլ Հայաստան», «Առանց թուրքի Հայաստան» վանկարկումների ներքո երթը կանգ առավ Գլխավոր դատախազության շենքի դիմաց․ ԱԺ «Հայաստան» խմբակցության պատգամավոր Արամ Վարդեւանյանը հայտարարեց. «Մենք դատախազությունց ակնկալում ենք, որ հայտարարություն տարածեն երեկվա դեպքերի վերաբերյալ քանի գործ են հարուցել, քանի ոստիկանի են մեղադրանք առաջադրել»։
Վաղուց արդեն ապացուցված է, որ վարչապետի աթոռը զբաղեցնող այս տխրահռչակի միակ հենարանը ուժայիններն են, որոնք ուղղակի օրենքի և պետականության հետ որևէ առնչություն չունեն․ երթի ժամանակ լրագրողների հետ զրույցում ասաց ՀՅԴ ԳՄ անդամ,ԱԺ «Հայաստան» խմբակցության պատգամավոր Լիլիթ Գալստյանը:
«Մենք հասկանում ենք, որ սա բռնապետություն է, բայց մենք կառավարության անդամներին ուզում ենք հնարավորություն տալ մեկընդմիշտ որոշելու՝ կարմիր գծից այս կողմ են, թե այն կողմ»,-ասաց նա:
Երթը հասավ ԱԳՆ շենք, որտեղ մեծ թվով ոստիկաններ էին հավաքվել՝ վահաններով ու սաղավարտներով:
ՀՅԴ ԳՄ ներկայացուցիչ Իշխան Սաղաթելյանը կոչ արեց ոստիկանների հետ կոնֆլիկտի չբռնվել. «Մենք այստեղ ենք մեկ նպատակով, որ մեր պատգամավորները հանդիպեն նախարարների հետ՝ հասկանան նրանց դիրքորոշումը հրապարակած սկզբունքների մասին»,-հայտարարեց նա։
Հիմա նաև անձնական պատասխանատվության ժամանակն է, նշեց նա, և մենք այս օրերին հատ-հատ պետք է պարզենք և յուրաքանչյուրից լսենք՝ ով ինչ է մտածում։
Ընդդիմադիր պատգամավորները ցանկություն հայտնեցին հանդիպել երեք նախարարների հետ: Ոստիկանության ներկայացուցիչն ասաց, որ կճշտեն արդյոք պատրաստ են ընդունել պատգամավորներին, որից հետո թույլ կտանn8anc մուտք գործել շենք:
Քիչ անց պարզվեց, որ ԲՏԱ եւ արդարադատության նախարարները տեղում չեն, իսկ ԿԳՄՍ նախարար Վահրամ Դումանյանը զբաղված է։
Արձանագրում ենք, որ այս շենքում գտնվող նախարարությունների ղեկավարները որեւէ բացատրություն չունեն այն փաստաթղթի հետ կապված, որը մենք ներկայացրել ենք ժողովրդի կողմից․ հայտարարեց Իշխան Սաղաթելյանը:
«Երկրորդը, վախենում, խուսափում ու փախնում են պատգամավորների հետ հանդիպումից: Երրորդը, իրենք իրենց աշխատանքային օրն սկսում եւ ավարտում են ոստիկանական վահանների հետեւում: մեկ անգամ եւս արձանագրում ենք, որ կառավարության անդամները պարզապես փախած են:
Մենք այստեղ այլեւս անելիք չունենք. ասաց Իշխան Սաղաթելյանը եւ առաջարկեց երթով շարժվել այլ ուղղությամբ։
Քայլերթը հասավ Ռադիոտուն, որտեղ կուտակված էին ոստիկանական ուժեր։
Իշխան Սաղաթելյանը հայտարարեց, որ իրենք չեն ծրագրել մուտք գործել Ռադիոտուն, ինչը ժամանակին արել էր Նիկոլ Փաշինյանը։
Ռադիոյի աշխատակիցները Արցախի և ՀՀ-ի դրոշներով ողջունեցին շարժման մասնակցիներին։
«Դիմադրություն» շարժման հաջորդ կանգառը՝ Երեւանի պետական համալսարանն էր, որի մուտքի մոտ նույնպես մեծ թվով ոստիկաններ էին կանգնած:
ԱԺ փոխնախագահ Իշխան Սաղաթելյանը ներկայացրեց Հայտարարության տեքստը, որով պատգամավորները մտնելու էին շենք՝ հասկանալու՝ արդյո՞ք ԵՊՀ դասախոսական կազմը համաձայն է այդ կետերի հետ։
Բանակցություններից հետո ոստիկանները ԱԺ պատգամավորներին թույլ տվեցին մուտք գործել մայր բուհ, սակայն պարզվեց, որ բուհի ղեկավարությունը՝ ռեկտորը եւ պրոռեկտորները շենքը աննկատ լքել են։
Նշենք նաեւ, որ պատգամավորները շենքից դուրս գալուց հետո, հայտնել են, որ բազմաթիվ արժանապատիվ դասախոսներ եւ ուսանողներ ողջունել են իրենց եւ ասել, որ շարժման հետ են։
«Դիմադրություն» շարժման մասնակիցները երթով շարժվել են Տնտեսագիտական համալսարան։
Ի տարբերություն ԵՊՀ-ի՝ Տնտեսագիտական համալսարանում շարժման մասնակիցներին ջերմ են ընդունել․ ռեկտորը տեղում չի եղել, սակայն դուրս է եկել նրա գործավարը եւ հայտարարել, որ չի կարող Արցախը երբևէ լինել Ադրբեջանի կազմում։
Նիկոլ Փաշինյանի հրաժարականը պահանջող «Դիմադրություն» շարժման մասնակիցները երթով վերադարձան Ֆրանսիայի հրապարակ։
Երեկոյան ժամը 19։00-ին տեղի կունենա հանրահավաք։
https://youtu.be/fB4AT_A2rJ4


















