ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Վարձկանը վարձկան է եւ վերջ

11 Հունիս 2022

Արեւմտեան աշխարհը, իր քաղաքական, մամլոյ-քարոզչական եւ… մարդու իրաւունքներու պաշտպաններու զօրակայաններով, տագնապի մատնուած է:

Պատճա՞ռը: Ուքրանիոյ արեւելեան գօտիին իշխանութիւնները, որոնք կը կռուին Զելենսքիի իշխանութեան դէմ եւ կը վայելեն Ռուսիոյ հովանին ու աջակցութիւնը, ձերբակալած են 3 օտարահպատակներ, որոնք իբրեւ վարձկան կը կռուէին Քիեւի բանակի շարքերուն (պահ մը մոռնանք, որ սա հակադարձութիւն մըն է ռուս զինուորներ իբրեւ պատերազմական ոճրագործ դատարան տանելու ուքրանական քայլին): Կարճ. Տոնպասի իշխանութիւնները ձերբակալած են երկու բրիտանացի եւ մէկ մարոքցի վարձկաններ, զանոնք դատած են իբրեւ ոճրագործ-վարձկաններ եւ մահուան դատապարտած են:

Վա՜յ… կը բացագանչեն արեւմուտքի մունետիկները: Ինչպէ՞ս կ’ըլլայ, որ վարձկաններ իբրեւ ոճրագործ դատուին եւ մահուան դատապարտուին: Եւ ահա, տարօրինակ մրցակցութիւն մը ծայր կ’առնէ: Քիեւի պաշտպան բանբերներ կը պնդեն, որ ձերբակալուածները կարելի չէ վարձկան կոչել, որովհետեւ երբ ռուսական յարձակումը սկսաւ՝ Զելենսքի կոչ ուղղեց աշխարհին, որպէսզի այլ երկիրներէ երիտասարդներ գան եւ զինուորագրուին իր բանակին, կռուին ռուսերուն դէմ: Բանբերները կը պնդեն, որ խնդրոյ առարկայ «կամաւորները» գրաւոր պայմանագրութիւն կնքած են ուքրանական բանակին հետ եւ ներգրաւուած՝ անոր շարքերուն: Անոնց կը ձայնակցին մարդու իրաւանց պաշտպան կազմակերպութիւններ, կը պնդեն, որ վարձկանները իրաւունքներ ունին իբրեւ մարդ, անոնք կը դասուին պատերազմական գերիներու շարքին, անոնց իրաւունքները պաշտպանուած են Ժընեւի համաձայնագիրներով (պայմանագրութիւն կնքող օտարականը վարձկան ըլլալէ կը դադրի՞. Այսինքն, վարձկան ըլլալը հիմա նոր սահմանո՞ւմ ունի…: Մէկը չի բացայայտեր, թէ վարձկանը որքա՞ն դրամ կը գանձէ եւ իսկապէս ո՞վ է վճարողը): Եւ ահա վճիռ արձակողները կը կոչուին «կապիկի դատարան», կ’ըսեն, որ այդ վճիռը ի զօրու չէ: Վաղը ի՞նչ պիտի պատահի, եթէ վարձկանները գնդակահարուին կամ կախաղան հանուին…

Կայ «մետալին միւս կողմը». Տոնպասի մէջ, Զելենսքիի ուժերուն դէմ կռուողները կը պիտակաւորուին իբրեւ «Ռուսիոյ վարձկանները»…

***
Ո՛չ մէկ կասկած, որ Թուրքիա եւ Ազրպէյճան ցնծութեամբ կը հետեւին այս դատավարութեան եւ յաջորդելիք քայլերուն, անոնց մէջ տեսնելով իրենց շնորհուած… բարի վարուց վկայագիր մը: Չէ՞ որ Թուրքիա աւելի քան 10 տարիէ ի վեր բացայայտօրէն վարձկաններ գործի լծելը նոր մակարդակի բարձրացուցած է, ծայրայեղական իսլամներու ամբողջ բանակներ կազմած է եւ զանոնք արձակած՝ Իրաքի, Սուրիոյ, Լիպիոյ եւ այլ երկիրներու սահմաններէն ներս (անգամ մը եւս շեշտենք, որ այդ պատերազմիկները իսկական Իսլամին հետ աղերս չունին, այլ կը ծառայեն թրքատիպ «իսլամութեան» անմիջական եւ հեռահաս ծրագիրներուն՝ համաթուրանականութեան): Արցախեան 44-օրեայ պատերազմին, այդ վարձկաններէն բաժին հանուեցաւ նաեւ մեզի՝ հայութեան: Թրքական դերակատարութիւնն ու բացայայտ միջամտութիւնը փաստագրուած են: Հայաստանի մէջ արդեօք մէկը, մանաւանդ իշխանաւորները կը յիշե՞ն այդ ոճիրները, թէ՞ «Թուրքիոյ եւ Ազրպէյճանի հետ խաղաղութեան էջ պիտի բանանք»ը ջնջած է այդ դառն յիշատակներն ալ:

Ի դէպ, միայն հպանցիկ ակնարկութիւն կ’ըլլայ, թէ ուքրանական եւ ռուսական իշխանութիւնները քիչ մը անդին պատերազմական գերիներու փոխանակում կը կատարեն…:

***
Սեփական բանակիդ մէջ վարձկան ունենալը նորութիւն չէ: Հին դարերէն սկսեալ, միշտ ալ վարձկաններ պատերազմի դաշտ նետուած են: Պատմութիւնը արձանագրած է նաեւ, որ վարձկանները ճակատներէն առաջին խոյս տուողը եղած են եւ երբեմն պատճառ դարձած՝ զիրենք օգտագործող կողմին տկարացման, պարտութեան: Սակայն տեսէ՛ք թէ «արդի աշխարհ»ին մէջ, վարձկանը կը ստանայ տարբեր իմաստ, ճակատողներ իրենց ուզածին պէս կը մեկնաբանեն վարձկանութիւնը: Կը փորձեն համոզել, որ եթէ օտարական մը պայմանագրութեամբ անդամակցի այլ երկրի մը բանակին, զայն պէտք չէ վարձկան կոչել, աւելի՛ն, պէտք է պաշտպան կանգնիլ անոր իրաւունքներուն, զայն դասել պատերազմական գերի:
Անշուշտ պարագան բոլորովին տարբեր պիտի ըլլար, եթէ այլ երկիրներ գաղթած ուքրանացիներ, անսալով հայրենիքի կոչին, վազէին միանալու բանակին: Իսկ թէ այս պատերազմը ինչո՞վ կ’արդարանայ, այդ ալ բոլորովին այլ հարց: Հիմա շատ աւելի տեսանելի են… շահ ապահովողները եւ ակնկալութիւններ աճեցնողները:
***
Ամերիկեան իշխանութիւններն ալ վստահաբար վարձկանները պաշտպանողներու կարծիքին կը յարին: Չէ՞ որ Իրաքի, Աֆղանիստանի մէջ եւ այլուր, անոնք ալ վարձկաններ գործի լծեցին (մինչեւ հիմա ալ ունին): Հոն, տարբեր «տրամաբանութիւն» մըն ալ կար. վարձկան խմբաւորումներու (կառավարութեան հետ պայմանագրութիւն կնքած եւ հսկայական գումարներ ստացող կազմակերպութեանց) կը վատահուէին այնպիսի արարքներ, որոնց բացայայտումը կրնար հակահարուած հասցնել ամերիկեան իշխանութիւններուն, վարկաբեկել «ժողովրդավարութիւն եւ մարդկային իրաւունք» պաշտպանողները…: Եւ հազուադէպ չէին այն ոճիրները, որոնց բացայայտումէն ետք, ամերիկեան իշխանութիւնները խղճի հանգստութեամբ յայտարարեցին, որ օրինակի համար՝ «Պլէք Ուոթըր»ի պէս կազմակերպութիւններ կապ չունին ամերիկեան կառավարութեան հետ:
Ակնոցը կը փոխուի, երբ աչքի առջեւ կը բերուին ամերիկեան խորհրդարանը Թրամփի քաջալերանքով գրաւող… վարձկանները:
***
Երեք վարձկանի դէմ մահավճիռը հսկայ փոթորիկ կը ստեղծէ քաղաքական եւ քարոզչական բեմերուն վրայ: Վարձկաններուն պաշտպանութիւնը յանձն առած շրջանակներ նոյնքան չեն մտահոգուած, որ, ըստ Քիեւի խոստովանութեան՝ ուքրանական բանակը իւրաքանչիւր օր կ’ունենայ մինչեւ 200 զոհ: Այլապէս, «իբրեւ պարզ իրականութիւն ընդունեցէք»ի տրամաբանութեամբ կը հաղորդուին քաղաքներու քար ու քանդ ըլլալուն, հակամարտ շրջաններուն մէջ բազմահազար քաղաքայիններու սպանութեան եւ միլիոնաւորներու գաղթական դառնալուն լուրերը:

Այս արիւնալի ու ծխամոյն ենթապատկերին մէջ է որ աշխարհի կոկորդէն վար կը հրուի վարձկանի նոր սահմանումը, մարդկութիւնը կը հրաւիրուի կանգնելու զանոնք պաշտպանողներուն կողքին: Եւ ճիշդ ա՛յդ շրջանակներն են, որ կը փութան Թուրքիոյ եւ Ազրպէյճանի հետ մեզ հաշտեցնելու…

Մեզի՝ հայերուս համար յստակ է, թէ Արցախի դէմ թուրք-ազերիներուն կողքին պատերազմի մտած վարձկանները, ի՛նչ որակում ալ տրուի անոնց, թզենիի տերեւ մը իսկ չունին պաշտպանուելու: Երբ վարձկանը կը դադրի մարդ ըլլալէ, կը գործէ անմարդկային եւ թրքատիպ ոճիրներ, ալ ի՜նչ մարդկային իրաւունք, ի՜նչ ժընեւեան համաձայնագիրներ: Վարձկանը վարձկան է եւ վերջ:

Սագիս ՄԱՀՍԷՐԷՃԵԱՆ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company