ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ուքրանիոյ Հակամարտութեան Համար Առաջարկուող Լուծման Սկզբունքը

22 Հունիս 2022

Ռուսիոյ եւ Ուքրանիոյ միջեւ բանակցութիւնները դադրած են մայիսի կէսէն ի վեր, եւ կողմերը զիրար կը մեղադրեն անոնց տապալումին համար: Ռուսիան կը պնդէր Ուքրանիայէն մեծ տարածքներու վրայ իր վերահսկողութեան պահպանման, իսկ Ուքրանիան կը մերժէր` հաւատալով, որ Արեւմուտքի աջակցութեամբ կրնայ ազատագրել զանոնք: Այժմ ընթացքի մէջ է բանակցութիւններու վերականգնման եւ Ուքրանիոյ հակամարտութեան էջը փակելու համար առաջարկուող լուծումի մը սկզբունքին ջատագովումը:

Միացեալ Նահանգներու նախկին արտաքին գործոց նախարար Հենրի Քիսինճըր 23 մայիսին Տաւոսի մէջ Համաշխարհային տնտեսական համախմբումի ընթացքին Արեւմուտքին կոչ ուղղեց Ուքրանիոյ մէջ Ռուսիոյ համար ամօթալի պարտութեան մը չձգտելու` զգուշացնելով, որ ատիկա կրնայ երկար տեւողութեան վրայ վատթարացնել Եւրոպայի կայունութիւնը: Փոխարէնը` ան առաջարկեց, որ Արեւմուտքը Ուքրանիոյ ստիպէ, որ ընդունի բանակցութիւնները վարել սթաթիւ քօ անթէի` հակամարտութենէն առաջ եղող կացութեան վերադառնալու հիմամբ: Այլ խօսքով, վերադարձ այն կացութեան, ուր Ռուսիան պաշտօնապէս կը վերահսկէ Խրիմը եւ ոչ պաշտօնապէս` Լուկանսքն ու Տոնեցքը: «Կը յուսամ, որ ուքրանացիները իրենց ցուցաբերած հերոսութեան համահաւասար իմաստութիւն պիտի ունենան», ըսաւ 98-ամեայ Քիսինճըր:

Ան սթաթիւ քօ անթէի հիմամբ բանակցութիւնները իրաւամբ որակեց «իտէալական», որովհետեւ Ուքրանիոյ հարաւային ու արեւելեան շրջաններուն մէջ զինուորական գետնի վրայ ձեռքբերումներ արձանագրած ու արձանագրող ռուսական կողմը դժուար թէ համաձայն ըլլայ վերադառնալու 24 փետրուարէն` ռուսական զինուորական գործողութեան շղթայազերծումէն առաջ գոյութիւն ունեցած կացութեան:

Ամերիկեան ազդեցիկ «Նիւ Եորք Թայմզ» օրաթերթը 19 մայիս թուակիր խմբագրականի մը մէջ արդէն ներկայացուցած էր Քիսինճըրի «իտէալական» լուծումին աւելի իրատեսական տարբերակը: Օրաթերթը նշած էր, որ խաղաղութեան հաստատման համար Ուքրանիան ստիպուած պիտի ըլլայ «տարածքային (զիջումի) ցաւալի որոշումներ» որդեգրելու: «Եթէ հակամարտութիւնը իսկական բանակցութիւններու յանգի, ուքրանացի ղեկավարներուն պիտի մնայ որդեգրել տարածքային (զիջումներու) ցաւալի որոշումներ, որոնք որեւէ փոխզիջում պիտի պահանջէ», նշուած էր ազդեցիկ օրաթերթի խմբագրականին մէջ:

Միացեալ Նահանգներու արտաքին գործոց նախարար Էնթընի Պլինքըն 15 յունիսին «Փի.Պի.Էս.»-ի հետ հարցազրոյցի ընթացքին յայտարարեց, որ Ուքրանիոյ ժողովուրդն ու նախագահ Վոլոտիմիր Զելենսքիի գլխաւորած կառավարութիւնը պէտք է առանձին որոշեն տարածքային զիջումներու կարելիութեան հարցը, Միացեալ Նահանգներ չեն պատրաստուիր իրենց դիրքորոշումը պարտադրելու: «Ուքրանիոյ ապագան ուքրանացիներու ձեռքերուն մէջ է: Այդ որոշումները պէտք է կայացնեն ուքրանացի ժողովուրդն ու ժողովրդավարական ճամբով ընտրուած կառավարութիւնը, ներառեալ` նախագահ Զելենսքին: Անոր որոշելիքն է, թէ ի՛նչ կը բխի իր երկրի շահերէն: Մենք ալ պիտի զօրակցինք», ըսաւ ամերիկեան դիւանագիտութեան պետը:

Գերմանական «Տի Վելթ» օրաթերթին համաձայն, Գերմանիոյ, Ֆրանսայի եւ Իտալիոյ ղեկավարներ Օլաֆ Շոլցը, Էմանուէլ Մաքրոնն ու Մարիօ Տրակին 16 յունիսին Քիեւ իրենց այցելութեան ընթացքին «փակ դռներու ետին» Ուքրանիոյ նախագահ Վոլոտիմիր Զելենսքիին կոչ ուղղած են վերսկսելու ռուսական կողմին հետ բանակցութիւններուն: «Պետութիւններու եւ կառավարութիւններու ղեկավարները «փակ դռներու ետին» ամենայն հաւանականութեամբ համոզած են Զելենսքին` Ռուսիոյ նախագահ Վլատիմիր Փութինին հետ բանակցութիւններու սեղան նստելու, որովհետեւ իրենց երկիրներուն կրած տնտեսական վնասը® հետզհետէ աւելի ու աւելի դժուար կը վերականգնուի», կը նշուի յօդուածին մէջ:

Այլ խօսքով, Արեւմուտքը եթէ նոյնիսկ Պլինքընի ըսածին նման իր դիրքորոշումը չի պարտադրեր, սակայն կը յորդորէ եւ կը փորձէ համոզել: Զելենսքի այժմ կը գտնուի դժուար ու անբաղձալի կացութեան մը մէջ, մէկ կողմէ գետնի վրայ ռուսական բանակին ճնշումը, ուքրանական զինեալ ուժերու օրական կրած մեծ կորուստներն ու յաւելեալ տարածքներու կորուստն են, իսկ միւս կողմէ` աջակից արեւմտեան երկիրներու ճնշումի համազօր յորդորը, որ յառաջիկային, մասնաւորաբար ձմրան եղանակի նախօրեակին կրնայ աւելի յստակ կերպով վերածուիլ ճնշումի` նկատի ունենալով եւրոպական երկիրներու ռուսական կազէն կախեալութիւնը:

Ինչպէս «Ուոլ Սթրիթ Ճըռնըլ» օրաթերթը նշեց, «Ռուսիոյ նախագահ Վլատիմիր Փութին ուժեղ հարուած մը հասցուց Եւրոպական Միութեան ղեկավարներու ամէնէն տկար կէտին` անոնց ընտրական ժողովրդականութեան»: Փութին պահանջեց, որ անոնք ռուսական կազի գինը ռուբլիով վճարեն: Ռուսիոյ դէմ պատժամիջոցներու հաստատումը պատճառ դարձաւ, որ վառելանիւթերու գիները բարձրանան` եւրոպացի քաղաքացիներուն մօտ համահաւասար նիւթական դժուարութիւն ու դժգոհութիւն յառաջացնելով: Եւրոպացի ղեկավարները այժմ կ’ուզեն, որ հակամարտութիւնը լուծուի, որպէսզի կարենան ջնջել Ռուսիոյ դէմ իրենց հաստատած պատժամիջոցները, եւ ռուսական կազի մատակարարումը վերադառնայ իր նախկին իրավիճակին, այլապէս ընտրութիւններուն մէջ կրնան սուղ գին վճարել:

Այս բոլորէն կարելի է եզրակացնել, որ Ուքրանիոյ հակամարտութեան առաջարկուող լուծումը հիմնուած է «տարածք` խաղաղութեան դիմաց» սկզբունքին վրայ:

Արեւմուտքի ղեկավարները ուզեցին, որ Ռուսիան պատերազմին համար սուղ գին վճարէ, սակայն իրենց քաղաքացիները եւս սուղ գին կը վճարեն, որուն իբրեւ հետեւանք` ստեղծուած է այն իսկական վտանգը, որ եւրոպացի ղեկավարները իրենք եւս իրենց երկիրներուն մէջ քաղաքական գին վճարեն: Այդ մէկը արդէն անոնց համար կարմիր գիծ է: Այժմ խաղաղութեան հաստատման համար է, որ գին մը պէտք է վճարուի, եւ կը թուի, թէ զայն վճարողը Ուքրանիան պիտի ըլլայ: Առնուազն այս է անոր աջակիցներուն մօտ արմատացող կարծիքը:

ՎԱՀՐԱՄ ԷՄՄԻԵԱՆ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company