ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ուքրայինայի հակամարտութեան լուծման վարկած մը

27 Հունիս 2022

Ռուսիոյ եւ Ուքրայինայի միջեւ բանակցութիւնները դադրած են Մայիսի կէսէն ի վեր։ Այժմ շրջանառութեան մէջ դրուած է նշեալ բանակցութիւնները վերականգնելու եւ հակամարտութեան «տարածք՝ խաղաղութեան դիմաց» սկզբունքին հիմամբ լուծում մը գտնելու գաղափարը։

Իրողութիւն մը, որ իր արձագանգը գտաւ ամերիկեան ազդեցիկ «Նիւ Եորք Թայմզ» օրաթերթի 19 Մայիս թուակիր խմբագրականին մէջ, ուր կը նշուէր. «Եթէ հակամարտութիւնը իսկական բանակցութիւններու յանգի, ուքրայինացի ղեկավարներուն պիտի մնայ որդեգրել տարածքային (զիջումներու) ցաւալի որոշումներ, որոնք որեւէ փոխզիջում պիտի պահանջէ»։

Միացեալ Նահանգներու նախկին արտաքին գործոց նախարար Հենրի Քիսինճըր իր կարգին 23 Մայիսին Տաւոսի մէջ Համաշխարհային տնտեսական համախմբումի ընթացքին առաջարկեց Ուքրայինայի ստիպել, որ ընդունի բանակցութիւնները վարել սթաթիւ քօ անթէի՝ հակամարտութենէն առաջ եղող կացութեան վերադառնալու հիմամբ, եւ այդ մէկը իրաւամբ որակեց «իտէալական», որովհետեւ Ուքրայինայի հարաւային ու արեւելեան շրջաններուն մէջ զինուորական գետնի վրայ ձեռքբերումներ արձանագրած ու արձանագրող ռուսական կողմը դժուար թէ համաձայն ըլլայ վերադառնալու 24 Փետրուարէն` ռուսական զինուորական գործողութեան շղթայազերծումէն առաջ գոյութիւն ունեցած կացութեան:

Մինչ Ուքրայինայի տագնապին լուծման սկզբունքին շուրջ «մտային մարզանք»-ը կը շարունակուի, զինուորական գետնի վրայ կացութիւնը առայժմ անել չէ. ուքրանական բանակը 24 Յունիսին նահանջեց Ուքրայինայի արեւելքը գտնուող Սեւերոտոնեցք ռազմավարական քաղաքէն։ Նոյն օրը ռուսական բանակը քանի մը գիւղեր եւ Հիրսքէ քաղաքը գրաւեց։ Զարգացում մը, որ Բրիտանիոյ վարչապետ Պորիս Ճոնսընը մղեց յայտարարելու. «Եթէ Ռուսիոյ նախագահ Վլատիմիր Փութին շարունակէ Ուքրայինայի մէջ իր յառաջխաղացքը երկարատեւ տնտեսական տագնապ տեղի պիտի ունենայ։ Մտահոգ ենք, որ Եւրոպայի մէջ տնտեսական դժուարութիւնները Ուքրայինայի վրայ ճնշում պիտի բանեցնէ ընդունելու վատ խաղաղութիւն մը»։

Ան նախապէս յայտարարած էր, որ Ուքրայինան պէտք չէ «իր տարածքներէն հրաժարի՝ խաղաղութեան դիմաց»՝ նշելով, որ պէտք է վերադառնալ 24 Փետրուարէն՝ ռուսական ներխուժումէն առաջուան սահմաններուն եւ պաշտպանել երկրին գերիշխանութիւնն ու անվտանգութիւնը։ Այլ խօսքով, ան նախապէս զօրակցած էր Քիսինճըրի առաջարկած «իտէալական» լուծումին, իսկ այժմ կը թուի, թէ «տնտեսական երկարատեւ տագնապ»-ի արդէն իսկ շօշափելի ուրուականը զինք մղած է ըլլալու աւելի իրապաշտ, եւ ան այժմ կը զօրակցի եւրոպական տեսակէտին։

Արդարեւ, գերմանական «Տի Վելթ» օրաթերթին համաձայն, Գերմանիոյ, Ֆրանսայի եւ Իտալիոյ ղեկավարներ Օլաֆ Շոլցը, Էմանուէլ Մաքրոնն ու Մարիօ Տրակին 16 Յունիսին Քիեւ իրենց այցելութեան ընթացքին «փակ դռներու ետին» Ուքրայինայի նախագահ Վոլոտիմիր Զելենսքիին կոչ ուղղած են վերսկսելու ռուսական կողմին հետ բանակցութիւններուն: «Պետութիւններու եւ կառավարութիւններու ղեկավարները «փակ դռներու ետին» ամենայն հաւանականութեամբ համոզած են Զելենսքին` Ռուսիոյ նախագահ Վլատիմիր Փութինին հետ բանակցութիւններու սեղան նստելու, որովհետեւ իրենց երկիրներուն կրած տնտեսական վնասը հետզհետէ աւելի ու աւելի դժուար կը վերականգնուի», կը նշուի յօդուածին մէջ:

Ուքրայինայի հակամարտութեան պատճառով ամբողջ աշխարհի տարածքին ուժանիւթի եւ սննդեղէնի գիները ոստում կ’արձանագրեն։ Ուքրայինայի հակամարտութեան տնտեսական վնասը մեծապէս զգալի է նաեւ Միացեալ Նահանգներու եւ Բրիտանիոյ մէջ։ Մ.Ա.Կ.-ի ընդհանուր քարտուղար Անթոնիօ Կութերեշ 24 Յունիսին զգուշացուց. «Առանց ռուսական եւ ուքրանական արտադրութիւններուն, սննդեղէնի տագնապին ազդու լուծում գոյութիւն չունի»։ Միջազգային դրամատունը 7 Յունիսին զգուշացուց. «Համաշխարհային տնտեսութիւնը անգամ մը եւս վտանգուած է»՝ ընդգծելով, որ բարձր սղաճի եւ տնտեսութիւններու դանդաղ աճի երեւոյթը կրնայ տարիներով շարունակուիլ։ Տնտեսական համագործակցութեան ու զարգացման կազմակերպութիւնը իր կարգին յայտնեց, որ համաշխարհային տնտեսութիւնը Ուքրայինայի պատերազմին պատճառով պիտի վճարէ «նկատառելի գին» մը, որ կրնայ ներառել Եւրոպայի մէջ ռուսական մատակարարումներու յանկարծակի ընդհատում եւ պարտքի բարձր համեմատութիւններու ու բարձր գիներու պատճառով ելեւմտական շուկաներու խանգարում։

Նկատի ունենալով գետնի վրայ զինուորական զարգացումներէն մինչեւ տնտեսական ոլորտ երկարող վերոնշեալ բոլոր ժխտական ազդակները՝ բոլոր կողմերն ալ խորքին մէջ կը փափաքին շուտով բանակցութեան սեղան վերադառնալ եւ հակամարտութիւնը կարելի եղածին չափ շուտ լուծել։

Ճիշդ է, որ արեւմուտքցի եւ ռուս պաշտօնատարներ շարունակ կը կրկնեն, թէ պատերազմը երկարատեւ պիտի ըլլայ, այդպիսով հակառակորդ կողմին փոխանցելով երկարատեւ պատերազմ մղելու իրենց պատրաստակամութեան պատգամը, սակայն իւրաքանչիւր կողմ կը գիտակցի պատերազմին ունեցած գինին սրընթաց բարձրացումին վերջ տալու հակառակորդ կողմի մօտ փափաքի գոյութիւնը, ուստի անոնք կը խաղան այն խաղը, զոր ամերիկացիք կը կոչեն «հաւու խաղ» (Game of Chicken երկու ինքնաշարժեր նոյն ճամբուն վրայ իրարու վրայ կը սուրան՝ տեսնելու համար, թէ որ վարորդին ջիղերը առաջինը տեղի պիտի տան եւ ճամբէն պիտի շեղի)։ Երկարատեւ պատերազմ մղելու պատրաստակամութեան վերաբերեալ սնամէջ «պոռոտախօսութիւնները» աւելի հակառակորդը խուճապի մատնելու եւ բանակցային դիրքի ամրապման փորձեր են քան՝ իսկական պատրաստակամութեան ընդգծում։

Միւս կողմէ՝ Ռուսիան պիտի չուզէ Ուքրայինան գրաւելով պիւռոսեան յաղթանակ արձանագրել, իսկ Ուքրայինան ու անոր աջակիցներն ալ անկարող են ազատագրել գրաւուած ու գրաւուող տարածքները։ Բանակցութիւններու սեղան վերադարձը միակ ողջամիտ ընտրանքն է, սակայն ժամանակը ի վնաս ուքրայինական կողմին է (քանի ժամանակ անցնի աւելի տարածք պիտի կորսնցնէ)։ Ուստի կարելի է եզրակացնել, որ ռուսական կողմի բանակցային դիրքը մասամբ աւելի լաւ է։ Ներկայ կացութեան մէջ Արեւմուտքի առաւելագոյն ձեռքբերումը զինուորական գետնի վրայ անել կացութիւն ստեղծելով Ռուսիոյ ունեցած այդ համեմատական առաւելութիւնը վնասազերծելն է։

Նկատի ունենալով, որ Մոսկուան նոր տարածքներ գրաւելով կը շարունակէ գետնի վրայ իրերայաջորդ կատարուած իրողութիւններ ստեղծել՝ Եւրոպական խորհուրդը 23 յունիսի երեկոյեան, միաձայնութեամբ Ուքրայինայի շնորհեց Եւրոպական Միութեան անդամակցելու թեկնածուի կարգավիճակ՝ այդպիսով Ռուսիոյ համար ստեղծելով կատարուած իրողութիւն մը։ Կարելի է ենթադրել, որ Ուքրայինայի հակամարտութեան լուծումը, այս երկու կատարուած իրողութիւններուն վրայ է, որ պիտի հիմնուի. Ուքրայինան Ռուսիոյ պիտի զիջի իր տարածքներէն մաս մը, որուն դիմաց Ռուսիան պիտի ընդունի Ուքրայինայի ՝ Եւրոպական Միութեան անդամակցութիւնը։

ՎԱՀՐԱՄ ԷՄՄԻԵԱՆ
«Հայրենիք»

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company