ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

«Ժողովուրդին մանտաթ»-ը չփրկեց Ճոնսընը

08 Հուլիս 2022

Բրիտանիոյ վարչապետ Պորիս Ճոնսըն Հինգշաբթի օր ի վերջոյ տապալեցաւ: Կուսակցութենէն ներս ծագած ըմբոստութենէն մօտաւորապէս ամիս մը ետք, ան ստիպուեցաւ հրաժարական յայտարարել, որովհետեւ առաջին ալիքէն զինք փրկած լաստը անկարող եղաւ դիմանալու երկրորդին ու խորտակուեցաւ անդարմանելիօրէն:

Անոնք, որ մոռցած են Ճոնսընի դէմ բարձրացած դժգոհութեան ալիքին պատճառները, արագ յիշեցում մը կատարենք. վարչապետը իր իսկ կառավարութեան կողմէ հաստատուած օրէնքը խախտած էր համաճարակի ամէնէն սաստիկ օրերուն եւ բազմամարդ տօնակատարութիւն մը սարքած էր անցեալ տարի: Քննադատութիւնները զսպուած էին Ճոնսընի պաշտպաններուն կողմէ, սակայն ամիս մը առաջ, ըմբոստութիւնը «վարակած» էր անոր կուսակցութեան անդամները, որոնք փորձած էին վստահութեան քուէն յետս կոչել վարչապետէն: Այդ հանգրուանին ալ Ճոնսընին փրկութեան լաստ նետողներ եղած էին, սակայն այս շաբաթասկիզբին, նոր ցունամի մը բարձրացաւ, երբ կառավարութեան անդամներ մէկը միւսին ետեւէ հրաժարական տուին եւ 10 Տաունինկ Սթրիթէն (վարչապետարան) ելքի դուռը մատնացոյց ըրին վարչապետին: Հիմա, տօնակատարութեան գայթակղութիւնը կարծէք թէ ընկղմած է աւելի մեծ գայթակղութեան մը ստեղծած ալիքին տակ: Ճոնսըն կ’ամբաստանուի իր պաշտօնակիցներէն՝ արուամոլի մը շահատակութիւնները ծածկած ըլլալու յանցանքով: Կ’ըսուի, թէ ան լաւատեղեակ էր խնդրոյ առարկայ նախարարին հակումներուն եւ զոհերուն համար անհաճոյ արարքներուն, սակայն «Ուքրայինայի պատերազմով զբաղած ըլլալուն, չէ կրցած պէտք եղած ուշադրութիւնը ցոյց տալ այս գայթակղութեան»:

Բացայայտ է, որ Ճոնսըն դարձեալ կ’ընդունի յանցապարտութիւնը, իսկ իր կողքին քալողները՝ նախարարներ, խորհրդարանականներ եւ ընդհանրապէս ժողովուրդը պատրաստ չեն այլեւս կուլ տալու իր չքմեղանքները:

Ճոնսըն վարչապետի պաշտօնին կոչուած էր մօտաւորապէս 3 տարի առաջ: Այդ օրերուն մեծ ժողովրդականութիւն կը վայելէր: Մինչեւ իսկ հրաժարականէն պահիկ մը առաջ յոխորտանքով խօսած էր, թէ ժողովուրդին տուած մանտաթով՝ շատ դժուարին գործ կը կատարէ, սակայն մարդիկ ըսին իրեն. «Կը բաւէ» (Enough is enough,կ’ըսեն անգլիախօսները):

Կրկնենք. Ճոնսընի տապալումին պատճառները հայրենիքէն հողի կորուստներ-յանձնումներ չէին, ո՛չ ալ բանակէն հազարաւորներու ի զուր զոհաբերութիւնը եւ այդ մասին խոստովանութիւնը, տնտեսական-ընկերային նահանջները: Բրիտանացիք նաեւ մտահոգ չէին, որ իրենց հայրենիքէն որոշ հողամասեր, «ուրիշին կը պատկանի»ի պատճառաբանութեամբ՝ վարչապետը կը պատրաստուէր նոր զիջումներու, նահանջի, հայրենադաւութեան: Եթէ նման հաւանականութիւններ ըլլային, անոնք վստահաբար Ֆրանսայէն պիտի խնդրէին, որ կառափնատը (կիոթին) դուրս բերեն թանգարանէն եւ մէկ օրուան համար փոխ տան իրենց:

Փառաշուք յաղթանակով Թերիսա Մէյը պատմութեան ծոցը ղրկած Ճոնսըն հիմա ցեխի մէջ մխրճուած վիճակով կը հրաժարի: (Մեզի համար հետաքրքրական չեն քաղաքական-ռազմավարական-տնտեսական ձախողանքներուն շուրջ տարածուող մեկնաբանութիւնները): Ան պաշտօակատար պիտի մնայ մինչեւ յաջորդի մը նշանակումը (ո՞վ գիտէ, թերեւս բրիտանացիք հասնին կանխահաս ընտրութիւններու…): Կատակասէրներ կ’ըսեն, որ 10 Տաունինկ Սթրիթէն հեռանալէ ետք, Ճոնսըն հաւանաբար գործազուրկ մնայ, լաւագոյն պարագային գործ մը գտնէ… կրկէսի մը մէջ, դառնայ հտպիտ: Չէ՞ որ քաղաքական կեանքին մէջ ան արդէն բաւական փորձառութիւն շահեցաւ իբրեւ հտպիտ: Կը բաւէ, որ տարազը փոխէ եւ դէմքը գունաւորէ. մազերուն երեւոյթը փոխելու պէտք պիտի չունենայ, ո՛չ ալ հտպիտները զատորոշող գլխարկի: Եթէ յաջողի, կ’ըսեն նոյն կատակասէրները, կրնայ իր կողքին գործ մը ապահովել նաեւ Տանըլտ Թրամփին եւ այլ խեղկատակ-գործակատարներու (Պայտընը կուսակցական այլ ուղղութեան մը կը պատկանի…):

***

Եթէ Ճոնսընի անփառունակ վախճանին լուրը առաջնակարգ տեղը խլեց լրատու աղբիւրներու ցանկին վրայ, երկրորդականի վերածելով Ուքրայինայի պատերազմին լուրերը, անդին, նոյն Եւրոպայի մէկ այլ անկիւնին մէջ հետաքրքրական զարգացումներ նոյնքան լուսարձակ չգրաւեցին:

Այդ թատերաբեմը Մոլտովան է, ուր բողոքի ցոյցեր պայթած են ընդդէմ երկրի վարչապետին, որովհետեւ ան, Եւրոպայի դուռներուն մուրացկանի դերով կանգնելու համար, տրամադրութիւն ցոյց տուած է քաղաքական եւ մշակութային զիջումներ կատարելու դրացի Պուլկարիոյ:

Պուլկարները ախորժակներ ունին Մոլտովայի նկատմամբ, կը փորձեն այդ երկրի մշակոյթը ներկայացնել իբրեւ մէկ «մասնաճիւղը» (ինչպէս միութիւնները կ’ունենան) իրենց մշակոյթին: Մոլտովացիները չեն ընդունիր եւ ահա, բողոքի շարժում մը ստեղծած են իրենց մանտաթաւոր առաջնորդին դէմ:

***

Բա՜յց… Բրիտանացիներն ու մոլտովացիները՝ մեզի ի՜նչ: Անոնց առաջնորդները կրնան տապալիլ: Մեզի համար կարեւորը՝ Հայաստանի այժմու իշխանութեան անսասան մնալն է: Հայաստանի վարչապետը ահաւասիկ կը փաստէ, թէ ինք շատ աւելի հզօր է, քան Պորիս Ճոնսըն մը, հոգ չէ թէ 4 տարուան մէջ երկիրը տարաւ կորուստէ կորուստ, անդունդէ անդունդ, կը խոստանայ, իր ուսապարկերուն ձայնակցութեամբ, նորանոր կորուստներ «պարգեւել» մեր հայրենիքին, մի՛շտ «նախկինները» յանցաւոր նկատելով ի՛ր անվիճելի արարքներուն համար (ռուսերն ալ «նախկին» են, չէ՞): Չէ՞ որ քանի մը օր առաջ յայտարարեց, թէ «Ատրպէյճանին պատկանող հողերը պիտի վերադարձուին անոր» (խօսքը Բերձոր-Աղաւնոյ գօտիին մասին է, որոնք ժամանակին մաս կը կազմէին «Արցախը Հայաստան է ու վերջ»-ին եւ հիմա, անցած են «դժբախտ ու անպէտ» Շուշիին, Քարվաճառին, Հատրութին եւ… Գորիս-Կապան ճամբուն, Սեւ լիճի եւ այլոց ցանկին): Չէ՞ որ իր մէկ ուսապարկն ալ Եւրոպայի բեմէն ճակատաբաց եւ յանդուգն կերպով յայտարարեց, թէ «Ատրպէյճանին պատկանող բոլոր հողերը վերադարձուցած ենք»: Ասո՞նք ալ «նախկինները…»:

…Հայութեան բեմին վրայ, կայ նոր «աւանդութիւն»: Կուլ տալ ամէն սուտ, ամէն կորուստ ու նահանջ, այնքան ատեն, որ անոնք կը մատուցուին «ժողովուրդին մանտաթը ունինք»ի թունաւոր կարկանդակին ճամբով: Ընդդիմադիր ճակատին եւ հայրենիքին հաւատարիմ, հայրենիքին պաշտպան ժողովուրդին իրաւունքն է անյապաղ վերջակէտ մը դնել այս այլանդակ «աւանդութեան» եւ հայրենիքը բերել փրկութեան ճամբուն: Փրկարար առաքելութիւնը անպայման պէտք է ընդգրկէ ինքնազգայազրկումի մատնուածները, որոնք կը տուայտին այս իւրօրինակ «աւանդութեան» մէջ (անշուշտ միշտ ալ պիտի ըլլան անյոյս ու կամաւոր խաբուողներ, որոնք սակայն չեն կրնար վճռել հայրենիքին ու ազգին ճակատագիրը):

Ս. ՄԱՀՍԷՐԷՃԵԱՆ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company