ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ե՞րբ պիտի քաշենք կարմիր գիծը

18 Օգոստոս 2022

Յանկարծ կը գտնուինք անհեթեթ սպասողականի մը մէջ և յանկարծ ենթակայ ենք թշնամիին կողմէ հաստատուած վերջնագրի մը պայմաններուն։ Տեղի պիտի ունենայ էթնիկ մաքրագործման ամենէն փողոցային, ամենէն բացօթեայ և ամենէն եղերազաւեշտական բեմադրութիւնը ամբողջ աշխարհի — և առաջին հերթին՝ ՄԵ՛Ր – աչքերուն առջև։

Կարևոր չէ, թէ ո՞ւր կը գտնուիս այս պահուն այս մոլորակի համատարած քաոսին մէջ կամ ի՞նչ անձնագրով կը բնորոշուի ազգային պատկանելիութիւնդ աշխարհի աչքին։ Եթէ արժանապատւութեան տարրական զգացումով օժտուած հայն ես և չէ բթացած մէջդ ինքնութեան գիտակցութիւնը, ինքնաբերաբար անարգուած ես մեր երկրին մէջ ընթացք առած հայրենազրկման այս գործընթացներէն։ Անարգուած ես, քանի որ դուն Բերձորն ես։ Քանի որ դուն Աղաւնոն ես։ Քանի որ դուն Ներքին Սուսն ես։ Դուն Սիւնիքն ես։ Դուն Գեղարքունիքն ես։ Դուն Արցախն ես։ Դուն քու հայրենիքիդ ամէն մէկ թիզ հողն ես և քեզմով միայն կ՚ըսկսի և կը վերջանայ քու հայրենիքիդ հողային ամբողջականութիւնը։

Եթէ այս բացարձակութեամբ չես ապրիր պատմութեան այս ճգնաժամային պահը, դուն առհասարակ կապ չունիս մեր հաւաքական ճակատագրին հետ։ Դուն հայ չես։ Դուն իմացեալ, դուն մկրտեալ հայը չես, որ միակ չափանիշն է հայ ըլլալու։ Դուն պատահմունքով միայն հայն ես։ Դուն այն հայը չես, որ իրաւունք ունի և արժանի է զինուորագրուելու մեր այսօրուան մարտահրաւէրներուն։

Մեր երկրի հողային ամբողջականութիւնը բռնաբարած թշնամին և անոր լծակից՝ Փաշինեանական համակարգը այսօր ի վիճակի են կապտելու քեզ քու ինքնութիւնԷդ։ Քու ինքնութիւնդ սահմանող ստորոգելիներէ՛ն։ Քեզ մասնակից դարձնելու վարչակարգի շարունակական անձնատւութեան։ Քեզ ներքաշելու վարչակարգի յանցագործ քաղաքականութեան մէջ և քեզ օր-ցերեկով թաղելու որպէս Հայաստանի Հանրապետութեան քաղաքացի և որպէս ՀԱՅ։

Դուն իրենց հասողութեան մէջն ես այլևս։ Դուն արդէն պատանդուած ես։ Դուն դադրած ես ինքզինքդ ըլլալէ հակառակ քու բոլոր յաւակնութիւններուդ և թէկուզ հակառակ քու կամքիդ…Այս է մերկ իրականութիւնը, որմէ ոչ մէկ հայ կրնայ խուսափիլ։ Այս է իրականութիւնը նաև, որմէ ոչ մէկ մարդ կրնայ խուսափիլ…եթէ դուն ճակատ չես յարդարած այս անպատիւ իրականութեան դէմ, կը նշանակէ յանձնած ես ինքզինքդ այդ իրականութեան։ Դուն անքակտելի մասն ես անոր։ Դուն ընդունած ես քու հայրենիքիդ, քու անկախ պետականութեանդ և քու մարդկային ինքնութեանդ դէմ լարուած համաշխարհային այս նախայարձակումը (aggression, ագրեսիա)։ Եթէ դուն չես քաշած կարմիր գիծը քու և թշնամիին միջև, դուն թշնամի՛ն ես առանց դոյզն կասկածի։

Այսօր թշնամին եկած է փորձելու վերջին սահմանը մեր անյատակ հանդուրժողութեան…Թշնամին հաստատած է Օգոստոս 25, 2022 թուականը որպէս ժամկէտ և բացէ ի բաց կը պահանջէ, որ Բերձոր, Աղաւնոյ և Ներքին Սուս համայնքներու բնակչութիւնը անյապաղ դուրս գայ իր տուներէն և զանոնք յանձնէ իր ճանկերուն։ Կասկած չունենաք, որ ասիկա սկիզբն է միայն թշնամիի յարձակողականին։ Այս թշնամին կանգ պիտի չառնէ։ Թշնամին որոշած է քայլ առ քայլ իր թաթը դնել Արցախի, Սիւնիքի, Գեղարքունիքի, Վայոց Ձորի, Տաւուշի, Երևանի վրայ և ի վերջոյ ամբողջ Հայաստանի։ Թշնամին չի ծամծմեր իր բառերը։ Ան կ՚ուզէ լիովին հայաթափել Հայաստանը։ Իսկ անոնք, որոնք կ՚որոշեն մնալ թշնամիի իշխանութեան տակ, անոնք պիտի չունենան ազգային որևէ ինքնութիւն։ Անոնք պիտի ենթարկուին պարտադիր ձուլման ամենէն խուժդուժ բռնամիջոցներուն։

Երբ այդ մէկը տեղի կ՚ունենար Արևմտեան Հայաստանի մէջ, Արևմուտք և Ռուսաստան գիտակցաբար լռեցին։ Թոյլ տուին, որ թշնամիի հայաթափման քաղաքականութիւնը հասնի ամբողջական կիրարկման։ Արևմուտք և Ռուսաստան խաղացին քու կացութենէդ օգտուելու իրենց լկտի խաղը։ Նոյն խաղը կը խաղան և պիտի խաղան այսօր։

Մինչ այդ հոգեբանական ահաւոր ճնշման տակ է Բերձորի, Աղաւնոյի և Ներքին Սուսի մեր ժողովուրդը։ Մեր ժողովուրդը մնացած է անտէր։ Բերձորն ու Աղաւնոն ու Սուսը պարզապէս գոյութիւն չունին աշխարհի օրակարգին վրայ։ Անոնք արհամարհելի քանակութիւն մըն են, զոր կարելի է «ծախսել» որպէս «գրպանի դրամ»։ Անոնք իրաւունք չունին իրաւունքի մասին իսկ խօսելու։ (Ռուսաստան և Արևմուտք վճռած են, որ Արցախը մաս կը կազմէ Ազրպէյճանի հողային ամբողջականութեան։) Փաշինեանական իշխանութիւնը սկսած է հանգիստ խղճով «գրանցել» բոլոր այն ընտանիքները, որոնք ի վերջոյ կը յօժառին յանձնել իրենց ինչքը և ընդունիլ պարտադիր տեղահանութիւնը, որուն համար Փաշինեանական վարչակարգը կը գործածէ «տարհանում» անգոյն բառը…Շուտով ամէն բան կը վերածուի դիւանակալական (bureaucratic, բիւրոկրատիկ) մանրամասնութեան։ Շուտով տեղի կ՚ունենայ հերթական անձնատւութիւնը (capitulation, կապիտուլացիա) այս իշխանութեան կողմէ և պատմութեան անիւը անգամ մը ևս կը քալէ մեր վրայէն։ Սատուռնը կը խժռէ իր այս որդին ևս և մենք անգամ մը ևս կուլ կու տանք մեր վիրաւորանքը և կը վերադառնանք մեր ամէնօրեայ նախաճաշին։ Ճաշակեսցուք խաղաղութեամբ զկերակուրս…Որքա՜ն ողբերգական կը հնչեն այս պահուն հայոց հոգեշունչ աղօթքին այս բառերը։

Այժմ հարց տանք մենք մեզի։ Մենք ընդունա՞ծ ենք այս ճորտային կարգավիճակը։ Հայը կրնա՞յ ընդունիլ ստրկական այս գոյութիւնը որևէ գնով կամ որևէ պատճառաբանութեամբ։ Գին ունի՞ն մեր երկրի անկախութիւնը, մեր ժողովուրդի անվտանգութիւնը, մեր երկրի հողային ամբողջականութիւնը, մեր հայրենական ժառանգութիւնը, մեր խղճի ազատութիւնը, մեր ազգային արժանապատւութիւնը։ Գին ունի՞ մեզմէ ամէն մէկուն մարդկային տարրական արժանավայելչութիւնը։

Թշնամին կը համարձակի բացէ ի բաց յայտարարելու, որ հայը գոյութիւն պիտի չունենայ այլևս և որ իր սկսած ցեղասպանական ծրագիրը քայլ առ քայլ պիտի հասնի ամբողջական աւարտին։ Այսօրուան քայլը Բերձորն է և Աղաւնոն և Ներքին Սուսը։

Հռետորաբանութիւնը՝ մէկդի՛։ ՄԵՆՔ ՊԻՏԻ ՏԱ՞ՆՔ ՇԱՌԱՉՈՒՆ ԱՊՏԱԿԸ ԹՇՆԱՄԻԻ ԵՐԵՍԻՆ։ ՄԵՆՔ ՈՉ ՊԻՏԻ ԸՍԵ՞ՆՔ ԹՇՆԱՄԻԻՆ ԵՒ ՔԱՇԵՆՔ ԿԱՐՄԻՐ ԳԻԾԸ ՄԵՐԿԱՊԱՐԱՆՈՑ, ՈՒՂԻՂ ԵՒ ՎԵՐՋՆԱԿԱՆ։

Կարօ Արմենեան
Օգոստոս 17, 2022

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company