ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ուաշինկթընի Ուղղակի Դերակատարութեան Աշխուժացումը

24 Սեպտեմբեր 2022

Ռուսիոյ բանակին` Ուքրանիոյ մէջ վերջերս արձանագրած նահանջը` Ազրպէյճանին շնորհեց ՀԱՊԿ-ի անդամ եւ Ռուսիոյ ռազմավարական դաշնակից Հայաստանի Հանրապետութեան գերիշխան տարածքին վրայ յարձակում գործելու յանդգնութիւն:

ՀԱՊԿ-ն որոշեց յանձնախումբ մը ձեւաւորել, զայն Հայաստան-Ազրպէյճան սահման գործուղել եւ կազմակերպութեան անդամ Հայաստանի տարածքներուն վրայ յարձակումի հարցը քննարկել այդ յանձնախումբին կողմէ զեկուցումի պատրաստութենէն եւ այդ զեկուցումին անդամ երկիրներու ղեկավարներուն ուղարկումէն ետք…

ՀԱՊԿ-ի իր անդամ եւ ներկայ շրջանին կազմակերպութեան նախագահութիւնը վարող Հայաստանի հողային ամբողջականութեան դէմ կատարուած յարձակումին նկատմամբ ոչ համահունչ, յանձնառութեան ստանձնումէն խուսափումի մասին վկայող թոյլ հակազդեցութիւնը միայն կրնայ թուրք-ազրպէյճանական կողմի ախորժակը յաւելեալ խթանել:

Ահա այս ընդհանուր մթնոլորտին մէջ է, որ Միացեալ Նահանգներու Ներկայացուցիչներու տան նախագահ Նենսի Փելոսին 17 սեպտեմբերին այցելեց Երեւան, ուր խստօրէն դատապարտեց Ազրպէյճանի յարձակումը եւ նշեց. «Միացեալ Նահանգները յանձնառու են աջակցելու Հայաստանի ժողովրդավարութեան, եւ մենք դժուար պահերուն հայ ժողովուրդի կողքին ենք, երբ պայքար կ՛ընթանայ ժողովրդավարութեան եւ բռնատիրութեան միջեւ: Հայաստանը այն վայրն է, ուր մենք կրնանք այս հակասութիւնները ակնառու կերպով տեսնել»:

Նախքան Հայաստան այցելելը` Թայուան այցելած ու Չինաստանի հետ մեծ լարուածութիւն ստեղծած Փելոսին կը թուի վերջերս իր երկիրի արտաքին քաղաքականութեան մէջ դերակատարութիւն ստանձնած ըլլալ եւ կ՛արտայայտէ այն մտքերը, որոնք Միացեալ Նահանգներու գործադիր իշխանութիւնը կը մտածէ, սակայն չ՛ուզեր ուղղակի կերպով արտայայտել:

Թերեւս Ուաշինկթընի կարծիքով, այսպէս աւելի ձեռնտու է. բողոք ստանալու պարագային, կարելի է նշել, որ Միացեալ Նահանգներու մէջ իշխանութեան թեւերու անկախութիւն գոյութիւն ունի, եւ գործադիրը չի կրնար իր կարծիքը օրէնսդիր իշխանութեան պարտադրել կամ անոր ազատութիւնը սահմանափակել: Այս բոլորին վրայ, անշուշտ, պէտք է աւելցնել նաեւ քոնկրեսականներուն զուտ ընտրական հաշիւները…

Միացեալ Նահանգներու արտաքին գործոց նախարար Էնթընի Պլինքըն, իր կարգին, «պիտի շարունակեմ անձամբ զբաղիլ հայ-ազրպէյճանական խնդիրով» յայտարարելէ ետք, հասցէական յայտարարութիւններ կատարեց եւ միջնորդական աշխուժ դիւանագիտական աշխատանքի ձեռնարկեց: 20 սեպտեմբերին անոր միջնորդութեամբ տեղի ունեցաւ երկու երկիրներու արտաքին գործոց նախարարներուն` Արարատ Միրզոյեանի եւ Ճէյհուն Պայրամովի հանդիպումը, որուն աւարտին Պլինքըն անոնց կոչ ուղղեց մինչեւ ամսուան վերջը անգամ մը եւս հանդիպելու:

Ամերիկեան դիւանագիտութեան պետը կ՛աճապարէ` նկատի ունենալով, որ նոյեմբերին Պրիւքսելի մէջ տեղի պիտի ունենայ Փաշինեան-Ալիեւ յաջորդ հանդիպումը, որուն ընթացքին կրնայ ստորագրուիլ երկու երկիրներուն միջեւ խաղաղութեան համաձայնութիւն մը, որուն բնագիրի պատրաստութեան վրայ կ՛աշխատին հակամարտող երկիրներու արտաքին գործոց նախարարութիւնները` մեկնելով պրիւքսելեան վերջին հանդիպումի ընթացքին երկու երկիրներու ղեկավարներուն կողմէ գոյացած համաձայնութենէն, ուստի եւ` անոնց տրուած ցուցմունքէն:

Եթէ Ուաշինկթըն մինչեւ օրս տարածաշրջանին մէջ Ռուսիոյ ազդեցութիւնը տկարացնելու «առաքելութիւնը» վստահած էր Պրիւքսելին, ազրպէյճանական վերջին յարձակումներէն ու ՀԱՊԿ-ի թոյլ հակազդեցութեան լոյսին տակ ու ստեղծած մթնոլորտին մէջ կը թուի, թէ պահը յարմար ու «պտուղը բաւարար հասունցած» կը նկատէ քուլիսներէն դուրս գալով` զայն «իր ձեռքով քաղելու» համար: Պրիւքսելէն ետք այժմ Ուաշինկթըն կը փորձէ խաղաղութեան համաձայնութեան միջնորդի դափնին խլել Մոսկուայէն:

Միւս կողմէ` ամերիկեան կողմի քայլերն ու ՀԱՊԿ-ի «կիսաքայլ»-ը Հայաստանի Հանրապետութեան իշխանութիւնները մղած են` վերադառնալու իրենց արեւմտամէտ արմատներուն: Հայաստանի Հանրապետութեան արտաքին գործոց նախարար Արարատ Միրզոյեան 20 սեպտեմբերին Նիւ Եորքի մէջ ՄԱԿ-ի Ընդհանուր ժողովի 77-րդ նստաշրջանի աշխատանքներու ծիրին մէջ Միացեալ Նահանգներու Միջազգային զարգացման գործակալութեան կազմակերպած «Ժողովրդավարութեան արդիւնքները» ձեռնարկին ընթացքին միջազգային ընտանիքին կոչ ուղղեց աջակցելու հայկական ժողովրդավարութեան, ինչպէս նաեւ` դատապարտելու եւ կանխարգիլելու Հայաստանի դէմ յարձակումը: Այդ կոչը կրկնութիւնն էր Փելոսիի վերոնշեալ «ժողովրդավարութեան եւ բռնատիրութեան միջեւ պայքար»-ի վերաբերեալ յայտարարութեան:

Միամիտ պէտք է ըլլալ կարծելու, որ «բռնատիրութեան» վերաբերեալ ակնարկը Ազրպէյճանի մասին է: Անիկա Ռուսիոյ մասին է, եւ, ըստ երեւոյթի, Հայաստանը վերածուած է, Փելոսիի նշածին նման, «այն վայրը», ուր իր ներքին ու արտաքին քաղաքականութեան մէջ, ըստ Փելոսիի, «ակնառու կերպով» կ՛երեւի «չարիքի ու բարիքի», «ժողովրդավարութեան ու բռնատիրութեան», «սեւերու եւ սպիտակներու» միջեւ այդ պայքարը:

Մինչ Հայաստանի Ազգային ժողովի նախագահ Ալեն Սիմոնեան Ազրպէյճանի շղթայազերծած վերջին յարձակումէն ետք հաստատուած զինադադարը վերագրեց Միացեալ Նահանգներուն, հայկական դիւանագիտութեան պետը 20 սեպտեմբերին Նիւ Եորքի մէջ հանդիպում ունեցաւ Քոսովոյի արտաքին գործոց նախարարին հետ` քննարկելով միջազգային հարթակներու վրայ համագործակցութեան հեռանկարները` այդպիսով անուղղակի կերպով ճանչնալով Քոսովոյի անկախութիւնը: Քայլ մը, որ Երեւանի մէջ վերջերս տեղի ունեցած ցոյցերէ եւ հնչած տեսակէտներէն ետք, վստահաբար Քրեմլինը պիտի նկատէ, իբրեւ յաւելեալ, այս անգամ պաշտօնական, եւ այդ ցոյցերուն ու քարոզչութեան իսկական հեղինակներուն ինքնութեան շուրջ կասկածները փարատող հակառուս քայլ մը:

Անշուշտ ասիկա մետասաներորդ պահու քայլ մը չէ. Հայաստանը ռուսական ազդեցութեան ոլորտէն «անջատելու» ամերիկեան ծրագիրի գործադրութիւնը սկսաւ այն օրէն, երբ Միացեալ Նահանգներու նախագահ Ճօ Պայտըն Հայաստանի վարչապետը հրաւիրեց 10 դեկտեմբեր 2021-ին Ուաշինկթընի մէջ գումարուած Ժողովրդավարութեան վեհաժողովին:

Յստակ է, որ տարածաշրջանին մէջ թէ այլուր Ռուսիոյ ազդեցութիւնը մեծ յարձակումի ենթակայ է: Կը մնայ տեսնել, թէ Մոսկուան ինչպէ՛ս պիտի հակազդէ Հայաստանի իշխանութիւններու այս «անջատողական» ընթացքին ու Հայաստանը իր ազդեցութեան ոլորտէն խլելու Ուաշինկթընի փորձին:

ՎԱՀՐԱՄ ԷՄՄԻԵԱՆ

aztagdaily.com

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company