ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Դրօշակ

2022 թ. սեպտեմբերի 13-ին Հայաստանի դեմ ադրբեջանական հերթական ագրեսիան և միջազգային հանրության արձագանքը

24 Հոկտեմբեր 2022

2022 թ. սեպտեմբերի 13-ին ադրբեջանական զինված ուժերը հերթական անգամ, առանց պատերազմ հայտարարելու, ռազմական գործողություններ սկսեցին ՀՀ սուվերեն տարածքի նկատմամբ՝ հարվածելով Սյունիքի, Գեղարքունիքի և Վայոց ձորի մարզերի՝ ռազմավարական նշանակության օբյեկտներին և նախկինում անվտանգ համարվող քաղաքների ու գյուղերի ուղղությամբ (Գորիս, Վարդենիս, Ջերմուկ և այլն):

Ռազմական գործողությունների մեկնարկից կարճ ժամանակ անց ՀՀ վարչապետը հեռախոսազրույցներ ունեցավ Ռուսաստանի, Իրանի և Ֆրանսիայի նախագահների հետ, սակայն հարձակումը որակեց որպես սահմանային բախում և խուսափեց «պատերազմ» բառն օգտագործելուց: Ավելի ուշ արդեն հայկական կողմը դիմեց ՀԱՊԿ-ին և ՄԱԿ-ին, սակայն այդպես էլ չհստակեցվեց, թե ինչ հոդվածներով կամ ինչպիսի օգնություն է ակնկալում այդ կառույցներից:

Ասվածի համատեքստում ուշադրության էր արժանի նաև այն հանգամանքը, որ հայկական կողմից գրեթե չկար պաշտոնական տեղեկատվություն թե՛ ռազմական գործողությունների, թե՛ զոհերի ու անհայտ կորածների և թե՛ տարածքային կորուստների վերաբերյալ, մինչդեռ ադրբեջանական իշխանությունները պարբերաբար հասարակությանն իրազեկում էին իրենց «ռազմական հաջողությունների մասին»:
Սեպտեմբերի 13-ին ադրբեջանական հարձակումից հետո՝ ՀՀ վարչապետի հետ հեռախոսազրույցի ընթացքում, Ֆրանսիայի նախագահ Է. Մակրոնը նշել է, որ անընդունելի է լարվածության հետագա սրումը, և ընդգծել իրավիճակի կարգավորման անհրաժեշտությունը ։ Իսկ Ադրբեջանի նախագահի հետ զրույցի ընթացքում Ֆրանսիայի ղեկավարը վերջինիս կոչ է արել վերադառնալու Բաքվի և Երևանի միջև հրադադարի պահպանմանը ։

ԱՄՆ պետքարտուղար Էնթոնի Բլինքենը «Թվիթեր»-ում հայտարարություն է տարածել, որով Հայաստանին և Ադրբեջանին կոչ է արել դադարեցնելու ռազմական գործողությունները։ Նրա խոսքով՝ հակամարտությունը ռազմական լուծում չունի ։

Հայաստանի և Ռուսաստանի պաշտպանության նախարարներ Սուրեն Պապիկյանը և Սերգեյ Շոյգուն հեռախոսազրույց են ունեցել, որի ընթացքում քննարկել են հայ-ադրբեջանական սահմանին տիրող իրավիճակը։ Կողմերը պայմանավորվածություն են ձեռք բերել անհրաժեշտ քայլեր ձեռնարկելու իրադրության կայունացման ուղղությամբ :

Ադրբեջանի արտգործնախարար Ջեյհուն Բայրամովը և ԱՄՆ պետքարտուղարի՝ Եվրոպայի և Եվրասիայի հարցերով օգնական Կարեն Դոնֆրիդը հեռախոսով քննարկել են հայ-ադրբեջանական սահմանին շարունակվող բախումների և լարվածության խնդիրը: Կ. Դոնֆրիդը մտահոգություն է հայտնել տարածաշրջանում աճող լարվածության ու բախումների կապակցությամբ և կոչ արել անհապաղ դադարեցնելու ռազմական գործողությունները ։

Հայաստանի և Ադրբեջանի սահմանին նոր սրացումների շուրջ քննարկումների ընթացքում Թուրքիայի արտգործնախարար Մևլութ Չավուշօղլուն իր ադրբեջանցի գործընկեր Ջեյհուն Բայրամովին հորդորել է կենտրոնանալ խաղաղ բանակցությունների և համագործակցության վրա։ Այդ խոսակցությունից հետո Մ. Չավուշօղլուն հայտարարել է, որ Հայաստանը պետք է հրաժարվի սադրանքներից և կենտրոնանա խաղաղ բանակցությունների ու համագործակցության վրա՝ հարցը լուծելով Ադրբեջանի հետ պայմանավորվածությունների շրջանակում :

Իրանի արտգործնախարարության խոսնակ Նասեր Քանանին Հայաստանին և Ադրբեջանին զսպվածության կոչ է արել։ Նա հայտարարել է, որ պատրաստ է ցանկացած օգնություն ցուցաբերելու երկու հարևան երկրների միջև վեճերի լուծման գործում։ Նախարարությունը նաև անընդունելի է համարել Հայաստանի և Ադրբեջանի միջև սահմանների ցանկացած փոփոխություն ։

Հավաքական անվտանգության պայմանագրի կազմակերպության շրջանակներում Հայաստանի և Ադրբեջանի սահմանին տիրող իրավիճակի կարգավորմանն աջակցելու Հայաստանի խնդրանքից հետո Մոսկվան կոչ է արել Բաքվին և Երևանին զերծ մնալու սահմանին հետագա էսկալացիայից։ ՌԴ արտաքին գործերի նախարարությունը մատնանշել է, որ անդրկովկասյան երկու հանրապետությունների միջև բոլոր վիճելի խնդիրները պետք է լուծվեն միայն բանակցությունների և քաղաքական պայմանավորվածությունների միջոցով ։

Լեհաստանը՝ որպես ԵԱՀԿ նախագահող երկիր, կոչ է արել անհապաղ թուլացնելու լարվածությունը Ադրբեջանի և Հայաստանի սահմանին: Վարշավան ընդգծել է, որ չի կարելի ձեռքից բաց թողնել դիվանագիտական ճանապարհով ձեռք բերված հաջողությունները։ Նախագահության հայտարարության մեջ նշված է, որ ԵԱՀԿ Լեհաստանի նախագահությունը պատրաստ է աջակցելու Անդրկովկասում հակամարտության կայուն լուծմանը ։

Ընդհանուր առմամբ ՀԱՊԿ-ը սկսել է աշխատել Բաքվի և Երևանի միջև ստեղծված իրավիճակի կարգավորման մեխանիզմների վրա։ ՀԱՊԿ երկրները պայմանավորվել էին Հայաստան ուղարկել առաքելություն՝ գլխավոր քարտուղարի գլխավորությամբ ։ Դրա արդյունքը սեպտեմբերի 20-ին ՀԱՊԿ գլխավոր քարտուղար Ս. Զասի այցն էր Հայաստան: Այցի շրջանակներում կողմերը քննարկել են ստեղծված իրավիճակը և քաղաքական ու դիվանագիտական անհրաժեշտ համատեղ միջոցառումները՝ ուղղված տարածաշրջանում լարվածության թուլացմանը ։

Թուրքիայի նախագահի պաշտոնական ներկայացուցիչ Էբրահիմ Կալինը կարծիք է հայտնել, որ Բաքվի և Երևանի միջև խաղաղություն կարող է հաստատվել «միայն Ադրբեջանի օրինական իրավունքների հիման վրա»։ Նրա խոսքով՝ քանի դեռ բանակցությունները շարունակվում են, Հայաստանը պետք է «զերծ մնա սադրիչ պահվածքից» :

ԵՄ-ն ևս մտահոգություն է հայտնել հակամարտության սրման կապակցությամբ և կոչ արել դադարեցնելու կրակը։ ԵՄ հատուկ ներկայացուցիչը անգամ մեկնել է Հայաստան և Ադրբեջան՝ դեէսկալացիայի շուրջ բանակցությունների համար: ԵՄ արտաքին հարաբերությունների և անվտանգության քաղաքականության գերագույն ներկայացուցիչ Ժ. Բորելը բանակցություններ է վարել իր ադրբեջանցի գործընկեր Ջ. Բայրամովի հետ, որոնց ընթացքում կոչ է արել թուլացնելու լարվածությունը ։

Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան մտահոգություն է հայտնել Հայաստանի վրա Ադրբեջանի իրականացրած հարձակումների առնչությամբ։ Նա նշել է. «ՆԱՏՕ-ն կոչ է անում անհապաղ դադարեցնել ռազմական գործողություններն ու ապաէսկալացիայի ենթարկել իրադրությունը» :

ՄԱԿ-ի գլխավոր քարտուղար Անտոնիո Գուտերեշը Ադրբեջանին և Հայաստանին կոչ է արել անհապաղ քայլեր ձեռնարկելու սահմանին լարվածությունը թուլացնելու համար։ Նա նաև կոչ է արել հավատարիմ մնալու նախկինում ձեռք բերված պայմանավորվածություններին ։ Իսկ արդեն սեպտեմբերի 14-ին կայացած ՄԱԿ-ի Անվտանգության խորհրդում Նորվեգիայի մշտական ներկայացուցիչ Մ. Ժուլը հայտարարել է, որ Հայաստանի և Ադրբեջանի միջև լարվածության սրման վերաբերյալ ՄԱԿ-ի Անվտանգության խորհրդի հայտարարության ընդունման մասին խոսք չկա ։

Գրեթե երեք օր տևած ակտիվ ռազմական գործողություններից հետո միջազգային ճնշման պայմաններում կողմերի միջև հումանիտար հրադադար հաստատվեց: Թեպետ միջազգային արձագանքը չուշացավ, սակայն գործնականում ագրեսորի զսպման մեխանիզմների բացակայության պայմաններում լարվածությունն ու սահմանային միջադեպերը մեծացնում են նոր ռազմական գործողությունների վտանգը:

Լիանա Պետրոսյան

«Դրօշակ» թիվ 10, 2022թ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company