ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

ՀԱԿ-ում հոգևոր կապերի խառնաշփոթ է

01 Նոյեմբեր 2022

ՀՀ առաջին նախագահ Լևոն Տեր-Պետրոսյանի մամուլի խոսնակ Արման Մուսինյանը շատ ուշադիր է լսել ՀՅԴ ԳՄ ներկայացուցիչ Իշխան Սաղաթելյանի մամուլի ասուլիսը, որի ժամանակ Իշխան Սաղաթելյանը հայտարարել էր. «Պետք է արձանագրել, որ Լևոն Տեր-Պետրոսյանը հայ ժողովրդի համար այս ճակատագրական փուլում մեկ անգամ ևս վերահաստատեց երկիրը կապիտուլյացիայի տանելու իր նախկին մոտեցումները: Իհարկե, իրենք անընդհատ փորձում են տարանջատվել Նիկոլից, բայց այն գաղափարախոսությունն ու գործողությունները, որ անում են, մեկ անգամ ևս փաստեցին»: Պարոն Մուսինյան, էդ լավ է, որ ականջալուր եք ՀՅԴ-ի հայտարարություններին, բայց շատ վատ է, որ չեք կարողանում կամ չեք ուզում ճիշտ հետևություններ անել դրանցից: Զորօրինակ՝ ինչո՞ւ եք ընկնում մանիպուլյացիաների գիրկը, երբ ձեզ հիշեցնում են Լևոն Տեր-Պետրոսյանի «ազգակործան» պարտվողական քաղաքականությունը: Իշխան Սաղաթելյանն ընդամենը արձանագրել է փաստը, որ դուք, ձեր այդ քաղաքականության կրախն իրականացված տեսնելով, ամեն գնով փորձում եք տարանջատվել Նիկոլից: Ու նաև՝ ամեն անգամ, երբ գալիս է Նիկոլից տարանջատվելու պահը, երբ նախագահներն ու կաթողիկոսը հավաքվում են հարցին լուծում տալու, Լևոն Տեր-Պետրոսյանը սկսում է «մունդռել», որ նման բան տեղի չունենա:

Եվ ահա, չիմանալով ինչ անել «ազգակործան պատուհաս» Նիկոլի հետ, Արման Մուսինյանը, բնականաբար խորհրդակցելով Լևոն Տեր-Պետրոսյանի հետ, որոշում է Նիկոլին գցել ՀՅԴ-ի և մասնավորապես Իշխան Սաղաթելյանի գրպանը: Հաջողվե՞լ է դա նրան, թե՞ ոչ, ինքներդ դատեք: «Այդ դուք եք ողջ խմբակցությամբ (բացառությամբ Աղվան Վարդանյանը) քվեարկել Նիկոլ Փաշինյանին վարչապետ դարձնելու որոշման օգտին, պարզ ասած՝ նրան բերել իշխանության: Իսկ ահա, Լևոն Տեր-Պետրոսյանը նույնիսկ հրապարակայնորեն քննադատվել է «հեղափոխությունը» չողջունելու համար»,- աղաղակել է Մուսինյանը և հավելել. «Հայ Հեղափոխական Դաշնակցությունը Նիկոլ Փաշինյանի կոալիցիոն կառավարության մաս է կազմել: Իշխան Սաղաթելյանին այդ գործարքի շնորհիվ բաժին է ընկել հայրենի Գեղարքունիքի մարզպետի պաշտոնը»: ՀԱԿ-ում, ինչպես տեսնում եք, ամեն ինչ դեռ փողոցային մակարդակում է: Բայցևայնպես Մուսինյանին հիշեցնեմ, որ առանց Նիկոլի էլ, այսինքն մինչև Նիկոլի գալը, ՀՅԴ-ն և կոալիցիայի անդամ էր, և պաշտոններ ուներ կառավարությունում: Հետևաբար ոչ Նիկոլ խաղացնելու ոչ էլ մանավանդ նրան իշխանության բերելու առանձնահատուկ պատճառներ ՀՅԴ-ն չուներ: Իսկ այն, որ նման հարց էր մտել խորհրդարան, միանգամայն այլ թեմա է, որի մասին շատ է խոսվել և դեռ կխոսվի: Պատմությունից, սակայն, հայտնի է, որ 2018թ. մայիսյան այդ օրերին ՀԱԿ-ը խորհրդարանում չէր և, բնականաբար, չէր կարող ոչ քվեարկել Նիկոլի օգտին, ոչ էլ նրան բերել իշխանության: Եվ ուրեմն հարց Մուսինյանին՝ ինչպե՞ս կվարվեր ՀԱԿ-ը, դե՞մ կքվեարկեր իր Նիկոլին: Չեմ կարծում: Ոչ միայն դեմ չէր քվեարկի, այլև կաշխատեր ավելի շատ պաշտոններ կորզել «ազգակործան պատուհասից: Նույնիսկ այս իրավիճակում Փաշինյանի կառավարության մեջ, ԱԺ ՔՊ խմբակցությունում և դիվանագիտական կորպուսում ավելի շատ ՀԱԿ-ՀՀՇ-ական կա քան բուն ՔՊ-ական: Ինչի՞ մասին է խոսքը: Անունները շարե՞նք…

Ես չգիտեմ, թե ինչ կամ ինչի մասնագետ է Մուսինյանը, բայց կարող եմ ասել, որ նա նորանկախ Հայաստանի պատմությունը շատ վատ գիտի: Այդ կապակցությամբ կուզենայի մի քանի փաստ բերել Մուսինյանի համար, որպեսզի նա վերջնականապես հասկանա, որ Նիկոլն իրենցն է և բարոյական չէ՝ իրենց իսկ կողմից խոտանված քաղաքական ապրանքը սրա-նրա գրպանը գցել: Բոլորը գիտեն, թե Իջևանից Երևան հասնելուց հետո որտեղ է հայտնվել Նիկոլ Փաշինյանը և ումով մարդ դարձել: Դա, ուրեմն, Լևոն Տեր-Պետրոսյանի քաղաքական «ձիանոցն» էր, ՀՀՇ-ն, որն ի վերջո Լևոն Տեր-Պետրոսյանի կողմից խոտանվեց և 2007 թվականին վերանվանվեց «գեղի կլուբ»: Հետո եկավ 2008 թվականի մարտի 1-ը: «Կլուբն» այդ ժամանակ կոչվում էր ՀԱԿ, իսկ Նիկոլն էլ այնքան էր աճել, որ դարձել էր Լևոն Տեր-Պետրոսյանի՝ ոչ այն է աջ, ոչ այն է ձախ ձեռքը: 2012-ին ՀԱԿ-ը հայտնվեց խորհրդարանում: Գուշակեք՝ ո՞վ էր ՀԱԿ խմբակցության «սոխակն» այդ ժամանակ: Այո, Նիկոլն էր՝ ՀԱԿ-ի և Լևոն Տեր-Պետրոսյանի Նիկոլը: Այսքան բանից հետո այսպես դաժանաբար հրաժարվել Նիկոլի «հոգեհոր» պատվից, կարծում եմ, ճիշտ որոշում չէ ոչ Լևոն Տեր-Պետրոսյանի, ոչ էլ Արման Մուսինյանի կողմից:

Իսկ հիմա գանք, ինչպես ասում են, մեր հավերժական խնդրին՝ Արցախին: Մուսինյանը նշում է, որ կոալիցիոն կառավարության մաս կազմելով՝ Դաշնակցությունը պատասխանատվություն է ստանձնել Նիկոլ Փաշինյանի արցախյան քաղաքականության համար: Այո, ստանձնել է, որովհետև Նիկոլ Փաշինյանը, մինչև վարչապետի պաշտոնում ընտրվելը, խոստանում էր չշեղվել բանակցային գործընթացից և երբեք չգնալ չհիմնավորված զիջումների: Իսկ թե ինչո՞ւ Նիկոլ Փաշինյանը 180 աստիճանով շեղվեց իր ճանապարհից, ինչո՞ւ որոշեց որդեգրել «ամենալավ պաշտպանությունը անպաշտպան լինելն է» կեղծ թեզը, պետք է հարցնել Լևոն Տեր-Պետրոսյանին: Ո՞վ Նիկոլի ընտրությունից շատ չանցած՝ նրան կանչեց իր մոտ ու ասաց՝ դե, Նիկոլ ջան, հողերը պիտի տաս… Իսկ ի՞նչ եք կարծում, Նիկոլը կարո՞ղ էր ընդդիմանալ իր «հոգեհոր» այդ պատվիրանին:

Այն էլ ասեմ, որ հետպատերազմյան շրջանում Փաշինյան Նիկոլից տարանջատվելու փորձեր ՀԱԿ-ը մեկ անգամ չէ, որ արել է: Լևոն Տեր-Պետրոսյանը նրան անվանեց ազգակործան պատուհաս, Լևոն Տեր Պետրոսյանը նոյեմբերի 9-ից հետո բացականչեց՝ սրանք չեն հասկացել, թե ինչ աղետ են բերել հայ ազգի գլխին և այլն: Մուսինյանն այս ամենն ինձնից լավ գիտի, որովհետև շատ ակտիվ մասնակցություն է ունեցել Նիկոլին ՀԱԿ-ի փեշերից հեռու պահելու սուրբ գործին: 2021թ. մայիսի 28-ին Նիկոլ Փաշինյանը մի այսպիսի գրառում էր արել. «Լևոն Տեր-Պետրոսյանը ձևակերպում է, որ Ղարաբաղի հարցով այս էր վիճակը, այն էր վիճակը, բայց ի վերջո չի ձևակերպում՝ Ղարաբաղի հարցի կարգավորման իր պատկերացումը ո՞րն էր, այսօր ո՞րն էր։ Իսկ պետք է հստակ ասել՝ Ղարաբաղի հարցի լուծման վերաբերյալ իր պատկերացումը հետևյալն էր, որ մենք պետք է Ղարաբաղը տանք ամբողջությամբ Ադրբեջանին և դրանով թեման համարենք փակված»: Դե պատկերացրեք, թե սրանից հետո ինչ պետք է կատարվեր ՀԱԿ-ում: Եվ Մուսինյանը շատ արագ արձագանքեց. «Ի պատասխան այս առիթով լրագրողների հարցումներին, Առաջին նախագահի անունից հայտնում եմ.

Այս գրառմամբ Փաշինյանն ապացուցեց, որ իսկապես քաղաքականությունից ոչինչ չի հասկանում: Չի հասկանում ո՛չ իր ընդդիմախոսների և ո՛չ նույնիսկ դաշնակիցների, ինչպիսին է Ռուսաստանը, ուղիղ, շիտակ ասված խոսքերը: Ավելին, նա չի հասկանում անգամ, թե ինչում է մեղադրում Առաջին նախագահին, ասելով, թե վերջինս ուզում է Ղարաբաղը հանձնել Ադրբեջանին: Մի բան, որ ինքն արդեն «փառավորապես» իրականացրել է՝ Ղարաբաղը ոտքով-գլխով հանձնել է Ադրբեջանին»: Զավեշտ է, չէ՞: Իսկ ամենամեծ զավեշտն էլ այն է, որ այս դարակազմիկ փոխհրետակոծությունից հետո էլ Լևոն Տեր-Պետրոսյանը բոլորին կոչ է անում համախմբվել Ղարաբաղը «փառավորապես», ոտքով-գլխով Ադրբեջանին հանձնողի՝ Նիկոլի շուրջ:

Էդիկ Անդրեասյան

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company