ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Խաղաղութեան Ժամանակաշրջանը Աւարտած Է

05 Դեկտեմբեր 2022

2 դեկտեմբեր 2022-ին Հայաստանի Ազգային ժողովը գումարեց արտահերթ նիստ մը: Արտահերթ նիստը հրաւիրուած էր Ազգային ժողովի ընդդիմադիր «Հայաստան» խմբակցութեան կողմէ, քննելու ու հաստատելու համար խմբակցութեան կողմէ առաջարկուող յայտարարութիւն մը, որ կը պատասխանէր Ազրպէյճանի խորհրդարանի վերջերս տարածած յայտարարութեան, որ արցախեան տագնապին ու Հայաստանի հետ դիմառնութեան վերաբերեալ կը պարունակէր խեղաթիւրումներ եւ սխալ վերագրումներ:

«Հայաստան» խմբակցութիւնը տրամադիր էր յայտարարութիւնը ի հարկին փոփոխութեան ենթարկելու, եթէ ըլլային առաջարկներ իշխող «Քաղաքացիական պայմանագիր» խմբակցութեան կողմէ, որպէսզի յայտարարութիւնը միաձայնութեամբ որդեգրուի Ազգային ժողովին կողմէ:

Յայտարարութեան նախագիծը յանձնուեցաւ «Քաղաքացիական պայմանագիր» խմբակցութեան, որ քննելէ ետք զայն, վերադարձուց սրբագրութիւններով: Որո՞նք էին կատարուած սրբագրութիւնները: Արցախի Հանրապետութիւն եզրը փոխարինուած էր Ղարաբաղի հայութեամբ, Արցախի ինքնորոշման իրաւունքը` Ղարաբաղի ժողովուրդի իրաւունքներով, իսկ Արցախի անվտանգութեան Հայաստանի Հանրապետութեան յանձնառութիւնը` ջնջուած: «Քաղաքացիական պայմանագիր» խմբակցութիւնը կը գտնէր, որ, թէեւ յայտարարութեան բազմաթիւ կէտեր ընդունելի էին, սակայն իրենց կողմէ սրբագրուած կէտերը կը պարունակէին «ռիսկեր», որոնք կրնային խանգարել բանակցութիւններու ընթացքը: Կը հետեւի, որ Հայաստան կը մասնակցի բանակցութիւններուն առանց իր կողմէ յստակ պահանջի: Յայտարարութիւնը ի վերջոյ չընդունուեցաւ:

Նախորդ նման յայտարարութեան մը առիթով, «Քաղաքացիական պայմանագիր»-ը չէր մասնակցած ընդդիմութեան հրաւիրած արտակարգ նիստին, խափանելով նիստին կայացումը` մեծամասնութեան չգոյութեան պատճառով: Այս անգամ իշխող ուժի պատգամաւորները մասնակցեցան նիստին, քննարկեցին յայտարարութիւնը, վիճեցան, այսինքն` երկխօսութիւնը թէեւ ձախողած, կայացաւ: Անոնք չյանդգնեցան դէմ քուէարկել յայտարարութեան, այլ խափանեցին անոր ընդունումը` չմասնակցելով քուէարկութեան: Սա թերեւս յառաջդիմութիւն կարելի է համարել, համեստ ու մասնակի յաղթանակ մը ընդդիմութեան համար:

Ազրպէյճանի հետ բանակցութիւնները, որոնք մինչեւ տարեվերջ պիտի յանգէին համաձայնագիրի ստորագրութեան, արգելակներ կը դիմագրաւեն: Ազրպէյճան կը բազմացնէ ռազմաշունչ ու առաւելապաշտական յայտարարութիւնները, կը սպառնայ ու ընդհատ կրակելով, սպառնալիքին իրական ըլլալը կը հաստատէ: Ալիեւ քաղաքական պատշաճութեան սահմաններն իսկ չի յարգեր` Հայաստանի մասին արտայայտուելով արհամարհական եզրերով: Ծայրայեղական նման կեցուածքի մը յանդիման, Հայաստան տակաւին կը շարունակէ իր խաղաղասիրական ընթացքը, կուլ տալով յաջորդական վիրաւորանքները:

Տարօրինակ է, որ Հայաստանի ու հայութեան իրաւունքներուն մասին կը յիշեցնեն օտարները: Ֆրանսայէն, Միացեալ Նահանգներէն, Ռուսիայէն կը հնչեն ձայներ, որոնք Հայաստանի ու Արցախի իրաւունքներուն մասին արդարութիւն կը յանձնարարեն: Երբ Ֆրանսայի Ազգային ժողովը արդարացի լուծման համար հայանպաստ բանաձեւ կը քուէարկէ, հակասական, չըսելու համար անհասկնալի չէ՞ Հայաստանի Ազգային ժողովի վախը` գէթ իրերը իրենց անունով կոչելու:

Հայաստանի իշխանութիւնները մինչեւ ե՞րբ պիտի շարունակեն չընդունիլ, որ «խաղաղութեան ժամանակաշրջանի» քաղաքականութիւնը ձախողած է: Կառավարութիւնը հակասելով թէ՛ նախընտրական յայտարարութիւններուն եւ թէ՛ կառավարական ծրագիրին, յառաջ տարաւ Հայաստանի ու Արցախի կենսական շահերուն հակասող քաղաքականութիւն մը, միամտաբար կարծելով, թէ իր յանձն առած ցաւագին զիջումները պիտի մղեն թշնամին չափաւորելու իր պահանջները: Ընդդիմութիւնը զգուշացուցած էր, որ նման կամաւոր զիջումները պիտի թարգմանուին իբրեւ տկարութեան եւ անզօրութեան նշան, պիտի շահագործուին թէ՛ Ազրպէյճանի, թէ՛ Ռուսիոյ եւ թէ՛ վերջինը բանակցային գործընթացէն դուրս մղելու նպատակով բանակցութիւններուն նպաստելու յայտ ներկայացուցած արեւմտեան տէրութիւնները:

Հայաստան այժմ կը գտնուի կոտրած տաշտակի առջեւ: Քաղաքական ընթացքի արմատական փոփոխութիւն մը անյետաձգելի անհրաժեշտութիւն է: Ընդդիմութեան պայքարը այդ անհրաժեշտ փոփոխութիւնը իրականացնելու համար է: Համոզուած, որ իշխանութիւնը պիտի չյանդգնի ընդունելու, որ իր վարած քաղաքականութիւնը կ՛առաջնորդէ անելի, ընդդիմութիւնը կը պահանջէր իշխանափոխութիւն իրականացնել: Հայրենասիրական հարազատ զգացումներով տոգորուած իշխանութիւն մը ի՛նք պէտք է նախաձեռնէր այդ փոփոխութեան: Սակայն շատոնց յայտնի դարձած է, որ իշխանութեան պահպանումը փաշինեանական խմբաւորման համար գերիվեր է Հայաստանի ու Արցախի գերիշխանութենէն:

Լաւ ժամանակներու յոյսը պէտք չէ մարի: Ուշ կամ կանուխ, կա՛մ իշխանութիւնները իրենց ընթացքը պիտի փոխեն, կա՛մ հեռանան ասպարէզէն: Փոփոխութեան հասնելու համար պայքարի բոլոր ձեւերն ալ արդարացի են: Եթէ ցոյցերով չյաջողեցաւ, խորհրդարանական պայքարով կրնայ յաջողիլ: Հիմնական նշանակէտը ժողովուրդի իրազեկումն է, անոր արթնացումը, գիտակցումը` հայրենի եզերքի պահպանման համար համախմբման:

ՏԻԳՐԱՆ ՃԻՆՊԱՇԵԱՆ

aztagdaily.com

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company