ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Հասկացողին շատ բարեւ …

20 Դեկտեմբեր 2022

Միացեալ Նահանգներու նախորդ նախագահը` Տանըլտ Թրամփ, Երկուշաբթի, 19 Դեկտեմբերին, պաշտօնապէս եւ անառարկելիօրէն ամբաստանուեցաւ իբրեւ ոճրագործ, իբրեւ Սահմանադրութիւնը ոտնակոխելու, իշխանութիւնը կամայականօրէն բռնագրաւելու փորձ կատարելու, այդ նպատակով խռովութիւն հրահրելու, մեղսակիցներ որսալու եւ նմանօրինակ յանցանքներու, մեղքերու շարքով մը:

Ամբաստանագիրը միաձայնութեամբ որդեգրուեցաւ 6 Յունուար 2021-ի ծանօթ դէպքերուն շուրջ քննութիւն կատարող` ամերիկեան Ազգային ժողովի յանձնախումբին կողմէ, որ բաղկացած է թէ՛ դեմոկրատ եւ թէ հանրապետական անդամներէ, թիւով ինը: Ուղղակի պատկերասփռուած նիստի մը պահուն, որ իր աշխատանքին աւարտը կը նշէր, խորհրդարանական յանձնախումբը հրապարակեց մօտաւորապէս մէկ ու կէս տարի տեւած իր հարցապնդումներուն եւ քննութիւններուն եզրակացութիւնները եւ ՄԻԱՁԱՅՆՈՒԹԵԱՄԲ որդեգրեց ծանրագոյն ամբաստանութիւնները պարունակող բանաձեւը, յայտարարելով, որ հիմա գնդակը կը գտնուի իրաւական համակարգի դաշտին մէջ, այսինքն՝ արդարադատութիւնը պէտք է վճռէ, թէ նման ծանր յանցանքներ կատարող մը ինչպիսի՞ պատիժի (պատիժներու) արժանի է: (Հաւանաբար մեղսակիցներն ալ չեն անտեսուիր):

Աւելի քան մէկ ժամ տեւած նիստին, հերթաբար խօսք առին յանձնախումբի բոլոր անդամները, որոնք թուեցին «նարնջագոյն մարդուն» գլխաւոր յանցանքները, անարդարանալի արարքներն ու ՊԵՏՈՒԹԻՒՆԸ հարուածելու, վարկաբեկելու, մինչեւ իսկ անոր լինելութիւնը վտանգելու խաղքութիւնները: Նախկին նախագահին կուսակցութեան անդամներ եւ ընդդիմադիրներ՝ չքմեղանքի, յանցանքները մեղմացնելու ո՛չ մէկ բառ արտասանեցին: Անոնք նաեւ քաղուածքներ ներկայացուցին իրենց մէկտեղած վկայութիւններէն, որոնց ճամբով, Թրամփի բազմաթիւ սերտ գործակիցներ անգամ զայն անվարան նստեցուցին մեղապարտի աթոռին: Իրողական մեղադրականներ հնչեցին մինչեւ իսկ… Թրամփ ընտանիքի անդամներու բերնէն:

Փաստարկուած է, որ մարդուկը անձամբ ղեկավարած է ՊԵՏՈՒԹԵԱՆ դէմ գործողութիւնները (նախապատրաստելով, հրահրելով, առաջնորդելով եւ ձեռնածալ մնալով), երբ հազարաւոր հրոսակներ յարձակում գործեցին խորհրդարանի շէնքին վրայ, ծանր վնասներ պատճառեցին, սպաննեցին ու վիրաւորեցին ոստիկաններ ու պաշտօնեաներ, սպառնացին խորհրդարանականներու եւ այլոց կեանքին (օրինակ, կը պահանջէին կախաղան հանել Թրամփի շուքը եղող փոխ նախագահ Փենսը կամ մահուան գիրկը ղրկել Նէնսի Փըլոսին): Փաստարկուած է, որ շուրջ 3 ժամ տեւած խռովութիւններու պահուն, Թրամփ մերժած է անսալ ամէնէն սերտ գործակիցներու թախանձանքին, որպէսզի զսպէ վայրագութիւնները, չէ դիմած ապահովութեան որեւէ ուժի միջամտութեան: Աւելին՝ նախագահական ընտրութիւններէն ետք, 6 Յունուարէն շա՜տ առաջ, բազմաճիւղ ճնշումներու ենթարկած է գործակիցներ, նահանգներու կառավարիչներ եւ այլ պաշտօնակատարներ, որպէսզի ապօրինի միջոցներու դիմեն եւ զինք յաղթական հռչակեն, վստահեցնելով, որ ինք պիտի ստանձնէ բոլոր օրինազանցութիւններուն պատասխանատութիւնը: (Յաջողելու պարագային, ան ալ կրնար ըսել՝ պատասխանատուն ես եմ, բայց մեղաւոր չեմ…)

Թրամփի դէմ վկայութիւն տուողներու շարքին եղած են իր նախարարներէն, Սպիտակ Տան բարձրաստիճան պաշտօնակատարներէն եւ արդարադատութեան բաժանմունքէն մարդիկ, որոնք նախընթաց փուլին բացայայտօրէն յանձն առած էին նախագահին ուսապարկի դերը, սակայն տեղ մը կանգ առած են եւ ետդարձ կատարած՝ կործանարար ընթացքէն: Անշուշտ փոքրաթիւ խմբակ մը հաւատարիմ մնացած է (այսօր ալ է) ուսապարկի դերին: Այս տրամաբանութեամբ ալ, յանձնախումբին եզրակացութիւնները կրնան մեկնաբանուիլ իբրեւ նախագահին կարգ մը գործակիցները սպիտակով, ուրիշներ սեւով ներկելու արարողութիւն մը:

Բազում մեղադրանքներուն շարքին, մէկ քանին աղաղակող են: Թրամփ ինքզինք դրած է պետութենէն գերիվեր տեղ մը, յայտարարած՝ որ եթէ իր վերընտրութիւնը չապահովուի, հանրապետութիւնն ու պետութիւնը գոյութիւն պիտի չունենան: «Ես եմ քու տէր-նախագահդ, ինձմէ զատ նախագահ պիտի չունենաս», պատգամած է նոր օրերու Եհովան (ինչպէս որ ուրիշ մարդուկ մը յայտարարած էր. կա՛մ ես վարչապետ կ’ըլլամ, կամ…):

Քննիչ յանձնախումբին խարանող եզրակացութիւնները այս հարցին ճամբուն պայթած նորագոյն ռումբը եղան, իրենց վրայ կեդրոնացուցին ամերիկացիներուն եւ ամբողջ աշխարհի ուշադրութիւնը, լուսարձակները շատ արագ խլելով ճիշդ օր մը առաջ վերջ գտած «Մոնտիալ»էն: Վաղը, պիտի ծագին հազար ու մէկ նոր լուսարձակներ. Թրամփի հակադրեալներ՝ հանրապետական թէ դեմոկրատ, նոր վառելանիւթ պիտի ապահովեն իրենց արշաւանքներուն՝ խորտակելու համար թեկնածու ներկայանալու անոր երազները, իսկ նախկին նախագահին հաւատարիմ կոյրեր եւ խուլեր պիտի շարունակեն պաշտպանել անպաշտպանելին, պիտի հռչակեն, թէ չեն կրնար հրաժարիլ անոր ուսապարկը մնալու «վայելքներէն»:

***
Թրամփի դէմ արձակուած ամբաստանագիրը նորութիւն չէ: Անոր յանցապարտութիւնը ակներեւ էր նոյնինքն 6 Յունուար 2021-ին: Կարելի է մինչեւ իսկ մտածել, որ այս խառն յանձնախումբը պարզապէս ժամանակ վատնեց, փաստեր եւ վկայութիւններ մէկտեղելու համար անծածկելիին մասին, որոնք բացայայտ էին նոյնինքն դէպքին օրը եւ յաջորդող քանի մը օրերուն:

Այսուհանդերձ, կայ կէտ մը, որ կ’արդարացնէ այս գործընթացը: Եղած յանցագործութիւնը անմիջական, երեւութական թուացող դէպքերու հիմամբ չէ, որ կը դատուի ու կը դատապարտուի, այլ՝ կարելի ամէնէն մանրամասն քննութիւններէն ետք, որպէսզի թագաւորին մերկութիւնը ծածկող տերեւ մը իսկ չմնայ: Այս աշխատանքը իրականացած է այլապէս իրարու կոկորդ սեղմող, մինչեւ այսօր ալ սուր մրցակցութիւն վարող կուսակցութեանց ներկայացուցիչներուն կողմէ, որոնք սակայն տեղ մը ահաւասիկ ՄԻԱՁԱՅՆՈՒԹԵԱՆ կը հասնին, երբ կը տեսնեն որ անձերէն անդին՝ երկիրն ու ՊԵՏՈՒԹԻՒՆԸ վտանգի տակ են, անհատի մը կողմէ խաղալիք դառնալու վիճակին կը մատնուին: Թրամփի դէմ վկայութիւն տուողները (մինչեւ իսկ եթէ սա կամ նա քաղաքական հաշիւը կը հետապնդեն) իրենց շարքին կը հաշուեն այնպիսիներ, որոնք նախընթաց փուլերուն պաշտպանած են իրողական խեղկատակ-խամաճիկին աղաղակող այլ սայթաքումները, օրինազանցութիւնները, սակայն տեղ մը տեսած են կարմիր գիծը, չեն անցած անկէ անդին, չեն ըսած, որ իրենց պոսը կը պահանջէ նշաձողը իջեցնել ու անոր վրայ ասֆալթ փռել, պետութեան ու երկրին-ժողովուրդին հաւատարմութեան փոխարէն՝ հաւատարիմ մնալ անոր անձին, աթոռին:

Յստակ է, որ Թրամփի պատմական գայթակղութեանց հետեւանքով, Միացեալ Նահանգներ հողային կորուստներ չունեցավ, հազարաւոր կեանքեր չկորսուեցան, աղէտալի աւեր, բռնագաղթեր տեղի չունեցան, այլ մարդիկ՝ ժողովուրդէն ալ պատկառելի զանգուած մը՝ սորվեցան, թէ նշաձող իջեցնելն ալ ունի ի՛ր սահմանները, տրամաբանութիւնը…

(Այս բոլոր արձանագրելով, նպատակ չունինք իտէալականացնելու նախորդ կամ այժմու նախագահներու, ամերիկեան կամ որեւէ այլ գերուժի այլապէս անընդունելի վարմունքները, արարքները, սակայն այսօր վէճ չկայ, թէ Թրափի ըրածը աննախընթաց յանցանք էր, համազօր՝ պետական մակարդակի ոճիրի, Սահմանադրութեան վրայ իր տուած երդումին դաւաճանութեան):

***
Եթէ երկրի ու պետութեան շահերու պաշտպանութեան դիտանկիւնէն՝ այս բոլորը փոխադրենք «ժողովրդավարութեան պասթիոն» Հայաստան եւ յանձնենք իշխանաւորին ուսապարկերուն ու «մանտաթ տուողներուն» ուշադրութեան (յուսանք ամերիկացի նոր նշանակեալ դեսպանը այս թղթածրարին ամփոփումը տանի Երեւան), առարկայական մօտեցումով զատորոշենք բաղդատելին ու անբաղդատելին, յիշենք, որ 44-օրեայ պատերազմին շուրջ սպասուած քննութիւնը չէ բացուած (այսօր ո՞վ է անկէ ետք եղած կորուստներուն մասին քննութիւն պահանջողը), իսկ Ապրիլեանին շուրջ քննութիւնն ալ տարօրինակ խայտառակութիւններու դուռ բացած է, կրնանք մէկ բան արձանագրել անվարան. ՀԱՍԿՑՈՂԻՆ ՇԱՏ ԲԱՐԵՒ, յուսալով, որ հասկցողները բազմանան թէ՛ Հայաստանի եւ թէ հայաշխարհի տարածքին:

Ս. ՄԱՀՍԷՐԷՃԵԱՆ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company