ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Երբ (ան)մարդկային արդարութիւնը ղեկի վրայ է…

06 Ապրիլ 2023

«Ո՛վ մարդկային արդարութիւն, դու ոչինչ ես… թո՛ղ ես թքնեմ քու ճակատիդ…»

Սիամանթօ («Պարը»)

Այստեղ, Ազգային Ժողովի սրահին մէջ, կամ այնտեղ՝ Քասքատի անցքին, պէտք չէ ըլլար հայորդիին սեւեռման կէտը։

Ո՛չ այդտեղ, ո՛չ ալ այնտեղ, այլ պարզ ու մեկին. ՏԵՂ գիւղն ու Արցախի նորօրինակ շրջափակումը պէտք էր ըլլային անխտիր՝ մեր բոլորի հայեացքներուն կիզակէտը:

Հեռու-հեռաւոր ափերուն ապրող սփիւռքահայը արդեօք շատ աւելի՞ կը տագնապի Սիւնիքի այդ սահմանամերձ գիւղին շուրջ պատահածներով, քան Հիւսիսային Պողոտային վրայ ճեմող եւ պարտադրեալ անտարբերութեան մատնուած երեւանցին, որ մինչեւ իսկ «խապար» չունի, թէ հոն՝ Սիւնիքի մէջ ի՛նչ կը պատահի, թէ՝ թշնամին որքա՜ն յառաջացած է, մուտք գործած է սահմանամերձ գիւղի հողերը։ Պաշտօնական Երեւանը եւ զինք շեփորահարող լրատու աղբիւրները չե՜ն ուզեր մտահոգիչ եւ տագնապալի լուրեր տարածել Հայաստանի մէջ… տօնական օրերու նախօրեակին: «Ի՞նչ պէտք ունիք ասանկ տխուր բաներ իմանալու», կը հանդարտեցնեն անոնք: Չէ՞ որ նոյնինքն վարչապետը աւելի քան երկու տարի առաջ յայտարարած էր, որ Տեղէն անդին Ատրպէյճան է, իսկ հիմա կը հաւաստէ, թէ եղածը համաձայնաբար տրուած որոշումի մը կիրարկումն է: «Ի՜նչ Հայաստան, ի՜նչ Արցախ… Ինչո՞ւ կը կառչիք դժբախտ ու տժգոյն սեփականութիւններու: Ալիեւ «արխատաշ»-ն ալ այդպէս կը մտածէ», կ’ըսեն ՔՊ-ականները…

Վերջին զարգացումները պահ մը անշքացուցին ազերիական այլ յառաջխաղացքներ, որոնք տեղի ունեցան Շուշիի մօտակայ՝ հայկական ուժերու հսկողութեան տակ գտնուող, պաշարուած եւ կղզիացած չորս գիւղերու ուղղութեամբ։

Ազերիական հին ու նոր «նուաճումները» ազերիներուն հետ խաղաղութեան համաձայնագիր հետապնդող «Քաղաքացիական Պայմանագիր» կուսակցութեան ու համակիրներուն համար միշտ ալ կը մնան երկրորդական եւ ո՛չ մտահոգիչ մանաւանդ, որ դիւրութեամբ կարելի է հինցած եւ խարխլած «հիներուն կատարածն էր» հաստատումով ծածկել իրենց տկարութիւնն ու անկարողութիւնը։

ՔՊ-ական իշխանաւորները, ամբոխահաճ արարքներով եւ նախաձեռնութիւններով, շարունակ կը փորձեն հանրութեան ուշադրութիւնը շեղել իսկական տագնապէն եւ ժողովուրդը զբաղեցնել տեղայնական հարցերու շուրջ նոր գրգռութիւններ ստեղծելով։ Օրինակները բազմաթիւ են եւ կը «ծաղկին» իւրաքանչիւր արեւածագի հետ: Արձանագրենք նորագոյններէն մէկ քանին:

Սուրբ Յարութեան տօնը կանխող՝ Ծաղկազարդի նախօրեակին, Ուրբաթ, 31 Մարտին , Հ․Հ․ Ազգային ժողովի յանձնաժողովի մէկ նիստին, նախագահող Վլատիմիր Վարդանեան արհամարհական եւ յոխորտալի վերաբերմունք ունեցած էր ընդդիմադիր պատգամաւորներու հանդէպ, եւ երբ Հ․Յ․Դ․-ի անդամ Մհեր Սահակեան փորձած էր կարգի հրաւիրել զայն, Վարդանեան աւելի խորացուցած էր անարգանքը՝ նոյնիսկ տեղէն ելլելով եւ յառաջանալով Սահակեանի ուղղութեամբ: Վերջինը, կռահելով «քայլ»-ականին բեմադրելիք սենարիօն, ինքնապաշտպանութեան փորձով մը՝ բռունցքի հարուած մը հասցուցած էր Վարդանեանի ճակտին։

Եւ… հսկայական «պայթում» եւ շէյքսփիրեան «բազում աղմուկ…»: Ոստիկաններ ներխուժեցին շէնք, Սահակեան ձերբակալուեցաւ, երեք օր կալանքի տակ պահուեցաւ, դիմում ալ պիտի կատարուի՝ զայն զրկելու պատգամաւորական անձեռնմխելիութենէն, եւ այս բոլորը՝ «Ժողովրդավարութեան պասթիոն» Հայաստանի մէջ։ Շաբաթասկիզբին, ան ազատ արձակուեցաւ: Այդ դէպքին ստեղծած աղմկալի ալիքները չէին հանդարտած, երբ Կիրակի, 2 Ապրիլին, ծաղկազարդեան առաւօտուն, Հ․Հ․ Ազգային Ժողովի ամբոխահաճ նախագահ Ալէն Սիմոնեան, չդիմանալով զինք «դաւաճան» անուանած անցորդի մը խարանումին, օգնութեան կանչեց իրեն ընկերացող ոստիկաները, որոնց թիւը ԱՅԴՏԵՂ հաւանաբար տասնեակներով կը գերազանցէր ՏԵՂ գիւղի սահմաններուն մօտ գտնուող հայոց բանակի թիւը։ Եւ ի՞նչ ըրին այդ «ապահովական ուժեր»-ը։ Գետին փռեցին ճշմարտութիւնը Սիմոնեանի երեսին շպրտած հայորդին՝ Կարէն Մկրտիչեանը (նշենք, որ կարեւոր չէ անոր դաշնակցական ըլլալը կամ որեւէ այլ կուսակցութեան պատկանիլը, որովհետեւ ոեւէ ճշմարտասէր եւ հայրենապաշտպան հայ պիտի ընէր նոյնը) եւ, փոխանակ սովորականին նման բռնի ուժով բանտարկելու, այլ «համեմ»-ով մը աւարտեցին սենարիօն։ Այս անգամ Ազգային Ժողովի նախագահը, մաֆիաներու պետերու վայել ժեսթով մը, յաղթականօրէն մօտեցաւ «ասֆալթին փռուած»ին եւ ամենայն (ան)մարդկային արդարութեամբ թքնեց «չէզոքացուած» թշնամիին երեսին, աղաւաղելով հայոց բանաստեղծին մէկ տպաւորիչ խօսքը։ Մինչեւ իսկ այս իշխանաւորներուն «կնքահայրը»՝ Լեւոն Տէր Պետրոսեան չէ դիմացած Սիմոնեանի թուքին եւ սուր քննադատութեան ենթարկած է զայն. արդեօք ա՞յս ալ մաս կը կազմէ ուշադրութիւնները շեղելու «ճարպիկութեանց»…

Նոյն «հերոսը»՝ Ալէն Սիմոնեան, աւելի ուշ լուրեր տարածեց, թէ վարչապետին զաւակը յարձակման ենթարկուած է, երկու օր ետք, ենթադրեալ զոհը բացայայտեց, թէ Սիմոնեան ստած է (ինչո՞ւ ոչ, երբ իր «պոս»-ը՝ Փաշինեան սուտերու ամբողջ աշտարակ մը կառուցած է): Եւ, ի՜նչ զարմանք. Սիմոնեան լզեց իր ա՛յդ թքածը եւ կայքէջէն հեռացուց Փաշինեան կրտսերին մասին իր տարածած ստապատիր (yellow journalism-ի «թաւշեայ» ոճ մը) լուրը:

Ակնարկները ազերիական թափանցումներէ շեղելու միտող ՔՊ-ականներու արարքներու շղթային վրայ օղակ մըն ալ աւելցաւ 4 Ապրիլին, երբ անոնք խայտառակութեան նորագոյն արարը բեմադրեցին Մարդու իրաւանց պաշտպան մը ընտրելու՝ Ազգային ժողով համապատասխան յանձնախումբին նիստը: Պիտի զարմանա՞ք, եթէ վաղը-միւս օր նորեր աւելնան շղթային վրայ…

Դեռ որքա՜ն կարելի է ձեռնածալ մնալ, դեռ որքա՜ն կարելի է կոյր ու խուլ ձեւանալ, երբ ՔՊ-ական վարչախումբը ամէ՛ն օր կը շարունակէ երկրին կործանումը, պարելով ազերիական մուղամներու կշռոյթին համաձայն։

Հոգեխռով է Սիամանթոյի «Պարը» բանաստեղծութիւնն ու մեր ժողովուրդին պոռթկումը արտայայտող տողերը վերյիշելը՝ Սուրբ Զատկուան օրերուն։ Շրջափակուած պար մը, որ սուգ, թախիծ ու ողբ կը սփռէ Հայաստանի ու Արցախի, եւ ո՛չ միայն ՏԵՂի շրջանին մէջ։ Այդ ողբը կը հնչէ ամէն ՏԵՂ, նաեւ Սփիւռքի տարածքին:

Ուստի, ժամանակն է՝ ա՛նմարդկային արդարութեան, այս ոչնչութեա՛նց դէմ պայքարելու եւ գործի անցնելու, չբաւականանալով կրկնելով բանաստեղծին «Թո՛ղ ես թքնեմ քու ճակատիդ» խօսքերը:

«Հայրենիք» – Պոսթըն
Խմբագրական

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company