ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ո՛ չ ըսենք բազուկ ոլորողներուն

03 Մայիս 2023

Երեւանի լրատուութենէն՝ Երեքշաբթի, 2 Մայիսին. արտաքին գործոց նախարար Արարատ Միրզոյեան եւ իրեն ընկերացող պատուիրակութիւնը Ուաշինկթընի մէջ հանդիպումներ կ’ունենան Միացեալ Նահանգներու եւ Ատրպէյճանի արտաքին գործոց նախարարներուն՝ Պլինքընի եւ Պայրամովի գլխաւորած պատուիրակութեանց հետ, խաղաղութեան համաձայնագիր մը բանաձեւելու համար: Ամերիկեան աղբիւրներ կը հաւաստեն, որ «դրական արդիւնքներ սպասելի են», բանակցութիւնները կրնան շարունակուիլ քանի մը օր…: Կ’ըսուի նաեւ, որ Միրզոյեան եւ Պայրամով մօտերս կրնան հանդիպում ունենալ Մոսկուայի մէջ եւս:

Եթէ փորձենք թափանցել այս հաւաստիքներուն խորքը, կարելի է հետեւցնել, որ հայկական կողմը առնուած է աքցանի մէջ, որպէսզի ընդունի խաղաղութեան համաձայնագիր մը կնքել Ատրպէյճանի հետ: Ու եթէ յիշողութիւնները բորբոս չեն կապած, կրնանք նաեւ հետեւցնել, որ առաջադրուած համաձայնագիրը, ինչպէս նախընթաց գրաւոր ու բանաւոր համաձայնութիւնները՝ նոր առաւելութիւններ պիտի ընծայէ Ատրպէյճանի, որովհետեւ հայկական կողմը արդէն իրողապէս հրաժարած է Արցախէն, ազերիական ուժերը սահմանային անցակէտ դրած են Հայաստանը Արցախին կապող ճամբուն վրայ, պաշտօնականացուցած են այդ կէտէն անդին տարածուող տարածքը ազերիական հող նկատելու հանգամանքը: Արցախցիք բնականաբար անընդունելի կը նկատեն այս վիճակը, բայց… զանոնք լսող չկայ, ո՛չ Հայաստանի եւ ո՛չ ալ «բարեմիտ միջնորդներու» կողմէ:

Այս է չար ու չոր իրականութիւնը: Ահա՛ թէ ինչպիսի՜ յառաջդիմութիւններ կ’արձանգրեն ուաշինկթընեան բանակցութիւնները: Հա՛, չմոռնանք, որ Երեւանի իշխանաւորները ունին նոր յանկերգ մը. ամէն ճիգ կ’ընեն, որպէսզի Ստեփանակերտն ու Պաքուն ուղղակի բանակցին, յստակացնեն շրջանի հայերուն մշակութային եւ մարդկային իրաւունքները: (Ի՞նչ ինքնորոշում, քաղաքական ի՜նչ իրաւունք… Մոռցէ՛ք այդ «զգացական բաները», հիմա խօսքը մնացած է նահանջէ նահանջ տանող «ռէալ փոլիթիք»ին):

***

Կրնանք բազում յիշեցումներ արձանագրել, թէ Արցախն ու անոր հետ Հայաստանը ինչպէ՞ս եւ որո՛ւ «վարպետութեան» ճամբով հասան այժմու վիճակին: Գոնէ մէկ կէտ արձանագրենք հոս. Արցախի մեծագոյն բաժինին կորուստէն եւ մնացեալն ալ ազերիական տարածք ընդունելէ ետք, Երեւանի իշխանաւորները քայլ առ քայլ կը նահանջեն նա՛եւ Հայաստանի հողերէն, խոստովանած են, որ ազերիական ուժերը աւելի քան 150 քառ. քլմ. խլած են Հայաստանէն, մինչդեռ իրազեկ աղբիւրներ կ’ըսեն, որ ազերիներուն գրաւած, առաւել՝ անոնց հսկողութեան տակ ինկած գօտիները շատ աւելի ընդարձակ են, իսկ շղթան կրնայ երկարիլ, որովհետեւ Ատրպէյճան բազմաթիւ գիւղերու մասին պահանջ ներկայացուցած է Հայաստանի իշխանաւորներուն (մի գուցէ նաեւ անգիր համաձայնութիւն գոյացուցած են անոնց յանձնումին մասին, ինչպէս եղան Շուշիի, Քարվաճառի, Բերձորի, Աղաւնոյի, յետոյ՝ Գորիս-Կապան ճամբուն, Սեւ լիճի գօտիին, Ջերմուկի բարձունքներուն եւ… եւ…):

Հարցը, էական հարցը այն է, որ հայութիւնը լուռ հանդիսատես է եւ համակերպած՝ պարտուողական, զիջումի եւ թշնամիին մշակած «ճամբու քարտէս»-ին բոլորանուէր կերպով ընթացք տալու իշխանաւորներու երթին: Ընդդիմադիրներուն, հայրենիքին տիրութիւն ընելու յանձնառու բոլո՛ր ընդդիմադիրներուն այն առարկութիւնները, թէ՝ «ժողովուրդին քուէով ընտրուած» իշխանութիւնը իրաւասու չէ նման նահանջներ արձանագրելու, իրաւասու չէ Սահմանադրուիւնը ոտնատակ ընելու՝ նմանապէս իր դիմաց կը գտնէ անտարբեր կրաւորականներու «բանակ» մը. իսկ թէ Հայաստան ինչո՞ւ կրկին ինկած է աքցանի մէջ, արդէն կը հետեւի սնանկ վարքագիծ ունենալու իշխանութեան հանգամանքին:

…Աւելի քան 14 տարի առաջ, Երեւանի այդ օրուան իշխանութիւնը եւս բռնուած էր աքցանի մէջ, բացած էր «ֆութպոլային քաղաքականութեան» եւ հայ-թրքական հաշտեցումի թղթածրարը, որ բանաձեւուեցաւ «փրիթոքոլներով»: Տարիներ ետք, ամերիկացի կնքամայր-նախարարը՝ Հիլըրի Քլինթըն բացայայտեց, որ ինք «թեւեր ոլորելու» քայլերու դիմած էր, հասնելու համար փրոթոքոլներուն ստորագրումին:

Յետոյ ի՞նչ եղաւ: Հայութիւնը, ամբողջ հայութիւնը՝ Հայաստան-Արցախէն մինչեւ սփիւռքեան ծագեր, անդրադարձաւ, որ «ժողովուրդին քուէն ունեցող» իշխանութիւնը կը քալէ վնասաբեր ճամբէ, ոտքի կանգնեցաւ եւ պարտադրեց, որ իշխանաւորները հնարքը գտնեն վախճանական կէտին՝ վերջնական կորուստներու չտանին մեր հայրենիքը: Ու պատահեցաւ, որ փրոթոքոլներուն ձախողեցման պատասխանատուն դարձաւ… Թուրքիան (չմտնենք պատմական մանրամասնութիւններուն մէջ), Հայաստանին ու անոր պատմական իրաւունքներուն տիրութիւն ընող ժողովորդը շահեցաւ կարեւոր ճակատամարտ մը:

Նման համաժողովրդային ընդվզում յառաջացած էր անկէ մօտաւորապէս տասնամեակ մը առաջ, երբ նմանապէս ժողովուրդին քուէով ընտրուած Լեւոն Տէր Պետրոսեանին՝ նոյն ժողովուրդը պարտադրեց հրաժարիլ պաշտօնէն, որովհետեւ տեսաւ, որ ան հաւատարիմ չէր իր խոստումներուն, ինկած է հայրենիքը կորուստի տանող ճամբու մէջ:

Հիմա՞…:

Հիմա մեր ժողովուրդը կարծէք թէ համակերպած է հայրենիքի կորստեան գաղափարին, որ կաթիլ առ կաթիլ իրեն ներարկուեցաւ մօտաւորապէս հինգ տարիէ ի վեր (չանտեսենք նախընթաց տարիներու քարոզչութիւնը), բայց մանաւանդ 44-օրեայ պատերազմէն ասդին:

Արդեօք պատմութեան մէջ կարելի՞ է գտնել ժողովուրդ մը, որ ա՛յս աստիճան կլանուի ինքնակորստեան, հայրենիքը սեփական ձեռքով, իրականին մէջ՝ իր ընտրած իշխանաւորներուն ձեռքով կորսնցնելու թակարդին մէջ: Փաստօրէն, ներկայ վիճակը գլած-անցած է ո՛չ միայն փրոթոքոլներու օրերը, այլ նաեւ այն տարիները, երբ օտար բռնապետի մը՝ Ստալինի կամայական կարգադրութեամբ, Նախիջեւանն ու Արցախը նուէր տրուեցան Ատրպէյճանի: Ու եթէ այդ օրերու հայ համայնավար իշխանաւորները կրնային մեղմացուցիչ դէպ յանցանաց քողերով ապասպարուիլ, այսօր, անկախ եւ ինքնիշխան Հայաստանի իշխանաւորները միայն մէկ քող ունին. «Ժողովուրդը ընտրած է մեզ. կ’ընենք այն՝ ինչ որ կ’ուզենք»: Եւ, կրկնենք, զանգուածային կրաւորականութիւնը, անտարբերութիւնն ու ինքնալքումը, հայրենալքո՛ւմը կը մնան տիրական, կրնան արձանագրուիլ մրցանիշներու «Կինէս»-ի գիրքին մէջ:

Բայց իսկապէս ա՞յս է ժողովուրդին ուզածը. ժողովուրդը այս «խունթան» ընտրեց, որպէսզի վերջնականապէս հրաժարի՞նք Արցախէն, վաղը նաեւ՝ պատառ-պատառ թշնամիին յանձնենք Հայաստանը:

Ո՛չ, հազար անգամ ո՛չ, ի՛նչ ալ որ մտածեն, ինչպէ՛ս որ ալ շարունակեն իրենք զիրենք խաբել այս իշխանութեան հետեւորդները (որակումշները թողունք ընթերցողին): Եւ սպասելի է, որ նոյնինքն այդ խաբուողներն են որ շուտով բանան իրենց աչքերը, եւ հայրենիքին պաշտպանութեան, կորուստներուն վերականգնումին համար իրենց ձեռքերը միացնեն երէկ եւ այսօր «ընդդիմադիր» կոչուողներու փաղանգներուն: Մեր ժողովուրդը, ինչպէս անցեալի մարտահրաւէրներու օրերուն՝ դարձեալ ո՛չ պիտի ըսէ այս կամ այն կողմէն «բազուկ ոլորորղներուն» եւ քաղաքական իմաստութեան վերադառնալով՝ պիտի վերատիրանայ երկրի անտիրական թողուած ղեկին:

Ս. ՄԱՀՍԷՐԷՃԵԱՆ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company