ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Էրտողանի վերընտրութեան ուրուականը

22 Մայիս 2023

Մայիս 14-ին տեղի ունեցան Թուրքիոյ խորհրդարանական եւ նախագահական ընտրութիւնները։ Գործող նախագահ Էրտողանը ապահովեց քուէներուն 49,24 առ հարիւրը, քեմալական Հանրապետական ժողովուրդի կուսակցութեան ղեկավար Քեմալ Քըլըճտարօղլուն՝ 45,07 առ հարիւրը, իսկ ԱԹԱ դաշինքի թեկնածու Սինան Օղանը՝ 5,17 առ հարիւրը։ Մայիս 28-ին տեղի պիտի ունենայ նախագահական ընտրութեան երկրորդ փուլը՝ նկատի ունենալով, որ թեկնածուներէն ոչ ոք անցած է քուէներու 50 առ հարիւրի շէմը։

Նախքան ընտրութեան օրը կատարուած բոլոր հարցախոյզները ցոյց կու տային, թէ Քըլըճտարօղլուն կը գերազանցէ Էրտողանը, ուստի ընտրութեան առաջին փուլին արձանագրուած արդիւնքը անակնկալ մըն էր, որ կը յիշեցնէ Միացեալ Նահանգներու 2016-ի նախագահական ընտրութիւնը, երբ Տանըլտ Թրամփ պարտութեան մատնեց Հիլըրի Քլինթընը հակառակ անոր, որ հարցախոյզները ցոյց կու տային, թէ վերջինս յաղթանակ պիտի արձանագրէ։ Այլ խօսքով՝ անգամ մը եւս հաստատուեցաւ, որ հարցախոյզներու արդիւնքներու հաւաստիութիւնը բացարձակ չէ։

Թէեւ թուրք քաղաքացիները կը շարունակեն տառապիլ սղաճի բարձր համեմատութենէն, կը թուի, թէ ազգային անվտանգութեան շահերը տնտեսական մարտահրաւէրներէն վեր դասելու էրտողանեան պատգամը համոզիչ էր եւ կը վայելէ քուէարկողներու 49,24 առ հարիւրին զօրակցութիւնը։ Այս համեմատութեան վրայ եթէ աւելցնենք միւս ազգայնական թեկնածուին՝ Սինան Օղանի ստացած քուէներու եւ Քըլըճտարօղլուի աջակցող դաշինքին մաս կազմող ազգայնական կուսակցութիւններու ապահոված քուէներու համեմատութիւնը՝ յստակ պատկերացում մը կ’ունենանք թրքական հասարակութեան էութեան ու հաւատամքին մասին։

Խորհրդարանական ընտրութիւններու արդիւնքը ցոյց տուաւ, որ իշխող ՛՛Արդարութիւն եւ բարգաւաճում՛՛ կուսակցութեան ժողովրդականութիւնը 2018 թուականի 42,5 առ հարիւրէն նուազած է 35,6 առ հարիւրի։ Նախագահական ընտրութեան արդիւնքը իր կարգին ցոյց տուաւ, որ այդ կուսակցութեան ղեկավար Էրտողանի ժողովրդականութիւնը եւս անկում կրած է, սակայն կը շարունակէ իշխանութիւնը պահելու համար բաւարար հզօր ըլլալ։

Անշուշտ այստեղ պէտք չէ մոռնալ նոյնքան կարեւոր այլ գործօն մը՝ այն իրողութիւնը, որ ան իր աւելի քան քսանամեայ իշխանութեան ընթացքին վերահսկողութիւն հաստատած է պետական կառոյցներուն, արդարադատութեան ու նկատառելի թիւով լրատուամիջոցներու վրայ, եւ բնականաբար պետական լծակները կ’օգտագործէ «գլուխը ջուրէն վեր պահելու» համար։

Այժմ երկու մրցակիցներն ալ կը փորձեն սիրաշահիլ նախագահական ընտրութեան առաջին փուլին երրորդ դիրքը գրաւած Օղանը՝ ապահովելու համար անոր ունեցած վճռորոշ 5,17 առ հարիւրը։

Հաւանական է, որ ան զօրակցութիւն յայտնէ Էրտողանի թեկնածութեան՝ նկատի ունենալով, որ ան ազգայնական մըն է, դոկտորայի աստիճան ստացած Մոսկուայի միջազգային յարաբերութիւններու պետական հիմնարկէն եւ անոր Եւրասիական գաղափարները համահունչ են Ռուսիոյ նախագահ Վլատիմիր Փութինի մերձաւոր, ռուս տեսաբան Ալեքսանտր Տուկինի Եւրասիական գաղափարներուն։ Ուստի, բնականաբար, ան իր քուէները պիտի չտայ Միացեալ Նահանգներու, ՆԱԹՕ-ի եւ Եւրոպական Միութեան հետ յարաբերութիւնները վերասերտացնելու նպատակը ունեցող Քըլըճտարօղլուին։

Օղան 17 Մայիսին ԱՖՓ-ի հետ հարցազրոյցի մը ընթացքին յայտնեց, որ պատրաստակամ է նախագահական ընտրութեան երկրորդ փուլ անցած երկու թեկնածուներուն հետ ալ երկխօսութեան, թէեւ իրեն քուէարկած քաղաքացիներուն կրնայ կոչ ուղղել՝ ի նպաստ գործող նախագահին քուէարկելու։

Ըստ անոր, ինք քուէներ ստացած է թուրք ազգայնականներէ եւ երիտասարդներէ, որոնք զինք աւելի զարգացած կը նկատեն ու ձանձրացած են քաղաքական հին դէմքերէն։ Այլ խօսքով՝ անոր ի նպաստ քուէարկած քաղաքացիներու որոշ համեմատութիւն մը կրնայ ականջ չտալ իր կոչին, եւ չմասնակցիլ քուէարկութեան։ Սակայն այդ քուէներուն մէկ առ հարիւրի ապահովումը կրնայ բաւարար ըլլալ Էրտողանի յաղթանակը ապահովելու համար։ Ստեղծուած կացութեան մէջ արդէն իսկ կ’երեւի Էրտողանի վերընտրութեան ուրուականը։

Էրտողան 2002 թուականէն ի վեր իշխանութեան վրայ է եւ այս ընթացքին մենատիրութիւն հաստատած է։ Բնականաբար Մայիս 28-ին յաղթանակ արձանագրելուն պարագային ան յաւելեալ հինգ տարի իշխելու լիազօրութիւն ստանալը պիտի մեկնաբանէ իբրեւ մենատիրութեան շարունակման ու յաւելեալ ամրապնդման լիազօրութիւն։ Երկիրին ամէնէն երկար իշխած նախագահը իր ստացած այդ լիազօրութիւնը, սակայն, միայն ներքին քաղաքականութեան շարունակման «կանաչ լոյս» մը եւ լիազօրագիր մը պիտի չնկատէ, այլ նաեւ մինչեւ հիմա վարած արտաքին քաղաքականութեան շարունակման։

Ռուսիան 2015-էն ի վեր Թուրքիոյ գործող նախագահը կը նկատէ քաղաքական անձնաւորութիւն մը, որուն հետ կարելի է աշխատիլ եւ փոխադարձ հասկացողութիւն գոյացնել։ Ռուսական այդ դրական գնահատականին զուգահեռ գոյութիւն ունի անոր նկատմամբ Արեւմուտքի ժխտական գնահատականը։ Էրտողանի վերընտրութիւնը պիտի նշանակէ ռուս-թրքական ներկայ համագործակցութեան եւ Արեւմուտքի դժգոհութիւն պատճառող թրքական քայլերու եւ դիրքորոշումներու շարունակումը։ Անիկա պիտի նշանակէ շարունակումը Էրտողան-Փութին սերտ յարաբերութեան, որ Մոսկուայի կ’արտօնէ շրջանցել արեւմտեան կարգ մը պատժամիջոցները։

Պատմութեան ընթացքին ամէն անգամ, որ Թուրքիա-Ռուսիա մերձեցում եղած է՝ հայ ժողովուրդն ու Հայաստանը սուղ գին վճարած են: Աթաթուրք-Լենին համաձայնութեան հետեւանքը Հայաստանի առաջին հանրապետութեան անկախութեան կորուստը եղաւ, իսկ Ուքրայինայի պատերազմի պայմաններուն մէջ Էրտողան-Փութին սերտ յարաբերութիւններու հետեւանքը՝ Արցախի հանրապետութեան տարածքի 2/3-ի կորուստն ու ներկայ ժխտական պայմաններու ստեղծումը։

Էրտողանի նախագահ վերընտրութիւնը պիտի նշանակէ հայ ժողովուրդի եւ Հայաստանի համար ոչ բարենպաստ պայմաններու շարունակումը։ Քըլըճտարօղլուի յաղթանակով Միացեալ Նահանգներու եւ Արեւմուտքի հետ Թուրքիոյ յարաբերութիւններու ամրապնդումը շատ արագ վերջ պիտի տար ռուս-թրքական սիրավէպին ու վերականգնէր անոնց միջեւ հակադրութիւնն ու լարուածութիւնը եւ պիտի ամրապնդէր կամ առնուազն բարենպաստ պայմաններ ստեղծէր ռուս-հայկական ռազմավարական դաշնակցութեան՝ Հայաստանի եւ Արցախի անվտանգութեան ամրապնդման համար։

ՎԱՀՐԱՄ ԷՄՄԻԵԱՆ
«Հայրենիք»

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company