Այսօր, հունիսի 13֊ին ՀՅԴ «Սիմոն Վրացյան» կենտրոնում տեղի ունեցավ ՀՅԴ Հայաստանի նորընտիր Գերագույն մարմնի անդամների մամուլի ասուլիսը։

ՀՅԴ Հայաստանի ԳՄ ներկայացուցիչ Իշխան Սաղաթելյանը խոսեց առաջիկա գլխավոր անելիքների և մարտավարությունների մասին։

Մենք պետք է հասնենք այն բանին, որ այդ փաստաթուղթը չստորագրվի, դրա համար ժողովրդին պետք է դուրս բերենք պայքարի. ասաց Իշխան Սաղաթելյանը։

«Եթե իշխանությունը հասկանա, որ չկա դիմադրությունը, կստորագրի եւ կմարսի, կստորագրի խաղաղության պայմանագիրը։ Ակնհայտ է, որ Փաշինյանի եւ Ալիեւի միջեւ կա պայմանավորվածություն, որ այս տարվա ընթացքում փաստաթուղթը ստորագրի։ Մենք ունենք քայլերի մեր պատկերացումները, բայց քանի որ սա մեկ քաղաքական ուժի խնդիր չէ, հարցը քննարկելու ենք բոլոր առողջ ուժերի հետ եւ դուրս գանք պայքարի։ Կոնկրետ ժամ, օր տեղ չեմ կարող ասել, բայց ամբողջ ծավալով լծվելու ենք պայքարի։ Յուրաքանչյուր հայ պետք է տեր կանգնի իր հայրենիքի։ Եթե մարդիկանց լիարժեք կարողանանք բացատրել սպառնալիքները, մարդկանց կմղենք պայքարի, ընդորում՝ քաղաքացիներին, որոնք անտարբեր են։ Այն, ինչի մասին հայտարարել է Նիկոլ Փաշինյանը, խաղաղության պայմանագիր չէ, այն նոր կապիտուլիացիա է, որի ստորագրումն աղետալի հետեւանքներ է ունենալու հայ ժողովրդի համար։ Դա կանխելու միակ ճանապարհը համաժողովրդական դիմադրությունն է։ Մեկ հոգին չի կարող որոշել մեր 5000-ամյա ժողովրդի ճակատագիրը»,- ասաց Սաղաթելյանը։

Սաղաթելյանի խոսքով՝ քաղաքական ուժերը շատ մատչելի երեք բան պետք է ներկայացնեն մեր հանրությանը՝ երկիրը ստեղծված իրավիճակից դուրս բերելու ծրագիր, իրականացնող թիմ եւ իշխանափոխության ճանապարհային քարտեզ։

«Իշխանությունը մեր երկրի տարածքային ամբողջականությունը, Արցախի ինքնորոշման իրավունքը պահպանումը, հայ մարդու անավտանգությունն ապահովելու փոխարեն ասում է՝ հանձնել հանուն փրկություն։ Դա ինքնաչոնչացման ճանապարհն է։ Հայ ժողովուրդն ունի այդ ռեսուրսն իր հայրենիքի համար կռիվ տալու։

Մենք թշնամուն նոր տարածքներ տալու պատրաստակումություն չունենք, այլընտրանք չկա։ Իրենց առաջարկած ճանապարհը խաղաղության հետ բացարձակ կապ չունի։ Մարդը երեք տարի է՝ խոսում է խաղաղության մասին, ո՞ւր է այն, թուլացրին ժողովրդի դիմադրողականությունը, պառակատեցին, Հայաստան-Արցախ-Սյփուռք եռամիասնությունն ամբողջությամբ քանդեց։ Գլխավորը կանխելն է փաստաթղթի ստորագրումը, իսկ վտանգն ամբողջությամբ չեզոքացնելու համար անհրաժեշտ է հեռացնել իշխանությանը, որովհետեւ այս իշխանությամբ մենք դատապարտված ենք»,- ընդգծեց նա։

Հայ ժողովուրդը և Հայոց պետականությունը կանգնած է գոյութենական ծանրագույն սպառնալիքի առջև. Հայաստանի իշխանությունների որդեգրած ապազգային քաղաքականությունը, Արցախի ժողովրդի ինքնորոշման իրավունքի ուրացումը, ՀՀ Անկախության հռչակագրից բխող հանձնառությունից և Արցախի անվտանգության երաշխավորի սահմանադրական պարտականություններից հրաժարվելը, թուրք-ադրբեջանական պարտադրվող զիջումներն ընդունելու և հայ ժողովրդի ազգային պետական շահերը ստորադասելու քաղաքականությունը կործանարար է. Իշխան Սաղաթելյանը ընթերցեց ՀՅԴ Հայաստանի 26-րդ Գերագույն ժողովի հայտարարությունը։

Ասուլիսն ամբողջությամբ՝ տեսանյութում

https://youtu.be/J0QmEr_dlsk