ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

133-ամեայ անսակարկ նւիրում (ՀՅԴ օրւայ առթիւ)

26 Հոկտեմբեր 2023

Հայ Յեղափոխական Դաշնակցութիւնը 133 տարեկան է:

133 տարի պատնէշի վրայ, խրամատներում, առաջին գծում: 133 տարի յարատեւ պայքար՝ բոլոր ճակատներում: Խանասորից Բանկ Օտոման, Սասնայ լեռներից Վան-Վասպուրական, Մշոյ դաշտերից Կարին-Ալաշկերտ, Վիտոշից Նեմեսիս, Մայիսի 28-ից Փետրւարի 18, պետականաշինութիւնից տարագրում, սփիւռքաշինութիւնից Արցախի ազատագրում:

Սա է բարդ ու դժւարին այն ուղին, որն անցել է Դաշնակցութիւնը 133 երկար ու ձիգ տարիների ընթացքում:

Եւ այլ կերպ լինել չէր կարող: Քանի որ Դաշնակցութիւնը ծնունդն էր հայ ժողովուրդի: Քանի որ Դաշնակցութեան ծնունդը ժամանակի հրամայական կարիքն էր ու պահանջը: Քանի որ Դաշնակցութիւնը կոչւած էր յեղափոխելու հայ մարդու ստրկացած հոգեվիճակը, շտկելու նրա մէջքը, վերադարձնելու նրան իր խիզախութիւնն ու արժանապատւութիւնը, յանուն հայրենիքի ազատագրութեան վեհ գաղափարի պայքարի եւ զոհաբերման կոչելու նրան:

Եթէ մի քանի տողով ամփոփելու լինենք 133 տարւայ ընթացքում ՀՅԴ անցած ուղին, ապա կը ստացւի հետեւեալ պատկերը.

Դաշնակցութիւնը՝

-Գաղափարական եւ կազմակերպական լիցք եւ ուղղւածութիւն հաղորդեց հայկական յեղափոխութեանը,
-կազմակերպեց ու ղեկավարեց ազատագրական-ֆիդայական շարժումը 19-րդ դարի վերջին եւ 20-րդ դարի սկզբին,
-կազմակերպեց եւ առաջնորդեց Հայոց Առաքելական Եկեղեցու գոյքերի բռնագրաւման դէմ պայքարը Արեւելեան Հայաստանում,
-ապահովեց հայութեան յաղթանակը հայ-թաթարական պատերազմների ընթացքում,
-գործօն մասնակցութիւն ունեցաւ Օսմանեան կայսրութեան Սահմանադրական շարժմանը,
-գործօն եւ վճռորոշ մասնակցութիւն ունեցաւ Իրանի Սահմանադրական շարժման յաղթանակում,
-Առաջին Համաշխարհային պատերազմի օրերին կազմակերպեց եւ ղեկավարեց Կամաւորական շարժումը,
-կազմակերպեց եւ ապահովեց Հայոց Ցեղասպանութիւնից փրկւած արեւմտահայութեան բեկորների կեցութիւնն ու անվտանգութիւնը,
-համախմբելով ժողովրդին, կազմակերպեց ու ղեկավարեց Մայիսեան փառահեղ յաղթանակները՝ վերականգնելով հայոց պետականութիւնը,
-ամենադժւարին պայմաններում, Հայաստանի առաջին Հանրապետութեան կարճատեւ կեանքի ընթացքում լծւեց պետականաշինութեան բարդ աշխատանքին,
-1919 թւականին օրէնքի ուժ տւեց հայ ժողովրդի մեծ տեսլականին՝ Ազատ, Անկախ եւ Միացեալ Հայաստանին: Միջազգային վեհաժողովներում հետամուտ եղաւ հայ ժողովրդի իրաւունքների վերականգնմանը, եւ Հայաստանի Հանրապետութեան անունից ստորագրեց Սեւրի պայմանագիրը,
-կազմակերպեց եւ ղեկավարեց «Նեմեսիս» գործողութիւնը՝ պատժելու համար Հայոց Ցեղասպանութեան հեղինակներին,
-սփիւռքեան պայմաններում համախմբեց ու կազմակերպեց հայութեան տարագրւած բեկորներին՝ պահպանելով սփիւռքահայութեան ազգային դիմագիծը՝ նրանց ներշնչելով վճռակամութիւն, յոյս եւ հաւատք ապագայի նկատմամբ,
-նոր թափ եւ գաղափարական լիցք հաղորդեց յանուն Հայ Դատի տարւող քաղաքական եւ ուժային պայքարին,
-ամբողջական զօրակցութիւն ցուցաբերեց Արցախեան շարժմանը: Գործօն եւ ղեկավար մասնակցութիւն ունեցաւ Արցախեան ազատամարտում եւ Արցախի Հանրապետութեան ստեղծման ու ամրապնդման գործում,
-ակտիւ մասնակցութիւն ունեցաւ Հայաստանի վերանկախացման գործընթացում եւ ազգային արժէքների ու ազգային գաղափարախօսութեան հայրենիք վերադարձի գործում,
-ամբողջանւէր մասնակցութիւն ունեցաւ Հայաստանի եւ Արցախի քաղաքական, ինչպէս նաեւ սոցիալ-տնտեսական կեանքում,
-անսակարկ մասնակցութիւն ունեցաւ 2016 թւականի քառօրեայ եւ 2020 թւականի 44-օրեայ պատերազմներում,
-2020 թւականի նոյեմբերի 9-ից յետոյ սկզբունքային պայքար ծաւալեց ՀՀ հակազգային իշխանութիւնների դէմ,
-քաղաքական-լաբբիստական ողջ կարողութիւններն ի սպաս դրեց՝ միջազգային ատեաններում Հայաստանի եւ Արցախի շահերի պաշտպանութեան համար,
-բոլոր հնարաւորութիւնները եւ կարողութիւնները հունաւորեց՝ տարագրւած եւ հայրենազրկւած արցախահայութեան կենսական կարիքների ապահովման համար:

Եւ այսօր եւս, հակառակ հայ ժողովրդի կրած ծանր պարտութեանը, հակառակ համատարած յուսախաբութեան մթնոլորտի եւ խարխափումների, հակառակ կազմակերպւած, ծրագրաւորւած եւ նպատակային հակադաշնակցական քարոզչութեանը եւ պայքարի, հաւատարիմ իր գաղափարախօսութեանը եւ փառապանծ անցեալին, Դաշնակցութիւնը շարունակում է հանդիսանալ այն եզակի կազմակերպութիւնը, որը հայրենիքի ու հայութեան համար պայքարը շարունակում է աշխարհով մէկ:

Մենք գիտակցում ենք, որ մեր ժողովրդի սպասելիքներն ու ակնկալիքները Դաշնակցութիւնից միշտ եղել են մեծ, շատ մեծ՝ յատկապէս դժւար եւ անելանելի թւացող իրավիճակներում: Այսօր եւս այդպէս է, երբ կորցրել ենք Արցախը, երբ Արցախը թշնամուն յանձնած, թուրքա-ադրբեջանական բոլոր պահանջներն ու ցանկութիւնները կատարող իշխանութիւնների հակազգային գործողութիւնների արդիւնքում, վտանգւած է հայոց պետականութեան լինելիութիւնը, եւ հայ ժողովուրդը ստիպւած է գոյաբանական բնոյթի պայքար մղել:

Բայց, վստահեցնում ենք Ձեզ, որ ամենաբարդ պայմաններում անգամ, նոյնիսկ գերագնահատւած սպասելիքների պարագայում, Դաշնակցութիւնը երբեք յանձնառութեան եւ վճռակամութեան պակաս, նահանջի եւ փախուստի մտադրութիւն չի ունեցել: Այսօր էլ չունի։ Այնպէս, որ մեր երթը շարունակւում է, եւ դրա յաղթական աւարտի համար պատրաստ ենք զոհաբերելու ամէն ինչ, անգամ մեր լաւագոյններից լաւագոյններին: Ինչպէս Դաշնակցութեան մեծ տեսաբան Սարգիս Զէյթլեանն է ժամանակին ասել. «Մէկ ինկողին տեղ հազարներ պիտի նետենք մարտադաշտ մե՛ր ապագային համար, որովհետեւ ուրիշ ոչ ոք կրնայ եւ ոչ ոք պարտաւոր է, եւ մենք ալ իրաւունք չունինք սպասելու ոչ ոքէ, որ իր զաւակները զոհէ մեզի համար, որ իրեն արիւնը թափէ մեզի համար»:
Սա մեր խաչն, որը պատւով կրել ենք 133 տարի շարունակ եւ կը կրենք այնքան ժամանակ, որքան կը պահանջւի:

«ԱԼԻՔ»ի խմբագրական

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company