ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Դրօշակ

ՆԱՏՕ-ՌԴ հակամարտությունը ՆԱՏՕ-ի ռազմավարական փաստաթղթերում

30 Հոկտեմբեր 2023

ԱՄՆ ԱԱՌ փաստաթղթում առանձնակի նշվում է պայքարը ազգայնականության դեմ․ «Բախվում ենք աճող ազգայնականության, նահանջող ժողովրդավարության աշխարհին», պայքար ավտորիտար պետությունների դեմ՝ ի դեմս Ռուսաստանի և Չինաստանի» :

ԱՄՆ ռազմավարական այս փաստաթուղթը կոչ է ողջ հավաքական արևմուտքին՝ դիմակայելու հարափոփոխ իրականությանը, քանի որ իշխանության բաշխումն ամբողջ աշխարհում փոխվում է՝ ստեղծելով նոր սպառնալիքներ։

ԱՄՆ ռազմավարական փաստաթղթերի առանցքային նպատակների շարունակականությունն ապահովում է 2022-ի հունիսի 29-ին Մադրիդում կայացած ՆԱՏՕ-ի գագաթնաժողովում անդամ պետությունների և կառավարությունների ղեկավարների կողմից ընդունված ՆԱՏՕ-ի ռազմավարական հայեցակարգը :

Նախևառաջ հայեցակարգը վերահաստատում է անսասան հավատարմությունը Հյուսիսատլանտյան պայմանագրին և միմյանց բոլոր սպառնալիքներից պաշտպանելուն՝ անկախ նրանից, թե որտեղից են դրանք գալիս :

Հայեցակարգում նշվում են Դաշինքի երեք հիմնական առաքելությունները՝ զսպում և պաշտպանություն, ճգնաժամերի կանխարգելում և կառավարում, հավաքական անվտանգություն։ Այս խնդիրները լրացնում են միմյանց բոլոր անդամ երկրների հավաքական պաշտպանությունն ու անվտանգությունն ապահովելու համար։

Համաձայն փաստաթղթի՝ ՆԱՏՕ-ն վճռական է պաշտպանելու անդամ երկրների ազատությունն ու անվտանգությունը: Նրա հիմնական նպատակն ու ամենակարևոր պարտականությունն է ապահովել անդամ երկրների հավաքական պաշտպանությունը բոլոր ուղղություններից եկող սպառնալիքներից:

ՆԱՏՕ-ն եզակի, կարևոր և անփոխարինելի անդրատլանտյան ֆորում է խորհրդատվության, համակարգման և գործողությունների համար անհատական և հավաքական անվտանգությանը վերաբերող բոլոր հարցերի շուրջ:

Հայեցակարգը հրապարակային կոչ է անդամ երկրներին. «Մեր երկրների միջև անդրատլանտյան կապը մեր անվտանգության անփոխարինելի պայմանն է։ Մեզ միավորում են ընդհանուր արժեքները՝ անհատի ազատությունը, մարդու իրավունքները, ժողովրդավարությունը և օրենքի գերակայությունը։ Մենք հաստատապես հավատարիմ ենք մնում ՄԱԿ-ի կանոնադրության և Հյուսիսատլանտյան պայմանագրի նպատակներին և սկզբունքներին» :

«Մենք կամրապնդենք մեր Դաշինքը՝ հիմնվելով մեր անբաժանելի անվտանգության, համերաշխության և միմյանց պաշտպանությանն ուղղված ամուր հանձնառության վրա, ինչպես ամրագրված է Հյուսիսատլանտյան պայմանագրի 5-րդ հոդվածում» ։
Համաձայն փաստաթղթի՝ ավտորիտար դերակատարները / ՌԴ, ՉԺՀ, ԻՐԱՆ, Հյուսիսային Կորեա և այլն/ մարտահրավեր են նետում ՆԱՏՕ-ի շահերին, արժեքներին և ժողովրդավարական ապրելակերպին: Նրանք ներդրումներ են կատարում միջուկային և հրթիռային կարողությունների մեջ՝ գրեթե առանց թափանցիկության և առանց հաշվի առնելու միջազգային նորմերը և պարտավորությունները:
Ըստ փաստաթղթի՝ Ռուսաստանի Դաշնությունը դիտվում է ՆԱՏՕ-ի անդամ երկրների անվտանգության, ինչպես նաև Եվրաատլանտյան տարածաշրջանում խաղաղության և կայունության համար ամենակարևոր և անմիջական սպառնալիք։

Եվրաատլանտյան տարածաշրջանում խաղաղություն չկա: Ռուսաստանի Դաշնությունը խախտել է նորմերն ու սկզբունքները: Ուկրաինայի դեմ Ռուսաստանի Դաշնության ագրեսիվ պատերազմը կործանել է աշխարհը և լրջորեն փոխել անվտանգության միջավայրը։

Մոսկվայի վարքագիծը արտացոլում է Ռուսաստանի ագրեսիվ գործողությունների օրինակը իր հարևանների և ավելի լայն անդրատլանտյան հանրության դեմ:

Այն ձգտում է հարկադրանքի, դիվերսիայի, ագրեսիայի և բռնակցման /անեքսիայի/ միջոցով ստեղծել ազդեցության և ուղղակի վերահսկողության ոլորտներ։

ՌԴ ռազմական հնարավորությունները, հռետորաբանությունը և քաղաքական նպատակներին հասնելու պատրաստակամությունը խաթարում են կանոնների վրա հիմնված միջազգային կարգը:

Ռուսաստանի Դաշնությունը արդիականացնում է իր միջուկային ուժերը և ընդլայնում է իր նոր և կործանարար երկակի օգտագործման համակարգերը՝ միաժամանակ օգտագործելով միջուկային զենքի սպառնալիքը հարկադրական նպատակներով: Նրա նպատակն է ապակայունացնել արևելքում և հարավում գտնվող երկրները։

Հեռավոր Հյուսիսում ՆԱՏՕ-ի երկրների հզորացումը և Հյուսիսատլանտյան ափով նավագնացության ազատությունը խաթարելու նրա կարողությունը ռազմավարական մարտահրավեր է Դաշինքի համար: ՌԴ ռազմական հզորացումը, այդ թվում՝ Բալթյան, Սև և Միջերկրական ծովերի տարածաշրջաններում, Բելառուսի հետ ռազմական ինտեգրման հետ մարտահրավեր է ՆԱՏՕ-ի անվտանգությանն ու շահերին։

ՆԱՏՕ-ն պատրաստակամ է միասնական և պատասխանատու կերպով արձագանքել ռուսական սպառնալիքներին և թշնամական գործողություններին:

«Մենք զգալիորեն կամրապնդենք զսպումն ու պաշտպանությունը բոլոր անդամ պետությունների համար, կբարձրացնենք մեր դիմադրողականությունը ռուսական պարտադրանքի նկատմամբ և կաջակցենք մեր գործընկերներին՝ հակազդելու ռուսական ագրեսիային» :

ՌԴ թշնամական քաղաքականության և գործողությունների լույսի ներքո մենք չենք կարող Ռուսաստանի Դաշնությանը համարել գործընկեր։

Համաձայն փաստաթղթի՝ ՌԴ-ՆԱՏՕ հարաբերություններում ցանկացած փոփոխություն կախված է նրանից, որ Ռուսաստանի Դաշնությունը դադարեցնի իր ագրեսիվ պահվածքը և լիովին համապատասխանի միջազգային իրավունքին։

Սպառնալիք է դիտվում Չինաստանի Ժողովրդական Հանրապետության և Ռուսաստանի Դաշնության միջև խորացող ռազմավարական գործընկերությունը, և կանոնների վրա հիմնված միջազգային կարգը խաթարելու նրանց փոխադարձ ամրապնդող փորձերը հակասում են հավաքական Արևմուտքի արժեքներին և շահերին։

ՉԺՀ-ն օգտագործում է քաղաքական, տնտեսական և ռազմական գործիքների լայն շրջանակ՝ ընդլայնելու համար իր գլոբալ ներկայությունը և նախագծային հզորությունը՝ առանց թափանցիկություն ապահովելու իր ռազմավարության, մտադրությունների և ռազմական հզորության հարցում:

ՉԺՀ-ի հիբրիդային և կիբեր գործողությունները, ինչպես նաև նրա առճակատման հռետորաբանությունն ու ապատեղեկատվությունը թիրախավորում են ՆԱՏՕ-ի երկրները և վնասում են Դաշինքի անվտանգությանը:

ՉԺՀ-ն ձգտում է վերահսկել հիմնական տեխնոլոգիական և արդյունաբերական ոլորտները, կարևոր ենթակառուցվածքները և ռազմավարական նյութերն ու մատակարարման շղթաները:
Նա օգտագործում է իր տնտեսական լծակները ռազմավարական կախվածություններ ստեղծելու և իր ազդեցությունը մեծացնելու համար։ Նա ձգտում է խաթարել կանոնների վրա հիմնված միջազգային կարգը՝ ներառյալ տիեզերական, կիբեր և ծովային տիրույթներում:

Կենսաբանական, ճառագայթային և միջուկային նյութերի կամ զենքի պոտենցիալ օգտագործումը ՆԱՏՕ-ի դեմ թշնամական պետական և ոչ պետական դերակատարների կողմից մնում է սպառնալիք անվտանգության համար։
Իրանը և Հյուսիսային Կորեան շարունակում են զարգացնել իրենց միջուկային և հրթիռային ծրագրերը։ Սիրիան, Հյուսիսային Կորեան և Ռուսաստանի Դաշնությունը ոչ պետական դերակատարների հետ դիմել են քիմիական զենքի կիրառմանը։

ՉԺՀ-ն արագորեն ընդլայնում է իր միջուկային զինանոցը և զարգացնում է ավելի բարդ համակարգեր՝ առանց թափանցիկության բարձրացման կամ սպառազինությունների վերահսկման կամ ռիսկերի նվազեցման:

Հայեցակարգում առանձնակի անդրադարձ է կատարվում ահաբեկչությանը: Ահաբեկչության դեմ պայքարը էական նշանակություն ունի ՆԱՏՕ-ի հավաքական պաշտպանության համար (ՆԱՏՕ-ն համագործակցում է ԴԱԻՇ-ի ) ИГИЛ)«Даиш» ( հետ):

Ահաբեկչական կազմակերպությունները ձգտում են հարձակվել կամ խրախուսել ուրիշներին՝ հարձակվելու ՆԱՏՕ-ի երկրների վրա: Նրանք ընդլայնում են իրենց ցանցերը, ուժեղացնում են իրենց հնարավորությունները և ներդրումներ են կատարում նոր տեխնոլոգիաների մեջ: Ոչ պետական զինված խմբավորումները՝ ներառյալ անդրազգային ահաբեկչական ցանցերը և պետության կողմից հովանավորվող դերակատարները /սուբյեկտները/, շարունակում են շահագործել հակամարտությունը և թույլ կառավարումը` համալրելու, մոբիլիզացնելու և ընդլայնելու իրենց դիրքերը:

Հատկապես Աֆրիկայում և Մերձավոր Արևելքում հակամարտությունները, խոցելիությունը և անկայունությունը ուղղակիորեն ազդում են ՆԱՏՕ-ի անդամ երկրների և գործընկերների անվտանգության վրա:

ՆԱՏՕ-ից հարավ գտնվող շրջանները, հատկապես՝ Մերձավոր Արևելքը, Հյուսիսային Աֆրիկան և Սահելի (տարածաշրջան Աֆրիկայում) շրջանները, բախվում են փոխկապակցված անվտանգության, ժողովրդագրական, տնտեսական և քաղաքական մարտահրավերներին:

«Մենք կշարունակենք հակազդել, զսպել, պաշտպանել և արձագանքել ահաբեկչական խմբավորումների կողմից բխող սպառնալիքներին ու մարտահրավերներին՝ կանխարգելման, պաշտպանության և ժխտման համակցությամբ: Մենք կամրապնդենք համագործակցությունը միջազգային հանրության, այդ թվում՝ ՄԱԿ-ի և Եվրամիության հետ՝ ահաբեկչության տարածմանը նպաստող պայմանները վերացնելու համար» ։
Հայեցակարգում հստակ նշվում է, որ ՆԱՏՕ-ն պաշտպանական դաշինք է, ոչ ոք չպետք է կասկածի Դաշինքի տարածքի յուրաքանչյուր թիզը պաշտպանելու մեր ուժին և վճռականությանը՝ պահպանելու բոլոր անդամ պետությունների ինքնիշխանությունն ու տարածքային ամբողջականությունը և ջախջախելու ցանկացած ագրեսորի:

ՆԱՏՕ-ի զսպման և պաշտպանական կարողությունները հիմնված են միջուկային, սովորական և հակահրթիռային պաշտպանության կարողությունների համապատասխան համակցության վրա՝ համալրված տիեզերական և կիբեր հնարավորություններով:

ՆԱՏՕ-ի միջուկային հնարավորությունների հիմնարար նպատակն է պահպանել խաղաղությունը, կանխել հարկադրանքը և զսպել ագրեսիան:

ՆԱՏՕ-ի դեմ միջուկային զենքի ցանկացած օգտագործում հիմնովին կփոխի հակամարտության բնույթը։

Դաշինքի ռազմավարական միջուկային ուժերը, հատկապես՝ Ամերիկայի Միացյալ Նահանգների, ՆԱՏՕ-ի երկրների անվտանգության ամենաբարձր երաշխիքն են։

Միացյալ Թագավորության և Ֆրանսիայի միջուկային ուժերը զսպման իրենց դերն են խաղում և նշանակալի ներդրում ունեն Դաշինքի ընդհանուր անվտանգության մեջ:

ՆԱՏՕ-ի միջուկային զսպող ուժը նաև հիմնված է Եվրոպայում տեղակայված ԱՄՆ միջուկային զենքի և համապատասխան անդամ երկրների ներդրումների վրա: Անդամ պետությունների կողմից տրամադրված երկակի նշանակության ինքնաթիռները շարունակում են կատարել ՆԱՏՕ-ի միջուկային զսպման առաքելության առանցքային դերը:

Հայեցակարգի առանցքային դրույթները վերաբերում են ՆԱՏՕ-ի ընդլայնմանը:

2023 թվականի հուլիսի 11-ին Վիլնյուսում Հյուսիսատլանտյան խորհրդի նիստին մասնակցող ՆԱՏՕ-ի անդամ պետությունների և կառավարությունների ղեկավարների կողմից հրապարակվել է հայտարարություն, որով ՆԱՏՕ-ին միանալու հրավեր ստացած երկիրը հավատարիմ է այս հայտարարությանը. «Մենք հավատարիմ ենք միջազգային իրավունքին և Միավորված ազգերի կազմակերպության կանոնադրության նպատակներին ու սկզբունքներին և հավատարիմ ենք կանոնների վրա հիմնված միջազգային կարգի պահպանմանը: Այս գագաթնաժողովը մեր Դաշինքի ամրապնդման ուղենիշն է» :

Համաձայն այս փաստաթղթի՝ ՆԱՏՕ-ի անդամները վերահաստատում են իրենց հանձնառությունը՝ միշտ պաշտպանելու միմյանց և Դաշինքի տարածքի յուրաքանչյուր թիզը, պաշտպանելու միլիարդ քաղաքացիներին, ազատությունն ու ժողովրդավարությունը՝ համաձայն Վաշինգտոնի պայմանագրի 5-րդ հոդվածի ։

Համաձայն հայտարարությանը ՝ Ռուսաստանը լիովին պատասխանատվություն պետք է կրի Ուկրաինայի դեմ իր անօրինական, չհրահրված պատերազմի համար, որը լրջորեն խաթարել է եվրաատլանտյան և համաշխարհային անվտանգությունը, և որի համար նա պետք է պատասխան տա ամբողջությամբ։

Ռուսաստանը պետք է անհապաղ դադարեցնի ագրեսիան, այս անօրինական պատերազմը, դադարեցնի ուժի կիրառումը Ուկրաինայի դեմ և ամբողջությամբ ու անվերապահորեն դուրս բերի իր բոլոր զորքերը և տեխնիկան Ուկրաինայի տարածքից՝ իր միջազգայնորեն ճանաչված սահմաններով՝ ներառյալ նրա տարածքային ջրերը:

ՆԱՏՕ-ն կոչ է անում բոլոր երկրներին որևէ ձևով չաջակցել ռուսական ագրեսիային և դատապարտել նրանց, ովքեր ակտիվորեն նպաստում են Ռուսաստանի պատերազմին։

Բելառուսի հետ Ռուսաստանի խորացող ռազմական ինտեգրումը՝ ներառյալ բարելավված ռուսական ռազմական հնարավորությունների տեղակայումը, ազդեցություն ունի տարածաշրջանային կայունության և Դաշինքի պաշտպանության վրա:

Հատկապես դատապարտվում է Բելառուսի աջակցությունը, որը շարունակում է տրամադրել իր տարածքը և ենթակառուցվածքները, որպեսզի ռուսական ուժերը հարձակվեն Ուկրաինայի վրա։

Համաձայն հայտարարությանը՝ ինչպես Բելառուսը, նաև Իրանը պետք է դադարեցնեն մեղսակցությունը Ռուսաստանի հետ և վերադառնան միջազգային իրավունքի համապատասխանությանը։

ՆԱՏՕ-ն կմնա զգոն և կշարունակի ուշադիր հետևել զարգացումներին, մասնավորապես, այսպես կոչված, մասնավոր ռազմական ընկերությունների հնարավոր տեղակայմանը Բելառուսում:

ՆԱՏՕ-ն կոչ է անում Բելառուսին դադարեցնել իր գործունեությունը հարևանների դեմ, հարգել մարդու իրավունքները և հիմնարար ազատությունները և պահպանել միջազգային իրավունքը։

ՆԱՏՕ-ն կոչ է անում ՉԺՀ-ին դատապարտել Ռուսաստանի ագրեսիվ պատերազմն Ուկրաինայի դեմ, ձեռնպահ մնալ Ռուսաստանի ռազմական ջանքերին աջակցելուց, հավատարիմ մնալ ՄԱԿ-ի կանոնադրության նպատակներին և սկզբունքներին:

Իրանի աջակցությունը Ուկրաինայի դեմ Ռուսաստանի ագրեսիվ պատերազմին ազդում է եվրաատլանտյան անվտանգության վրա:

ՆԱՏՕ-ն կոչ է անում Իրանին դադարեցնել իր ռազմական աջակցությունը Ռուսաստանին, մասնավորապես՝ անօդաչու թռչող սարքերի (ԱԹՍ) տեղափոխումը․ դրանք օգտագործվում են կարևոր ենթակառուցվածքներին հարվածելու համար՝ պատճառելով մեծածավալ քաղաքացիական զոհեր։

ՆԱՏՕ-ի գլխավոր քարտուղարը Ուկրաինայի նախագահի հետ համատեղ ասուլիսում հրապարակային թշնամական վերաբերմունքի է արժանացրել և արժեզրկել Ռուսաստանի Դաշնությանը. «Մոսկվան պայքարում է կայսերական մոլորությունների համար: Ռուսաստանը կորցրել է իր դիրքերը համաշխարհային ասպարեզում։ Նա կտրված է միջազգային շուկաներից։ Չի մասնակցում միջազգային գագաթնաժողովների հանդիպումներին: Եվ նա ստիպված է զենքի համար դիմել այնպիսի ռեժիմների, ինչպիսիք են Իրանը և Հյուսիսային Կորեան» :

Արդյո՞ք կիրականանան ՆԱՏՕ-ին անդամակցելու Ուկրաինայի եվրաատլանտյան ձգտումները, համաձայն որի․ «ՆԱՏՕ երկրները և Ուկրաինան «կնստեն» որպես իրավահավասար անդամներ» :

Մյուս կողմից՝ տեսանելի է, որ խորանում են ՆԱՏՕ ռազմաքաղաքական դաշինքի անդամ պետությունների անվտանգությանը սպառնացող ռազմական սպառնալիքներն ու մարտահրավերները:

Համաձայն ԱՄՆ ԱԱՌ-ի՝ ԱՄՆ-ը պարտավորվում է Մերձավոր Արևելքում պահպանել Իսրայելի անվտանգությանն իր «երկաթյա հավատարմությունը» :

Այսպիսով՝ արագընթաց շարունակվում է աշխարհի վերաբաժանման գործընթացը:

Արփի Աբրահամյան

«Դրօշակ» թիվ 10 2023 թ.

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company