ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Լոկ լոպիինկ

08 Դեկտեմբեր 2023

Իւրայատուկ է ատրպէյճանական լոպիինկը. Պաքուի սեւ ոսկիի հորերուն նման գարշահոտ, սակայն ձկնկիթի նման ե՛ւ արդիւնաբեր, ե՛ւ թանկարժէք։

Ամէնայն շռայլութեամբ դրամ ծախսուած է եւ դեռ կը ծախսուի։

Վերջերս, բրիտանական թերթերը հաղորդեցին, որ Ատրպէյճանի իշխանութիւնները կը մեղադրուին՝ Մեծն Բրիտանիոյ մէջ կեղծ ընկերութիւններ հաստատած ըլլալու եւ անոնց միջոցով երեք միլիառ տոլար «լուալու» յանցանքով։ Եւ բացայայտ է թէ ո՛ւր գացած են այդ գումարները. այդ գումարները վճարուած են եւրոպացի քաղաքական գործիչներու, Ատրպէյճանի ի նպաստ որոշումներ կայացնելու համար։

Շարքը երկար է ազերիական նենգամիտ եւ ստապատիր լոպիինկի «արքասիք»-ին։

Տասնեակ տարիներէ ի վեր, Ատրպէյճան կ’աշխատի աշխարհի չորս ծագերուն կառուցել յուշահամալիրներ, ի պանծացում ազերի ժողովուրդին եւ անշուշտ՝ երէց Ալիեւին՝ Հայտարին։ Ոտնձգութիւնները կատարուեցան Եւրոպայէն մինչեւ Հիւսիսային Ամերիկա, Վրաստանէն, Պալթեան երկիրներէն, Ռումանիայէն, Սերպիայէն մինչեւ Լատին Ամերկա եւ Մեքսիքա. այս վերջինին պարագային, կարելի եղաւ պայքարիլ եւ վերացնել տալ։ Յիշեցնենք, որ իր հօր արձանը տեղադրելու համար, Իլհամ Ալիեւ հինգ միլիոն տոլար տրամադրած էր, վերանորոգման ենթարկելով Մեքսիքօ Սիթիի մօտակայ այգիներ։
Խոճալուի «առեղծուած»-ն ալ մինչեւ օրս կ՛օգտագործուի ազերի լոպիիստներու կողմէ։ Պաքու կ՛այպանէր, թէ հայեր ջարդած էին տեղացի ազերիներ, մինչդեռ իրողութիւնը այն էր, որ վտանգաւոր դիրքերէ խոյս տուող մսխեթ բնակիչները սպանդի ենթարկուեցան ատրպէյճանական նահանջող զօրքին կողմէ։ Այդ օրերուն Ատրպէյճանի նախագահը Մութալիպովն էր, որ հայր Ալիեւի ոխերիմ թշնամին էր եւ այս վերջինն էր, որ ծրագրած եւ գործադրած էր այդ ջարդը, նեղ կացութեան մատնելու համար հակառակորդը։

Տարիներէ ի վեր, հետեւողական աշխատանք կը տարուի Միացեալ Նահանգներու տարածքին, յիշատակելու համար «Խոճալուի ջարդ»-ը: Յիշատակողներուն շարքին են համեմատաբար «աննշան» բայց ահազանգ սփռող յիշատակելի նահանգներ, որոնց կարգին Ճորճիա, Նիւ Մեքսիքօ, Թեքսաս, Միսիսիփի, Արքանսաս, Նեպրասքա, Օքլահոմա, Այտահօ, Օքլահոմա, Ինտիանա, Եութա եւ նոյնիսկ հեռաւոր Հաուայի։ Նոյնիսկ ոտնձգութիւններ եղան Մասաչուսէցի, Մէյնի, Քանեքթիքըթի եւ Նիւ Ճըրզիի մէջ։

Շարունակենք. Նիւ Եորքի փապուղիներուն մէջ յսկայ պաստառներ, եւրոպական կարգ մը քաղաքներու մէջ, հանրային փոխադրակառքերու վրայ «Խոճալուի ջարդ»-ը՝ շինծու ապրանքը նշող ծանուցումներ. նոյնիսկ օրին, Ֆրանսայի մէջ ազերի լոպիիստները գումար մսխած էին, պատրաստելով ողբերգական երաժշտախառն բեմադրութիւն մը, որ շնորհիւ տեղւոյն հայ գաղութին միջամտութեան, կարելի եղաւ ձախողեցնել։

Կարելի չէ մոռնալ Նիւ Եորքի քաղաքապետ Էրիք Ատամզի տկարութիւնն ու համակրանքը՝ Ատրպէյճանի նկատմամբ (անշուշտ նաեւ՝ Թուրքիոյ), այնքան մը, որ ան մտերմիկ միջավայրի մէջ յայտարարած է, թէ հանգստեան կոչուելէ ետք, մեծ խանդավառութեամբ կը պատրաստուի ապրիլ Պաքուի մէջ․․․։

Թող կրկնութիւն չսեպուի, եթէ այս ցանկին վրայ արձանագրենք արիւնոտ էջ մը եւ յիշել հայ սպայի մը՝ Գուրգէն Մարգարեանի դաժան սպանութիւնը Հունգարիոյ մէջ։ Բացայայտ դարձաւ, որ ատրպէյճանական լոպիիստներու «դրամատուն»-ը շռայլօրէն ծախսած էր, ցմահ բանտարկութեան դատապարտուած ազերի բանակային Ռամիլ Սաֆարովը ազատ արձակել տալու համար։ Սաֆարով մը, որ Մարգարեանի նման անգլերէն լեզուին ծանօթանալու եւ ընտելանալու համար, ՆԱԹՕ-ի հրաւէրով զանազան երկիրներէ հրաւիրուած սպաներէն մէկն էր եւ ռազմադաշտերէ հեռու, մտադրած էր գիր ու գրիչի փոխարէն՝ թուրքին յատուկ նախնադարեան ոճի մը դիմել՝ կացինահարել եւ տեղն ու տեղը սպաննել իր հայ «դասընկեր»-ը՝ Փետրուար 2004-ին։ Հազիւ վեց տարի բանտարկուած մնալէ ետք, ան ո՛չ թէ միայն ազատ ու անկախ վերադարձաւ Պաքու, այլ նաեւ ստացաւ հերոսի կոչում եւ պաշտօնի բարձրացում։

Քառօրեայ եւ ապա 44-օրեայ պատերազմներուն, Ատրպէյճանի արտաքին գործոց նախարարութեան հետ սերտ գործակցութիւն ցուցաբերելով, ազերի լոպին քարոզչութեան լծուած էր եւ շարունակ նախայարձակ կը յայտարարէր Հայաստանը, արագ հաղորդագրութիւններ լոյս ընծայելով։

Իսկ գլուխ-գործոցը, դեռ վերջերս Ատրպէյճանի մարդու իրաւունքներու յանձնակատար (անշուշտ ծիծաղելի է մարդու իրաւունք եւ Ատրպէյճան հասկացութիւնները քով քովի դնելը) Սապինա Ալիեւայի մէկ ծիծաղելի յայտարարութիւնը հրապարակուեցաւ, թէ՝ 44-օրեայ պատերազմի աւարտէն ետք, ականներու պայթումներէն մահացած է 65 մարդ, որոնք հիմնականին մէջ քաղաքացիներ են, եւ երեք հարիւրի շուրջ անձեր տարբեր աստիճանի վնասուածքներ ստացած են, ուրեմն… միջազգային դատարանները պէտք է աջակցին եւ Հայաստան պէտք է փոխհատուցում վճարէ կատարուած «ահաբեկչութեան» համար․․․։

Ահա այս բնոյթի լոկ լոպիինկ կիրարկող երկրի մը հետ Հայաստանի ներկայ իշխանութիւնները կը փորձեն «խաղաղութեան խաչմերուկ» ստեղծել։ Առանց մեկնաբանութեան…։

«Հայրենիք» – Պոսթըն
Խմբագրական

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company