ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • ՀՅԴ Բյուրո
  • Հարցազրույցներ

Կարող են արգելել, սակայն մենք կշարունակենք մեր աշխատանքը

27 Հունվար 2024

Օրերս վարչական դատարանը բավարարեց ՀՅԴ Բյուրոյի անդամ, Ֆրանսիայի հայկական կազմակերպությունները համակարգող խորհրդի համանախագահ Մուրադ Փափազյանի հայցն ընդդեմ ԱԱԾ-ի։ Փափազյանը պահանջել էր իր անունը հանել Հայաստանի համար անցանկալի անձանց տվյալների բանկից։ Հիշեցնենք, որ մոտ 2 տարի առաջ Փափազյանը, գալով Հայաստան, օդանավակայանում պարզել էր, որ չի կարող մուտք գործել հայրենիք, որովհետեւ Նիկոլ Փաշինյանի կամքով Հայաստանում «պերսոնա նոն գրատա» է ճանաչվել։ «Հրապարակ»-ը զրուցել է Մուրադ Փափազյանի հետ։

– Պարոն Փափազյան, մոտ ապագայում պլանավորո՞ւմ եք գալ Հայաստան։

– Երբ որ որոշումը հաստատվի․․․, գիտեք, որ ԱԱԾ-ն մեկ ամիս ունի՝ որոշումը բողոքարկելու համար, այդ 1 ամիսը կավարտվի փետրվարի 22-ին, եւ իմ հույսն է, որ ԱԱԾ-ն չի բողոքարկի դատարանի որոշումը։ Եթե չբողոքարկի, ապա մարտի կեսերին ես Հայաստան կգամ, անշուշտ։

– Դատարանի այս վճիռն անակնկա՞լ էր Ձեզ համար, թե՞ գիտեիք, որ պետք է բավարարի Ձեր հայցը։

– Իրականության մեջ բոլորը շատ լավ գիտեին, որ այդ «պատիժը» հիմնված էր քաղաքական պատճառների վրա։ Որեւէ իրավական հիմք չուներ այդ որոշումը, այդ դեպքում դատարանն ի՞նչ պիտի որոշեր` եթե 18 ամսվա ընթացքում ԱԱԾ-ն չբերեց որեւէ պատճառ, չպատասխանեց դատարանին եւ դատավորի պահանջներին, որ բերի գոնե մի պատճառ։ Հետեւաբար, դատարանն ուղղակի ստիպված էր նման որոշում կայացնել։ Ես վստահություն ունեի Հայաստանի արդարադատության վրա եւ տարբեր դատավորների վրա, որովհետեւ եթե շինծու պատճառներ ներկայացներ ԱԱԾ-ն, ու դատարանն ընդուներ այդ շինծու պատճառները, ապա կնշանակեր, որ միջազգային գետնի վրա Հայաստանն իսկապես կսեւանար։ Ես կուզեմ ողջունել դատարանի որոշումը, քանի որ այդ որոշումը հարգում է ժողովրդավարական սկզբունքները եւ ցույց կտա, որ արդարադատությունը կրնա անկախ ըլլալ Հայաստանի մեջ, եւ սա լավ նշան է ապագայի համար։

– Այս ընթացքում Ֆրանսիայի կառավարությունը Ձեզ աջակցե՞լ է, մենք գիտենք, որ Դուք եւ Ֆրանսիայի նախագահ Էմանուել Մակրոնը մտերիմ հարաբերություններ ունեք։

– Չեմ ուզում ասել, որ օգնեցին, որովհետեւ Ֆրանսիան չի խառվում Հայաստանի ներքին հարցերին, բայց լինելով Ֆրանսիայի քաղաքացի, անշուշտ, նախագահի հետ մի քանի անգամ խոսեցինք այս մասին, ինքն էլ Հայաստանի վարչապետի հետ խոսեց այս հարցի մասին։ Ֆրանսիայի արտաքին գործերի նախարարը եւս խոսել է Հայաստանի արտաքին գործոց նախարարի հետ։ Երբ ասում ենք՝ խոսեցին, այսինքն՝ զարմացած էին, որ այդպիսի որոշում է կայացվել իմ դեմ, որովհետեւ իրենց համար ես պաշտպանում եմ Հայաստանի շահերը Ֆրանսիայի մեջ եւ արտաքին ճակատում, պաշտպանում եմ Արցախի ու Հայ դատի շահերը, եւ երբ այս որոշումը կայացվեց, իրենք, անշուշտ, շատ զարմացած էին, որովհետեւ իրենց համար ժողովրդավար երկրի մեջ ընդդիմությունը սրբություն է, այսինքն՝ ընդդիմության գաղափարն օգնում է իշխանություններին իրականության մեջ՝ փաստելու համար, որ երկիրը ժողովրդավարական երկիր է։ Պետք է գուրգուրել ընդդիմությանը, որովհետեւ երբ ընդդիմությունն ազատ ձեւով է աշխատում երկրի մեջ, նշանակում է, որ այդ երկիրը ժողովրդավարական սկզբունքները հարգում է։ Դրա համար, երբ երկրի մեջ կան քաղաքական բանտարկյալներ, կամ երբ երկրի մեջ ընդդիմությունը խանգարվում է իր աշխատանքի մեջ, կամ երբ արգելվում է ընդդիմադիրների մուտքը երկիր, դա սեւացնում է երկիրը միջազգային գետնի վրա։ Այդ ողջ ընթացքում, երբ ես արգելված էի Հայաստանում, գիտեք, որ ես հաճախ ֆրանսիական լրատվամիջոցների կողմից հրավիրվում էի, եւ չնայած որ արգելված էր իմ մուտքը Հայաստան, ես միշտ պնդում էի, որ Հայաստանը ժողովրդավարական երկիր է, որովհետեւ մենք պետք է Ադրբեջանից տարբերվենք, որը դիկտատորական երկիր է։ Որքան Հայաստանն ավելի շատ ժողովրդավարական երկիր լինի, այդքան կընդունվի միջազգային ընտանիքի կողմից, եւ մենք կկարողանանք մեր տարբերությունը ցույց տալ Ադրբեջանից եւ Թուրքիայից։ Ես միշտ եմ այդ աշխատանքը տարել։ Լրագրողները, անշուշտ, գիտեին, որ ես արգելված էի, ինձ ասում էին, որ ես արգելված եմ Հայաստանում եւ այլն։ Ես ասում էի՝ դա ուրիշ հարց է, դա աննորմալ հարց է, որը մենք կլուծենք մեր մեջ, չէի ուզում միջազգային արձագանք տալ, բայց բոլորը՝ քաղաքական գործիչները, կառավարությունը, նախագահը, գիտեին եւ զարմացած էին, որ ես մինչեւ հիմա չեմ բարձրացրել հարցը հանրային գետնի վրա, որովհետեւ ես ամաչում էի, որ այդպիսի որոշում է կայացրել Հայաստանի իշխանությունը։ Ես ուզում էի պահել, որ մեր մեջ լուծենք այդ հարցը, եւ, բարեբախտաբար, լուծվեցավ։ Հուսով եմ, որ ԱԱԾ-ն չի բողոքի, որովհետեւ եթե բողոքի, ապա իզուր կբողոքի, քանի որ պատճառ չկա, գուցե ժամանակ շահելու համար բողոքեն, բայց եթե ԱԱԾ-ն բողոքարկի, այս անգամ ես իսկապես կդրսեւորեմ հանրային գետնի վրա, եւ եթե ներքին պրոցեսով չհաջողենք լուծել հարցը, ես արդեն կապ եմ հաստատել Եվրոպական դատարանի նոր նախագահի հետ, հանդիպել եմ նրա հետ, բացատրել եմ հարցս, ինքը լավատեղյակ է։ Այսինքն՝ ավելի լավ է հարգել դատարանի որոշումը, փակել այդ հարցը եւ դեպի ապագա գնալ։

– Շուրջ 2 տարվա արգելքը՝ Հայաստան մուտք գործելու, Ձեզ չէ՞ր խանգարում Հայաստանի համար աշխատել, այս 2 տարիների ընթացքում մեծ ողբերգություններ տեղի ունեցան՝ Արցախը հայաթափվեց ու ամբողջովին հանձնվեց Ադրբեջանին։

– Մենք շարունակեցինք աշխատել ֆրանսիական կառավարության հետ՝ նախագահի, Փարիզի քաղաքապետի, Լիոնի, Մարսելի քաղաքապետների հետ։ Ճիշտ է՝ ավելի օգտակար կըլլար, եթե ես կարողանայի իրենց հետ Հայաստան գալ-գնալ, սակայն իրականության մեջ աշխատանքը շարունակեցինք, շատ քիչ խանգարեց, որովհետեւ մեր առաքելությունն է՝ զորավիգ կանգնել Հայաստանին ու Արցախին։ Գիտեք՝ իշխանությունները կգան ու կգնան, բայց պետականությունն ու երկիրն այստեղ են, եւ մենք գիտենք, թե ինչն է մեր նպատակը․ Հայաստան եւ Հայաստանի ժողովուրդ, Արցախ եւ Արցախի ժողովուրդ, այդ է։ Կարող են արգելել, սակայն մենք կշարունակենք մեր աշխատանքը, որովհետեւ այդպես ենք դաստիարակվել, մեզ համար Հայաստանը մեր սրտի մեջ է, ուրեմն չենք դադարեցնի հայանպաստ եւ հայաստանանպաստ աշխատանքը։

Կորյուն Սիմոնյան

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company