ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • ՀՅԴ Բյուրո
  • Ելույթներ

Պայքարը Պէտք Է Շարունակել

27 Ապրիլ 2024

Հ.Յ.Դ. Բիւրոյի անդամ Խաժակ Մկրտիչեանի հեռակայ խօսքը Գամիշլիի մէջ տեղի ունեցած Հայոց Ցեղասպանութեան 109-ամեակին նուիրուած հաւաքին՝ Ապրիլ 24, 2024:

Հոգեշնորհ Հայր Սուրբ, ազգային եւ միութենական մարմիններու ներկայացուցիչներ, սիրելի եւ հարազատ գամիշլիահայ հայրենակիցներ, սիրելի երիտասրադներ:

Երիտասարդները առանձին կը շեշտեմ, որովհետեւ համաձայն չեմ յաճախ կրկնուած այն խօսքին՝ թէ երիտասարդութիւնը մեր ապագան է, այլ կը պնդեմ, որ երիտասարդութիւնը մեր ներկան է, ուր ազգային մեր հարցերուն համար մղուած պայքարին մէջ երիտասարդութիւնը ունի գործելու, որոշումներ կայացնելու եւ պատասխանատուութիւն կրելու էական առաքելութիւն: Ան այսօր իսկ, ունի պայքարի առաջին գիծերու վրայ գտնուելու պարտաւորութիւն: Մանաւանդ, երբ այսօր ազգովին կը նշենք Հայոց Ցեղասպանութեան հերթական տարելիցը, կանգնած ըլլալով ազգի ու հայրենիքի գոյաբանական նոր մարտահրաւէրներու դիմաց։

Սիրելի ներկաներ,

Նմանօրինակ մարտահրաւէրի մը առջեւ կանգնած էինք հարիւր ինն տարիներ առաջ, երբ թրքական հայաջինջ, ճիւաղային, փանթուրքիստական ծրագրին իրագործումով հայ ժողովուրդը իր գողգոթան բարձրացաւ, մէկ ու կէս միլիոն սրբացուած հայեր զոհուեցան, ողջ հայրենիք մը հայաթափուեցաւ, պատմական մշակոյթի մը կոթողներ պղծուեցան: Ցեղասպանական ծրագրի կենդանի վկայութիւնն է նոյն ինքն Գամիշլին, որ ծնունդ առաւ իբրեւ արդիւնք Հայոց Ցեղասպանութեան: Բայց այդ օրերու հայրենանուէր հայորդիներու ճիգերով, Քրիստոսի օրինակով, երեք տարի ետք յարութիւն առինք ու վեր խոյացաւ հայոց անկախ պետականութիւնը:

Ցաւօք սրտի, հայութիւնն ու Հայաստանը վերացնելու փանթուրքիստական ծրագիրը կանգ չառաւ եւ ան կը շարունակուի մինչեւ այսօր: Բոլորս ականատես եղանք նոյն ծրագրի շարունակութեան, երբ Արցախը ենթարկուեցաւ թրքական բարբարոսական յարձակումի ու նոյնիսկ այս պահուն, Ատրպէյճանը նոյն ձեռագրով կը շարունակէ մշակութային ցեղասպանութիւնը Արցախի մէջ, ճիշտ այնպէս ինչպէս Թուրքիան տասնամեակներէ ի վեր հայոց մշակոյթի վկայութիւնները կը վերացնէ Արեւմտահայաստանի մէջ:

Այս անգամ կացութիւնը աւելի դաժան է եւ մեր անժամանացելի իրաւունքներու պաշտպանութեան կամքը վերանորոգելու հարցը աւելի մեծ կարեւորութիւն կը ստանայ, որովհետեւ երեսունամեայ անկախ պետականութիւն ունենալու պայմաններուն մէջ, հայրենի իշխանութիւնը փոխանակ պետական լծակներու արդիւնաւէտ օգտագործումով ամէն ճիգ թափէ ազգին ու հայրենիքին դիմագրաւած մարտահրաւէրներուն դէմ կենալու, ազգային իրաւունքներու պաշտպանութեան գերնպատակին շուրջ ազգը համախմբելու՝ լծուած է հայութեան դարաւոր թշնամիներու ջրաղացին ջուր թափելու գործին:

Ամբողջ հարիւրամեակ մը, նուիրեալ զաւակներու զոհաբերութեամբ, հայ ժողովուրդը պատժեց Ցեղասպանութիւն իրագործած ճիւաղներուն, ապահովեց Հայոց Ցեղասպանութեան միջազգային ճանաչումը, Ցեղասպանութենէն ճողոպրած բազմութեան մէջ հայ մշակոյթ, լեզու ու եկեղեցի պահպանեց, Արցախ ազատագրեց, վերանկախացած հայրենիք կերտեց ու ազգային ազատագրական պայքարի ջահը վառ պահեց: Իսկ այսօր, խումբ մը արկածախնդիրներ եկան Արցախը զիջելու, հայութիւնը պառակտելու, աշխարհաքաղաքական բարդ իրավիճակին մէջ Հայաստանը միջազգային հակամարտութիւններու թատերաբեմ դարձնելու, վերանկախացած հայրենիքի անվտանգութիւնը խարխլելու: Աւելին, պարտուողական ու զիջողական քաղաքականութեամբ արդէն Ցեղասպանութեան փաստը կասկածի տակ դնելու, ցեղասպանին թէզերը կրկնելու ու պաշտպանելու:

Սիրելի ներկաներ,

Ակնյայտ է, որ այսօր հայ իրականութեան մէջ անհաշտ պայքար կայ ազգայինի ու ապազգայինի, պարտուողականի ու յաղթանակողի, անարժանապատիւ խաղաղութեան ու արժանապատիւ խաղաղութեան միջեւ: Ահա թէ ինչու, բոլոր ժամանակներէն աւելի, այսօր իւրաքանչիւր հայ ազգային գաղափարախօսութեան կրողը դառնալու պարտաւորութիւն ունի եւ իւրաքանչիւր հայ երիտասարդ Հայոց Ցեղասպանութեան արդար հատուցման համար մղուած պայքարի մարտիկ դառնալու առաքելութիւնը ունի:

Բոլորս անկասկած կը հետեւինք Հայաստանի սահմաններուն վրայ ընթացող ալեկոծ իրադարձութիւններուն, ուր թշնամին չարախինդ հրճուանքով կտոր առ կտոր կ’իւրացնէ հայրենի մեր հողը: Իսկ հայրենի իշխանութիւնը փոխանակ սանձելու թշնամու ցեղասպան նկրտումները՝ ուժային իր կառոյցներով կը փորձէ խեղդել հայրենիքի պաշտպանութեան համար բարձրացած ժողովրդային արդար զայրոյթը եւ պաշտպանական ամուր դիրքերը կազմագանդելով՝ կը դիւրացնէ թշնամու յառաջխաղացքը: Ոմանք, միամտօրէն կամ դաւադրաբար, կը փորձէին համոզել, թէ Արցախը զիջելով խաղաղութիւն կը բերեն: Իսկ այսօր չեն գիտակցիր կամ չեն ուզեր հասկնալ, որ Արցախը մեր հայրենիքի անվտանգութեան դարպասն էր եւ կը շարունակեն իրերայաջորդ զիջումներով մեր ժողովուրդին կերակրել կեղծ խաղաղութեան օրակարգով:

Մենք ամբողջովին կը հասկնանք մեծ տէրութիւններու քաղաքական անբարոյականութեան ծալքերը: Կը հասկնանք նաեւ, որ քսաներրորդ դարու առաջին Ցեղասպանութեան անպատիժ մնալու արդիւնք են անոր յաջորդող ցեղասպանութիւնները եւ հայ ժողովուրդի ու հայոց պետականութեան դէմ գործուած ոճիրներուն նկատմամբ արդար ու ազդու պատժամիջոցներու բացակայութեան հետևանքն է, որ Թուրքիոյ և Ատրպէյճանի աջակից Իսրայէլը այսօր կը համարձակի պաղեստինցի ժողովրդին նկատմամբ ցեղասպանութիւն իրագործել։ Կը հասկնանք նաեւ, որ անպատժելիութեան արդիւնք է միջազգային հանրութեան աչքին առջեւ քիւրտ ժողովուրդին դէմ իրականացուած Թուրքիոյ սանձարձակ յարձակումները:

Մենք ամբողջովին կը հասկնանք աշխարհաքաղաքական այն բարդ իրավիճակը, որ այսօր կը տիրէ մեր շուրջ: Կը հասկնանք նաեւ, որ Ռուսաստանի, արեւմուտքի ու տարածաշրջանային պետութիւններու միջեւ ընթացող հակամրտութիւնները տնօրինելը փոքրիկ Հայաստանի մը ուժերէն վեր է: Պարզ է, որ քաղաքական անբարոյական միջավայրին մէջ իւրաքանչիւր գերտէրութիւն իր սեփական շահերով պիտի առաջնորդուի: Սակայն կարելի չէ Հայաստանի ու հայութեան այս կործանարար կացութիւնը վերագրել արեւելքին կամ արեւմուտքին: Այստեղ մէջբերեմ մեծն Գարեգին Նժդեհի խօսքը, որ կ’ըսէ. «Վայ այն ժողովուրդին, որ իր գլխուն եկած չարիքներուն պատճառը այլոց մէջ կը գտնէ»: Ուստի, մեր գլխուն եկած չարիքին պատճառը պէտք է փնտռել մեր սեփական ապազգայնութեան ու տհասութեան մէջ: Այսօրուան դժուար մարտահրաւէրները դիմագրաւելու միակ լուծումը ազգային արեւելումի բարձր գիտակցութեամբ զինուած համխումբ միասնութիւնն է: Իսկ պարտուողականութեան, զիջողականութեան, թշնամիին առջեւ ծունկի գալուն ու ապազգայնութեան շուրջ միասնակամ չեն դառնար: Ազգերը միասնակամ կը դառնան հայրենիքի պաշտպանութեան, յաղթանակ կերտելու կամքին, իրաւունքներու համար մղուած պայքարին շուրջ միայն:

Այս խորը համոզումով է, որ այսօր կ’ուզեմ դիմել բոլորիդ, որ հայ իրականութեան մէջ ընթացող պայքարին մէջ կողմնորոշուիլ, ազգային գաղափարախօսութեամբ զինուիլ, ականջ տալ Հայոց Ցեղասպանութեան ու ազգային ազատագրական պայքարի ճամբուն վրայ ինկած նահատակներու կտակին ու տէր կանգնիլ հայ ժողովուրդի անժամանցելի իրաւունքներուն: Հայ ժողովուրդի գոյութենական պայքարի կարեւոր հանգրուանի մը մէջ ենք ազգովին, թշնամին իր ծրագիրները իրագործելու, հայոց հողին ու ջուրին տիրանալու, Ցեղասպանութիւնը իր աւարտին հասցնելու պարարտ հող գտած է հայ ապազգայնութեան, պարտուողականութեան ու անձնատուութեան մէջ, իսկ մենք այդ բոլորը արմատախիլ ընելու եւ ազգային պայքարի շուրջ համախմբուելուն մէջ կը տեսնենք ազգի ու հայրենիքի փրկութիւնը: Պայքարը պէտք է շարունակել Հայոց Ցեղասպանութեան արդար հատուցման, ազգային մեր դիմագիծի պահպանման, արցախահայութեան վերադարձի ապահովման եւ ազգային պետութեան ամրապնդման ուղղութիւններով: Իսկ այս պայքարը կ’արդիւնաւորուի մեզմէ իւրաքանչիւրի ներդրումով ու անսակարկ նուիրումով:

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company