ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Միասնական Մնանք

01 Մայիս 2024

Վեց տասնամեակէ ի վեր միասնականութեան աւանդոյթը պահպանուեցաւ Հայոց ցեղասպանութեան յիշատակի օրուան առիթով: Հայկական բոլոր համայնքները, բոլոր կուսակցութիւնները եւ կազմակերպութիւնները մասնակից եղան հաւաքական որոշուած միջոցառումներուն: Ցեղասպանութեան իրողութեան, զայն յիշելու, յիշեցնելու ու պահանջելու մասին տարակարծութիւն չկայ:

Միւս կողմէ, քառասունչորսօրեայ պատերազմին պարտութենէն ետք, մանաւանդ պարտութեան յաջորդած Արցախի կորուստէն եւ արցախահայութեան բռնի տեղահանութենէն ետք, նոր կացութիւն ստեղծուած է: Ազրպէյճանի գործած արարքները ցեղասպանական նկարագիր ունին եւ այդպէս ալ որակուեցան բազմաթիւ անկախ հեղինակութիւններու կողմէ: Հայոց ցեղասպանութեան մերօրեայ դրսեւորումներ կան, որոնք անխուսափելիօրէն պիտի յիշատակուէին ելոյթներու առիթով: Անցեալին, Հայոց ցեղասպանութեան այժմէականութիւնը կ՛արտայայտուէր հայապահպանութեան դժուարութիւններով, հայութեան քաղաքական կեանքը արտայայտելու անկարողութեամբ, անկախութեան բացակայութեամբ: Իսկ հիմա՞:

Անկախ Հայաստանը, որ իրաւական տէրն է Ցեղասպանութեան ճանաչման եւ հատուցման պայքարին, քաղաքական շիլ հաշիւներով տէր չի կանգնիր իր բնական պարտաւորութեան: Հայաստանէն նոյնիսկ տարօրինակ ձայներ կը լսուին, որոնք Ցեղասպանութեան իրողութիւնը կասկածի կ՛ենթարկեն, որոնք մասնաւորաբար կը ժխտեն պահանջատիրական ամէն դրսեւորում: Եւ ասիկա ամենաբարձր ու պատասխանատու աղբիւրներէ:

Կարելի՞ է անտարբեր մնալ նման երեւոյթի մը նկատմամբ: Կարելի՞ է ընդունիլ, որ հայոց հայրենիքի մազապուրծ փրկուած ու ազգային պետականութեան ստորոգելիներով օժտուած պատառը ժխտէ ամբողջական հայրենիքի գոյութիւնը: Ի՞նչ կը նշանակէ հայրենիքը պետութիւնն է արտայայտութիւնը: Ի՞նչ կը նշանակէ Ցեղասպանութեան զոհերու մարդահամարը կատարելու պահանջը: Չծաւալինք, որովհետեւ նման գիւտերը բազմաթիւ են դժբախտաբար. անոնք կը կրկնուին յաճախ, այլազան տարազաւորումներով:

Ցեղասպանութեան իրողութիւնը ժխտելու, կամ անոր տարողութիւնը նսեմացնելու փորձեր անցեալին ալ եղած են: Այդ փորձերուն հեղինակները, առաւելաբար օտարներ, մանաւանդ թուրքեր եղած են: Պատահաբար հայ անպատասխանատու անհատներ եւս, գիտականութեան պիտակով, Ցեղասպանութեան ճշմարտութիւնը կասկածի ենթարկած են: Բայց այս վերջինները լուսանցքային տարրեր են, իրենց կատարած քննարկումն ալ մնացած է հաւասարապէս լուսանցքային:

Հայաստանէն հնչող վերջին երեւոյթներուն նկատմամբ չենք կրնար յանուն միասնականութեան անտարբեր մնալ: Անոնք կը հնչեն, ուղղակի եւ անուղղակի ձեւով պատասխանատու դիրքերէ եւ կը խախտեն Ցեղասպանութիւնը դատապարտող հայ ազգային սրբազան միասնութիւնը:

Անընդունելի այս խոտորումը արժանի է դատապարտման, անկասկա՛ծ: Դատապարտել կարելի է անուղղակի միջոցով, անհասցէ քննադատութեամբ եւ ճշմարիտին շեփորումով: Մեղքը կը շղարշենք ընդհանրական դիտարկումներով ու կը գոհանանք ապաշխարութեան յոյսով: Յանուն միասնականութեան:

Միասնականութիւնը սակայն հնարաւոր չէ իրագործել պահանջ մը եւ անոր ժխտումը դաւանողներու միջեւ: Իսկ ժխտումը դաւանողները դատապարտել կը նշանակէ… Հայաստանի Հանրապետութեան իշխանութիւնը դատապարտել: Ուշադի՛ր. իշխանութիւնը, ոչ` պետութիւնը: Հինէն եկած, խորհրդային վարչակարգէն ժառանգուած, միակուսակցական համայնավարութենէն փոխառուած գոյութիւն ունի պետութիւնն ու զայն ժամանակաւորապէս կառավարող իշխանութեան շփոթը: Իշխանութիւնը քննադատելով, անոր դէմ պայքարելով պայքարած չենք ըլլար Հայաստանի Հանրապետութեան դէմ, պետութեան դէմ:

Կասկածէ դուրս է, որ ընտրուած իշխանութիւն մը, իրեն տրուած ժամանակամիջոցին տեւողութեան, կը ղեկավարէ պետութեան գործերը, իշխանութիւնը ընտրուած է նախընտրական ծրագիրի մը հիման վրայ, կառավարութիւն կազմած է ու այդ կառավարութիւնը նախընտրական ծրագիրի հետեւողութեամբ աշխատանքային ծրագիր ներկայացուցած է Ազգային ժողովին: Այս բոլորը օրինական են: Օրինական է նաեւ ընդդիմութեան գոյութիւնը եւ իշխանութեան գործողութիւնները քննադատելու սահմանադրական իրաւունքը:

Իշխանութեան քննադատութիւնը անօրինական չէ առհասարակ: Իսկ երբ այդ իշխանութիւնը իր իսկ մշակած ծրագիրին չի հետեւիր, կը գործէ հակոտնեայ եղանակով, ոչ միայն արժանի է քննադատութեան, այլեւ հրաժարականի օրինական պահանջի:

Մենք կը ճարենք ժողովրդավարութեան մասին, բայց մեր վերաբերումով կը մերժենք զայն: Միասնականութիւնը ոչ թէ իշխանութեան եւ ընդդիմութեան ձեւական գործելաոճով կ՛արտայայտուի, այլ այս երկուքին, թէկուզ տարբեր ճանապարհներով, ազգային միեւնոյն նպատակի հետապնդումով: Այս օրերուն` Ցեղասպանութիւնը ճանչնալու, ճանչցնելու ու հատուցում պահանջելու համազգային դաւանանքին:

Միասնական մնանք:

ՏԻԳՐԱՆ ՃԻՆՊԱՇԵԱՆ

Ազդակ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company