ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ազգային ուխտի վճռական հրամայականը

07 Մայիս 2024

Կարօ Արմենեան

Բագրատ Սրբազանի առաջնորդութեամբ դէպի Երևան դիմող քայլերթը կը յորդի խանդավառութեամբ, կորովով և վարակիչ լաւատեսութեամբ։ Տեսանիւթերը կը վկայեն, որ ան կուռ է, ինքնավստահ, հաւատաւոր, նպատակախնդիր և հայրենի հողին ուժականութիւններով տոգորուած։ Սրտանց մաղթենք, որ ան նաև ըլլայ հարուստ Ընդդիմութեան փորձի թանկագին դասերով և նոր առաւելոււթեամբ օժտէ հայրենիքի ազատագրման մեր պայքարը յաջորդող օրերուն։

Բնական է, որ երբ քայլերթը մուտք գործէ Երևան, մայրաքաղաքի քաղաքական իրականութիւնն է, որ պիտի գերիշխէ և այդ իրականութենէն բխող բարդ մարտահրաւէրներն են՝ որոնց պիտի բախի Բագրատ Սրբազանի գլխաւորած շարժումը և հոն է, որ տեղի պիտի ունենայ շարժման իսկական փորձաքննութիւնը։

Այս առումով, պայման է, որ

(ա) Շարժումը պահպանէ, ամրապնդէ և ընդլայնէ իր համաժողովրդական խարիսխը,

(բ) մնայ քաղաքականօրէն զգաստ և զոհ չերթայ ներքին և արտաքին տարաբնոյթ ուժերու և գործիչներու (և առաջին հերթին՝ Փաշինեանական համակարգի) որոգայթներուն,

(գ) գործէ համապարփակ ռազմավարութեամբ և ոչ՝ կացութիւններուն հակազդողի դիրքերէն։

Վերոյիշեալ պայմանները օրը-օրին գոհացնել կարենալու համար, Շարժումը պիտի ունենայ յստակօրէն ձևաւորուած ղեկավար մարմին մը և յստակ օրակա՛րգ՝ բիւրեղացած առաջնահերթութիւններով։ Բնականօրէն, այսօր շատ բան կախուած է Բագրատ Սրբազանի դատողութիւններէն որպէս Շարժման առաջնորդի։ Կը թուի, թէ Սրբազան Հօր անմիջական խորհրդականներն են ԱԺ Պատգամաւոր Գառնիկ Դանիէլեանն ու Սուրէն Պետրոսեանը։ Երկուքն ալ՝ ուշիմ և նուիրեալ անձնաւորութիւննե՛ր։ Այսօր, սակայն, Երևանի բարդ միջավայրին մէջ խարսխուող Շարժումը ինքնաբերաբար պիտի ստիպուի միջավայրի քաղաքական հրամայականներուն համապատասխանող կառոյց մէջտեղ բերել, մէկ կողմէ՝ լուծելով քաղաքական արևելումի սուր խնդիրներ և միւս կողմէ՝ օրը-օրին կառավարելով մարտավարական (tactical) գործողութիւններու դաշտը։ Մէկ բան յստակ է։ Շարժումը այլևս կը գտնուի քաղաքականութեան աւազանին մէջ, ուր ան պիտի դրուի քաղաքական ընտրութիւններ ընելու փշոտ հարցերուն առջև։ Այդ ընտրութիւնները ընելով է միայն (ո՛չ՝ անոնցմէ խուսափելով), որ Շարժումը կրնայ ձևաւորել մեր ազգային մեծ համախոհութիւնն ու միասնականութիւնը։ Բագրատ Սրբազանի կոչերը ժողովուրդին՝ հեռու մնալու նեղմիտ բևեռացումներէ լիովին կը ցոլացնեն ազգին ներկայ հրամայականներու ոգին։ Առաջնորդ Սրբազան Հայրը այժմ պիտի գործէ քաղաքական ղեկավարի պատասխանատւութիւններով, եթէ կ՚ուզենք վստահ ըլլալ, որ Շարժումը հասնի իր նպատակին։

Առաւե՛լ՝ Շարժումը, որ ծնունդ առաւ Տաւուշէն ազգային հրամայականներով, այժմ մտած է համաշխարահային քաղաքականութեան թէժ ծիրերէն ներս և հոն է, որ ան ի վերջոյ ցոյց պիտի տայ իր «մետաղ»-ը։

Այս առումով, այս քայլերթը, իր իսկութեան մէջ, ուղղուած է վճռակամ, բազմաշերտ, լայն հնարաւորութիւններու տիրապետող թշնամիի մը դէմ, որ կեցած է Փաշինեանական համակարգի թիկունքին և կը յաւակնի տնօրինել հայ անկախ պետականութեան ճակատագիրը։ Ան ուղղուած է, առաջին հերթին, Թուրքիոյ և Ազրպէյճանի ֆաշիստ, խուժդուժ և ծաւալապաշտ պետականութեանց դէմ և այս վերջինները սնուցող համաշխարհային ուժերուն։

Ռուսաստանը դադրած է Հայաստանի ռազմավարական դաշնակիցը ըլլալէ։ Ռուս մեծապետական շահերու գործօնը, որ հող կը հայթայթէր Ռուսաստան-Հայաստան ռազմավարական հեռահաս սերտակցութեան, այժմ լայնօրէն ստորադասուած է Մոսկուայի տէրերու անձնական և խմբակային շահերուն, որոնք ընդելուզուած են Ալիևի ֆինանսական կայսրութեան։ Մոսկուայի տէրերը այսօր գործընկերային սերտ յարաբերութեան մէջ են Ալիևի հետ։ Շնորհիւ Ալիևի քաղաքականութեան, Ազրպէյճանի ռազմանիւթային ծաւալուն գնումները Ռուսաստանէն գործնականօրէն Մոսկուան կը դնեն կարևոր գործընկերոջ դիրքին մէջ և Ալիևին կու տան առանձնաշնորհեալ կարգավիճակ Մոսկուայի մէջ։ Այս դաշինքն է, որ հնարաւոր դարձուց 44-օրեայ Պատերազմը և Ալիևի յաղթանակը այդ պատերազմին մէջ։ Ան հնարաւոր դարձուց հայկական զինուժի լուծարումը և մեր ժողովուրդի բարոյալքումը։ Արցախի հայաթափումը և Ազրպէյճանի յառաջխաղացքը մեր հայրենի հողերէն ներս՝ որ դեռ կը շարունակուի։ Ալիև կրցաւ «գնել» այս բոլորը Մոսկուայէն ճակատագրական հարուած տալով Կովկասի հաւասարակշռութեան և էապէս վերջ դնելով Հիւսիս-Հարաւ Ռուսաստան-Հայաստան-Իրան Առանցքին։

Աշխարհակարգի հակադիր կողմը Արևմուտքն է և ՆԱԹՕ-ն, որոնց գլխաւոր առաջնահերթութիւններն են Կովկասի մէջ ՝ (ա) Ռուսաստանի չէզոքացումը և (բ) Իրանի շրջափակումը։ Պարզ է, որ այս օրակարգի իրագործման համար, Հայաստանը վճռական ոչինչ ունի տալիք։ Փոխարէնը՝ Արևմուտքի ղեկավար ուժերը ունին երկու հզօր դաշնակիցներ՝ յանձինս ՆԱԹՕ-ի մէջ տիրապետող ներկայութիւն ունեցող Թուրքիոյ և իր յուսալիութեան (credibility) փորձաքննութիւնը փայլուն անցուցած` Ազրպէյճանի, որոնք, իրենց կարգին, կը հետապնդեն Հայաստանը լուծարելու բացայայտ քաղաքականութիւն։ Պարզ է նաև, որ Ա.Մ.Ն. և Արևմուտքը մեծ ակնկալութիւններ կապած են Թուրքիոյ (և անշուշտ Ազրպէյճանի) Ռուսաստանի և Իրանի կնճռոտ հարցերու կապակցութեամբ և բնականաբար պատրաստ են (մեր հաշւոյն) լուրջ համաձայնութիւններու (բացայայտ կամ լռելեայն) իրենց օրակարգը առաջ տանելու համար։ Հետևաբար Հայաստանի անվտանգային հարցերու հանգուցալուծման մէջ Արևմուտքի շահերը էապէս բախման մէջ են Հայաստանի շահերուն հետ։ Յամենայն դէպս Հայաստանի շահերը ստորադասուած են թէ՛ Արևմուտքի և թէ՛ թուրքևազրպէյճանական բևեռի շահերուն։ Եւ Փաշինեանական համակարգը ճիշտ այն գործօնն է, որուն սուր կարիքը ունի Արևմուտքի ղեկավարութիւնը Կովկասի մէջ։

Պէտք է ենթադրել, որ Արևմուտքի ռազմագէտները կ՚ուզեն ունենալ տկար, բարոյալքուած, պառակտուած և թուլակամ Հայաստան մը իրենց ափսէին վրայ։ Հայաստա՛ն մը՝ զոր կրնան «սփոփել» ողորմութիւններով և որ կը մնայ լիովին կառավարելի իրենց «գործընկեր»՝ Փաշինեանական համակարգին կողմէ։ Եւ Հայաստա՛ն մը՝ որ կրնայ հեշտօրէն ընդունիլ իր քաղաքական ինքնասպանութիւնը կամաւորապէս լքելով իր պատմական յիշողութիւնը, իր անհատականութիւնը, իր արժանապատւութիւնը։ Կայսերական այս մեծ գործարքին համար՝ Արևմուտքը կը թուի գտած ըլլալ իր իտէալ գործավարը։

Այս բոլորէն կը հետևի, որ Հայաստանը չունի և չի կրնար ունենալ ռազմավարական դաշնակից որքան ատեն որ Փաշինեանական համակարգը ամուր կառչած կը մնայ իշխանութեան դիրքերուն։ Այսինքն՝ որքան ատեն որ Ընդդիմութիւնը չի յաջողիր վտարել այս համակարգը իշխանութեան դիրքերէն։ Նաև ՝ որքան ատեն որ ազգին որոշիչ զանգուածը (critical mass) ինքզինք կը պահէ կրաւորական մեր ազգային ճգնաժամին դէմ յանդիման։

Շան գլուխը, սիրելիներ, թաղուած է հոս։ Բագրատ Սրբազանին կողմէ առաջնորդուող շարժումը դատապարտուած է նախորդ ընդդիմութեան ճակատագրին, եթէ Հ.Հ. քաղաքացիները փախուստ տան իրենց քաղաքական պարտաւորութիւններէն։ Բագրատ Սրբազանի գլխաւորած շարժումը փուլ բերողը կրնայ միայն ըլլալ Հայաստանի Հանրապետութեան քաղաքացին, եթէ ան մերժէ յայտնուիլ այսօր հայրենիքի ազատագրութեան պատնէշներուն վրայ։ Այն ինչ, որ ունինք այս պահուն, վերջին պատեհութիւնն է ազգը իր ահռելի տիղմէն դուրս հանելու և փրկելու մեր հայրենի պետականութիւնը։

Այսօր հնչեց այն միտքը, որ Շարժման նպատակն է կասեցնել սահմանազատման և սահմանագծման «բանակցութիւն»ներու կեղծ գործընթացը առաջին հերթին սառեցնելով Տաւուշի չորս գիւղերը թշնամիին յանձնելու չարաշուք ծրագիրը։ Կասկած չկայ, որ այդ քայլը վճռական նշանակութիւն ունի այսօր մեր երկրին համար։ Բայց գործը չի կրնար կանգ առնել հոտ։ ՇԱՐԺՄԱՆ ՆՊԱՏԱԿԸ ՊԻՏԻ ԸԼԼԱՅ ԱՐՄԱՏԱԿԱՆ ԼՈՒԾԱՐՈՒՄԸ ՓԱՇԻՆԵԱՆԱԿԱՆ ՀԱՄԱԿԱՐԳԻՆ։ ՎԻՇԻԱԿԱՆ ԿԱՄԱԿԱՏԱՐ ԵՒ ՅԱՆՑԱԳՈՐԾ ԱՅՍ ԻՇԽԱՆՈՒԹԻՒՆԸ ՊԻՏԻ ՎԵՐՋՆԱԿԱՆՕՐԷՆ ԴՈՒՐՍ ԴՐՈՒԻ ՄԵՐ ԵՐԿՐԻ ՔԱՂԱՔԱԿԱՆ ԲԵՄԷՆ, ՈՐՊԷՍԶԻ ԱԶԳԸ ԿԱՐՈՂԱՆԱՅ ՎԵՐՍՏԻՆ ԿԵՐՏԵԼ ԼԾԱԿԱՅԻՆ ԿԱՐՈՂԱԿԱՆՈՒԹԻՒՆՆԵՐՈՒ (leverage) ԻՐ ԿԵՆՍԱԿԱՆ ԶԻՆԱՐԱՆԸ։

Շարժման ղեկավարութիւնը ՊԻՏԻ գտնուի մեծ փորձութիւններու առջև յառաջիկայ օրերուն։ Կարելի է նոյնիսկ պատկերացնել, որ Փաշինեան՝ ի՛նք խորամանկօրէն փորձէ շրջել խաղաքարտերը և ժամանակաւորապէս «սառեցնել» սահմանազատման գործընթացը ջանալով կոտրել Շարժման թափը և Օրմանեան Պատրիարքի յայտնի ասոյթով՝ «հարցը հինցնե՛լ»…Նմանօրինակ սադրանքներու բոյն է տարածաշրջանը և պատճառ չկայ կարծելու, որ տարբեր է ըլլալու Հայաստանի ներքին քաղաքական բեմը։ Հայրենիքի ազատագրման գործը ներկայիս լայն չափերով կախեալ է երկրի որոշիչ զանգուածէն առանց որուն Շարժումը դատապարտուած է ձախողութեան։ Յաջորդող օրերուն, Փաշինեանական համակարգի նպատակը պիտի ըլլայ արգիլել կազմութիւնը համաժողովրդական այդ լայն խարիսխին։ Իսկ գոյանալու պարագային՝ զայն ներսէն պառակտել։

ԿԱՆԽԵԼՈՒ ՀԱՄԱՐ ՓԱՇԻՆԵԱՆԱԿԱՆ ՀԱՄԱԿԱՐԳԻ ԵՒ ԱՅՍ ՎԵՐՋԻՆԻ ԱՐՏԱՔԻՆ ՀՈՎԱՆԱՒՈՐՆԵՐՈՒ ՆՄԱՆԱՏԻՊ ՄԵՔԵՆԱՅՈՒԹԻՒՆՆԵՐԸ՝ ՊԱՅՄԱՆ Է, ՈՐ ՇԱՐԺՈՒՄԸ ԱՆՅԱՊԱՂ ՃԱՄԲԱՅ ՀԱՆԷ ՔԱՂԱՔԱԿԱՆ ՈՒԺԵՐՈՒ ԱՄԵՆԱԼԱՅՆ ԶՕՐԱՇԱՐԺԸ ԱՆԿԱՐԵԼԻՈՒԹԵԱՆ ՄԱՏՆԵԼՈՎ ԻՇԽԱՆՈՒԹԵԱՆ ՍՏԵՂԾԱԾ ՈՍՏԻԿԱՆՈՒԹԵԱՆ ԽՈՒԺԴՈՒԺ ՄԻՋԱՄՏՈՒԹԻՒՆԸ։

ՊԱՏՄԱԿԱՆ ՊԱՀԸ ՆԱԵՒ ԿԸ ՊԱՀԱՆՋԷ, ՈՐ ՇԱՐԺՄԱՆ ԱՌԱՆՑՔԻՆ ՇՈՒՐՋ ՁԵՒԱՒՈՐՈՒԻ ՔԱՂԱՔԱԿԱՆ ՈՒԺԵՐՈՒ ԱՆՆԱԽԱԸՆԹԱՑ ՀԱՄԱԽՄԲՈՒՄ ՄԸ ԾՆՈՒՆԴ ՏԱԼՈՎ ԱԶԳԱՅԻՆ ՈՒԽՏԱԳՐԻՆ (national pact) , ՈՐ ՊԻՏԻ ՀԱՐԱԶԱՏԱԳՐԷ ՇԱՐԺՈՒՄԸ ԸՆԴԴԷՄ ՓԱՇԻՆԵԱՆԱԿԱՆ ՍՈՒՏ ՀԱՄԱԿԱՐԳԻՆ ԵՒ ԸՆԴԴԷՄ ԹՇՆԱՄԻԻՆ ԵՒ ՀՀ ԱՆԿԱԽՈՒԹԵԱՆ ՀՌՉԱԿԱԳՐԻՆ ՀԵՏ ՄԻԱՍԻՆ ՀԻՄ ՀԱՆԴԻՍԱՆԱՅ ՀՀ ՆՈՐ ՍԱՀՄԱՆԱԴՐՈՒԹԵԱՆ։

Կը կրկնեմ. պատմական այս գործընթացին առաջին վճռորոշ հանգրուանը Փաշինեանական իշխանութեան ամբողջական լուծարումն է։ Ան պէտք է լուծարուի ՕՐԵՐՈՒ և թերևս ժամերու ընթացքին։ Ան պէտք է լուծարուի ամէն գնով և ՀԻՄԱ։ Ժամանակի բոլոր լուսանցքները սպառած են վաղուց և պատմութիւնը արդէն կը քալէ մեր վրայէն։

Մայիս 5, 2024

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company