ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ոչ Մէկ Իշխանութիւն Կրնայ Ազգի Ու Հայրենիքի Սեփական Տեսութիւն Մը Փաթաթել Հայութեան Վզին

08 Մայիս 2024

Հայաստանի մէջ ճակատագրական օրերու սեմին կը գտնուինք: Տաւուշի Կիրանց գիւղէն ճամբայ ելած քայլարշաւը, Բագրատ արքեպիսկոպոս Գալստանեանի առաջնորդութեամբ, կը մօտենայ Երեւանին: Ուրիշ քայլարշաւ մը Գիւմրիէն ճամբայ կ՛ելլէ 8 մայիսին Միքայէլ արքեպիսկոպոս Աջապահեանի գլխաւորութեամբ: Ճանապարհին մասնակիցներով ուռճանալով երկու խումբերը 9 մայիսին կը հասնին Երեւան, ուր այլ մասնակիցներու ալ յաւելումով, տեղի կ՛ունենայ մեծ հաւաք: Նպատակը միակողմանի զիջումներով սահմանազատումը արգիլել է:

Կը պատրաստուէի գրելու նախատեսուած հաւաքին եւ անոր հնարաւոր արդիւնքին մասին, երբ դէմ յանդիման գտնուեցայ Նիկոլ Փաշինեանի մամլոյ ասուլիսին: Ժամեր տեւող ասուլիսի ընթացքին Նիկոլ Փաշինեան նոր բան չըսաւ: Ամփոփեց իր յաճախ յայտնած մտքերն ու անդադար կրկնեց միեւնոյն փաստարկները:

Մամլոյ ասուլիսի ներածական բաժնին մէջ Նիկոլ Փաշինեան զեկոյցի ձեւով ներկայացուց իր քաղաքական տեսլականը: Պետութեան նպատակը բնակիչներուն երջանկութիւնն է: Պէտք չունինք կորսուած հայրենիք փնտռելու, որովհետեւ զայն գտած ենք` ատիկա ներկայ պետութիւնն է: Պատմութիւնը կարեւոր է, սակայն չի կրնար պայմանաւորել մեր ներկայ կեանքը: Անվտանգութիւն (ապահովութիւն) իրականացնելու երաշխիքը օրինականութիւնն է: Բարգաւաճման ճամբան կ՛անցնի խաղաղութեան հաստատումէն: Իշխանութեան տէրը ժողովուրդն է, որ իր կարծիքով կը բաժնէ այս տեսակէտները:

Ցուցակը կրնայ ամբողջական չըլլալ, որովհետեւ յիշողութեամբ կը փորձեմ վերարտադրել զայն: Կրնանք ամփոփել այսպէս. հայոց հայրենիքը այժմու Հայաստանի Հանրապետութիւնն է, որ իր ապահովութեան եւ գոյատեւման համար կը յենի բացառապէս օրինապահութեան (լեկիդիմութեան) վրայ:

Արդէն բազմիցս կրկնուած ու շեփորուած այս քաղաքական հանգանակը կրնար ընդունելի ըլլալ: Եթէ հիմնուած ըլլար հայոց պատմութեան հոլովոյթին վրայ: Քաղաքական հանգանակը կարելի չէ սահմանել առանց նկատի ունենալու հայ ազգի պատմական անցեալը եւ անոր պետութիւն ստեղծելու համար մղած պայքարներուն հոլովոյթը: Կարելի է, անշուշտ, նկատի ունենալով աշխարհաքաղաքական նկատառումները, շրջապատի երկիրներու ու առհասարակ տարածաշրջանի կացութիւնը, Հայաստանի տնտեսական ու ընկերային կարողականութիւնը եւ հայ ժողովուրդի պատրաստակամութիւնը, ճշդել ժամանակաւոր առաջադրանքներ: Ժամանակաւոր առաջադրանքները իրաւունք չունինք վերածելու մնայուն տեսլականի, հայոց պատմութիւնը վերածելով անցեալը յիշեցնող վէպի, աւելի ճիշդ` հեքիաթի:

Օրինաւորապէս ընտրուած, ինչպէս սովոր է ըսել` լեկիդիմ ոչ մէկ իշխանութիւն կրնայ ազգի ու հայրենիքի սեփական տեսութիւն մը փաթաթել հայութեան վզին: Սա սովորական կառավարման հետ կապ չունի, ընթացիկ գործունէութեան մը առաջադրանք չէ, ամէնօրեայ պարտականութիւններու կատարում չէ: Հայրենիքի գաղափարը եւ ազգի գոյութեան համար կենսական եղող հաւաքական գիտակցութիւնը չեն կրնար սահմանուիլ իշխանութեան մը կողմէ: Անոնք պատմական իրողութիւններ են, ամրօրէն խարսխուած մեր գոյութենական էութեան մէջ: Հայ ազգի տեսլականը եթէ ժամանակի հրամայականով փոփոխման կարիք ունենայ, անոր քննարկման ու վերախմբագրման պէտք է մասնակցի ողջ հայութիւնը, Հայաստանի եւ սփիւռքի հայութիւնը:

Վերադառնանք քայլարշաւներուն ու նախատեսուող հաւաքին: Տաւուշի չորս գիւղերու շրջանին մէջ սահմանագծումը կը կատարուի հայրենիքը Խորհրդային Հայաստանի սահմաններով բնորոշելու տրամաբանութեամբ: Սահմանափակ շրջանի մը մէջ, միակողմանի զիջումով եւ առանց մնացեալ շրջաններուն մէջ ի նպաստ Հայաստանին սահման որոշելու երաշխիքի բացակայութեամբ: Մերժելին սահմանազատումը չէ. մերժելի է ա՛յս եղանակով սահմանազատման կատարումը:

Ուրախալի է, որ Հայաստանի ժողովուրդին մօտ, ընդարմացման երկարատեւ շրջանէ մը ետք, կ՛երեւին արթնութեան ու ազգին իրաւունքներուն տէր կանգնելու նշաններ: Մաղթենք, որ խորանան այդ նշանները եւ Հայաստանի հայութիւնը վկայէ, որ ցանկալի խաղաղութեան գինը չի կրնար իրաւունքներէն հրաժարումը ըլլալ:

ՏԻԳՐԱՆ ՃԻՆՊԱՇԵԱՆ

«Ազդակ»

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company