ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Կը Յաղթէ Ան, Որ Կը Յարատեւէ

15 Մայիս 2024

Շատեր հարց կու տան, թէ Հայաստանի մէջ ընթացք առած բողոքի շարժումը պիտի յանգի՞ որեւէ լուծումի: Քառասունչորսօրեայ պատերազմէն ետք ամէն բողոք, ամէն առարկութիւն կը վերագրուէր իշխանափոխութեան, աւելի հասարակ կերպով` աթոռակռիւի: Իշխանութիւններուն սատարող բազում քաղաքագէտներ, «քաղտեխնոլոկներ», ինչպէս նաեւ լրատուամիջոցներ խօսքերը մէկ ըրած կը պնդէին, որ կատարուողը անօրինական կերպով պաշտօնի ձգտում է, ուրիշ ոչինչ: Իշխանութիւնը, աւելի ճիշդ` վարչապետը, օրինաւորապէս ընտրուած է, ազգընտիր է: Ուրեմն որեւէ քննադատութիւն անընդունելի է, իսկ հրաժարականի պահանջը` ժողովրդավարութեան ժխտում: Վարչապետը ընտրուած է ժողովուրդի քուէներով, կը նշանակէ, որ ան անսխալական է: Կարեւոր ալ չէ, որ ընտրուելու համար ի՛նչ խոստումներ տուած է, ի՛նչ ծրագիր ներկայացուցած է: Այդ բոլորը պէտք է մոռնալ, կարեւորը եւ միակ ընդունելին փաշինեանական մտքի փայլատակումներն են, նոյնիսկ եթէ անոնք ցնդաբանութիւններ ըլլան: Հարցազրոյցներու ընթացքին ընդդիմադիր խօսակիցներէն կը պահանջուէր փոփոխութեան պարագային քաղաքական նոր գործընթացի ամբողջական պատկեր ներկայացնել ու մանաւանդ ըսել, թէ ո՛վ կը նախատեսուի իբրեւ վարչապետի թեկնածու: Երբեմն իրենք, հարցնողները, կը նախատեսէին հաւանական թեկնածու մը, զոր պախարակելու ու բարոյազրկելու գործին կը լծուէին անյապաղ:

Տաւուշի շրջանին մէջ կատարուող սահմանազատման դէմ բողոքի շարժում մը սկսաւ նախ Տաւուշէն, շրջանի թեմի առաջնորդ Բագրատ արքեպիսկոպոս Գալստանեանի ղեկավարութեամբ: Իր թեմին մէջ անօրինական գործողութիւն մը կը կատարուէր, բնականաբար իր պարտականութիւնն էր իր խնամքին յանձնուած հօտը արթնութեան հրաւիրել` առաջնորդել: Կատարուածը խիզախութիւն կ՛ենթադրեր, ազգի եւ եկեղեցիի միասնութեան դարաւոր աւանդութիւնը կ՛այժմէականացնէր:

Ժողովուրդը ընդարմացած էր, ընկղմած տեղատուութեան տիղմին մէջ, անյուսութեան բերումով ընդունելու ամէն նահանջ, ամէն նուաստացում: Կորովի ու քաջ առաջնորդի մը երեւումը բորբոքեց մարած կարծուող կրակը, եւ Հայաստանի ժողովուրդը արթնցաւ իր ցաւոտ թմբիրէն: Շարժումը թափ առաւ, տարածուեցաւ ու եկաւ հանգելու հայոց մայրաքաղաքին` Երեւանի մէջ: Այժմ բողոքը այլեւս համահայաստանեան է, նոյնիսկ` համահայկական: Կարեւոր ալ չէ, որ խաղաղ անհնազանդութեան արարքներուն քանի հոգի կը մասնակցին, կարեւոր չէ, որ հաւաքներուն քանի հազար մարդ կը մէկտեղուի: Կացութիւններ փոխող, մտքեր յեղափոխող բոլոր յաջողած շարժումները վճռականութեամբ տոգորուած փոքրամասնութիւններու կողմէ առաջնորդուած են: Անտարբեր թուացող բազմութիւնները, նման պարագաներուն, ներքին ոգեւորութեամբ կը հետեւին եղելութիւններուն:

Հայաստանի պետական կառավարման ընթացքին փոփոխութիւնը այժմ միահամուռ պահանջ է: Ընտրուած ըլլալը իրաւունք չի տար ազգը կազմաւորող էութենական ազդակները ժխտելու, աւանդը քամիին տալու ու փոշիացնելու: Ժողովրդավարութիւնը ընտրութեամբ կը կիրարկուի, այո՛, բայց ազգային աւանդներուն հաւատարմութեամբ միայն անիկա կը վերածուի իրաւ ժողովրդական կառավարման:

Այս շարժումը երկարատեւ կրնայ ըլլալ: Զայն տապալելու այլազան փորձեր կը կիրարկուին ու պիտի շարունակեն կիրարկուիլ: Շարժման մասնակիցները վարկաբեկելու փորձեր արդէն եղան ու պիտի շարունակեն ըլլալ: Հայաստանեան լրատուական դաշտը շատոնց ականուած է ու չի փայլիր ազնուութեամբ եւ մանաւանդ` տրամաբանութեամբ: Իշխանութիւնը պիտի փորձէ, կը փորձէ արդէն, ոստիկանութեան միջոցով յուսահատութեան մատնել ցուցարարները: Պահանջներուն արդարացիութիւնը, հայաստանեան քաղաքական դաշտը սուտէն, կեղծիքէն, պարտուողականութենէն ու նուաստացումէն ազատագրելու կոչուած այս շարժումը հայրենի պետականութեան փրկութեան շարժում է. նման շարժում չի կրնար պարտութիւն կրել:

Որքան ալ դժուար ըլլայ, որքան ալ երկար տեւէ, ազգի ու հայրենիքի փրկութեան այս երթը պէտք է շարունակուի մինչեւ յաղթանակ:

Արդարութեան եւ ճշմարտութեան համար, պայքարին մէջ կը յաղթանակէ ան, որ կը յարատեւէ մինչեւ վերջ:

ՏԻԳՐԱՆ ՃԻՆՊԱՇԵԱՆ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company